شو رده فعلج لو زخيتي ريلج يخز وحده!!

الرجل الملتزم يخاف على نفسه اكثر من خوفك عليه
والله يرزقنا النيه

الزينه
وشكراااااااااااا

انا عن نفسي شي طبييعي اني بغار

ووووووووووووووووووووو


بموووووووووووووت من الغيررة بس الحمدلله ثقة بنفسي اني احلىى منهم بس شعور كل بنت الغيرة طبعاا



دمتم

مع تحياتي

الملقووفة وبس

السلام عليكم ورحمة الله وبركاته


هلا والله بالمدللة، بصراحة مشاركتج ضربتني على الوتر وهالموضوع دايما كان في بالي

وأنا مثل حالتج بالضبط ومشكلتي غيورة، والحمدلله أن ريلي يعرف إني غيورة وهو بعد غيور

ولو أنه ساعات ما يطلع لي غيرته بس اعرف شلون اطلعها :shy:

بس الموقف إللي تقولين عنه يحصل ولاحظت أن أغلب الرياييل يطالعون في البنات إللي

يسوون مناكر بنفسهم (إلا من رحمه ربي) ، مو بقصد المغازل ولكن فضول.. يعني مثلا لما تمر وحدة

ومهبلة بنفسها إحنا كبنات نطالعهم ونشوف شمسوين بعمرهم فما بالج بالرياييل؟؟

تتوقعينهم ما بيطالعون؟ فأنا لاحظت أن ريلي ساعات لما تمر وحدة مهبلة بروحها يلتفت

وانا اشوفه صج أتضايق من داخلي بس ما ابين له لأني إذا بينت له فأطلع قدامه كأني مو

واثقة من نفسي.. اسكت عنه وبعد شوي اشوفه يعلق على إللي مسويته هالبنت

فأعرف أنه مو قصده يغازل بس الشي إللي يسوونه البنات يلفت الإنتباه وأنا احاول ما اسوي

مشكلة لأن الحياة فيها أشياء أكبر من جذي الواحد يزعل عليها.. وبنفس الوقت أعرف

ان ريلي مو قصده يطالع ويثير نفسه بشوفتهم، فما له داعي أكبر الموضوع وهو

ماخذ الموضوع بتمصخر..

بس في شي، وحدة من الأخوات قالت عنه وهو أن ريلها شاف لون شعر وحدة وقال لها

يبيها تصبغ شعرها مثلها.. صحيح يمكن البنت ما همته بس شاف شي اعجبه ويبي يشوف

هالشي على زوجته لكن هم تبقى الحركة مو حلوة.. وهالحركة صج ما أحبها أن ريلي يشوف

شي على بنت ويبيني أخذ مثله.. يعني إذا يجيني ويقول لي لبسي جذي من غير

ما يحسسني إنه شايفه على وحدة أهون عندي من إنه يقولها بصريح العبارة

سوي جذي في نفس الوقت إللي شايف فيه وحدة مسوية هالشي.. بهالحالة الله يستر شنو ممكن

يصير وهالحركة صج تضايقني.. وما أخبي عليكم صارت معاي مرة حركة مشابهة

أدري ان ريلي ما كان يقصد شي بس كان يبي يضرب مثل بس انا زعلت عليه وصحت بعد

وهو أعتذر لي وقلبه عوره لأنه ما كان يقصد إلا إنه يضرب مثل علشان انا استوعب الفكرة..

وانا وضحت له وجهة نظري (أن الحركة هاذي تضايق لأنك تحسسني إن إللي انا مسويته

مو عاجبك وكأنك تقارني بهالبنت ولو أني مسوية هالحركة فيك أكيد بتتضايق

لأني حبيتك بالشخصية إللي أنت عليها وما ابي أغيرك فياليت تتعامل معاي بالمثل)

والحمدلله ما تكرر هالشي مرة ثانية وهو فهم طبعي وفهم شنو إللي يضايقني..


تدرون شنو المشكلة يا بنات ، إنا إحنا ما نتعامل مع الرياييل مثل ما هم يتعاملون معانا

لو ردينا على حركاتهم بالمثل هذاك الوقت بيستوعبون.. يعني إحنا بطبعنا ما نطالع كل ما مر واحد

ونغض بصرنا أكثر من الريال، وإحنا نحاول قد ما نقدر ما نجرحهم ولا نحط من قدرهم بس

هم ساعات وأعتقد أن الدفاشة إللي فيهم تخليهم يجرحونا من غير قصد ولا انتوا شرايكم؟ :)

والمشكلة الثانية، في البنات نفسهم الله يهديهم.. كل وحدة فيهم شايلة إثمها وإثم كل ريال

أنفتن من وراها وياليت هالبنات يعرفون قدر المصيبة إللي يرتكبونها وجزاهم عند الله

انا ما أتكلم عن الإجنبيات ، أنا أتكلم عن إللي للأسف ماخذين الإسلام بالوراثة أو يعدون

نفسهم مسلمات.. وفيه نوع من البنات الله يهديهم ما يخزون العزوبي كثر ما يخزون الريال

إللي مع زوجته.. وهالشي صار قدام عيني، ما يلتفتون على مجموعة الشباب العزاب إللي يمشون

بس ذبحتهم بشوفون الواحد إللي ماشي مع زوجته، ليما الحين ما عرفت شنو الحكمة من الموضوع؟

بس صج النسوان (كيدهن عظيم) :think:



كأني تكلمت وايد؟ معليش انا اسفة طولت بس لأن هالموضوع من جد يضايقني



وللجميع أطيب تحية

والله اغلب الرياييل يبحلقون لين ما يشبعون و عقب يبررون موقفهم عند حريمهم يقولون اخ شو هالاشكال او شو هاللوث هلهم مب مربيينهم و مناك الحبيب بحلق و كيف اخر تكييف

و تبون نصيحه لوجه الله لا تودين ريلج ويااااااااااااااااااااااااااج السووووووووووووووووووق

لان اغلب الرياييل يعني 99.9% من الرياييل يوم حرمتهم منشغله تطالع البضايع او تقايس او او يعني مب منتبهه طبعا هو يشتغل راداااااااااااار في المحل و يسوي سكان على كل البنات الموجودات في المحل...والله هذا اللي انا شايفتنه بعيني و ما افتري على حد و مستحيل اودي ريلي ويايه السوووق يستغفلني شرات حال باقي الحريم حليلهم هن في المشترى و رياييلهم قناص و بلوتوث بعد
و على فكره اغلب الرياييل ما يبون حريمهم يتعلمون على البلوتوث عشان ما يجكونهم..و الشجاعه تقول لريلها مثل ماشي بلوتوث لي انته بعد ماشي بلوتوث لك و لا تقبلين اي عذر



و اذا تبين ريلج ما يطالع قولليله : عفوا تعف نسائكم..و كرريها لين يكره حياته

و سلامتكم

احسن شي الوحده تاخذ لها ملتزم .. راااااااااااااااااااحه نفسيه من هالناااحيه
ماشي في حاله لا يصد يمين ولا يسار وان ظهرت له وحده جدامه بالغلط نزل عيونه وقال استغفر الله:dd:

همس القلوب ... صدقج وايد بنات بس يطالعن المعرس ...
انا سمعت ان الموضه الحينه الريال المعرس .. يقولج ليش ؟؟
انه يفهم في الزواج و المسؤوليات و اذا هو زين مع حرمته اكيد بيكون احسن مع الثانيه
و الله خبله اللي تفكر جذي .. واحد لج ولا نص واحد لج و لغيرج و عياله
و الله لا يبلينا بهالاشكال
او انها تشوف نفسها احلى عن حرمته فتقول في نفسها على شو ماخذنها ؟؟؟
---
أمل مفقود ضحكتيني .. اتخيله ماشي و فجأة ينزل راسه استغفر الله ههههههههههههههههه


بس ملاحظه بسيطه حق اللي يقول الملتزم ما يطالع .. ترى مب كل ملتزم ملتزم .. و انا ياما شفت و حشوووووف
الحيه طويله و الكندورة قصيرة ... و العيون بتاكل الحريم ... الواحد من اخلاقه و خوفه من ربه ... و اللي يخاف على عرضه بيخاف على عرض غيره

كلامج صح جامي مش اي ملتزم ملتزم لان الالتزام درجات وهو غير عن الاخلاق وهم الاثنين مكملين لبعضهم وان غاب واحد بنلاقي نقص في هالشخص وغض البصر من الدين وحسن الخلق

بس والله ريلي ماشي في حاله .. اصلا وين بيشوف قمر شراتي لو تصدد منه والا مناك>>>>>> صدقت عمرها:dd:

أبط عينه أو أكب على ويهه مية نار ...عشان ما يطالع أحد ولا أحد يطالعه...:dd::dd::dd::dd:

انا مره كنت طالعه مع زوجييي مرت انجليزيه ششششقره وبييييضة ولابسه وردي تدرون شنو قال الحبيب (باربي باربي الي تمشي مو انسانه )
@@ تخيلو واشكره انا ينيييييت وزعلت وطنقرت ولما راضاني عقبها كله قمت البس وردي واسوي نفسي باربيه والحمدلله شكلي يساعد :) قولو مشاللللله

بكل بساطه إذا صارلي ها الموقف و هو يصير طبعا
بقوله ليش ما تروح تتمشى مهاهن أحسن
و بعصب و برد البيت
لأني عصبيه وبسرعه أزعل

السلام عليكم


بصراحه لو انا اتجاهله

وكان ىما شوف
وخليه يخزها خز

لما يقول بس

وبعرف ان بالاخر انه لى