ساعدوني وحلوا لي مشكلتي مع زوجي

الله يكون بعونك يا عمررررررررررررررري

بس انتي كمان غلطتي من البدايه ليه رحتي تكشفي

اقل شيء تقولين له يوم انك تشكين فيني ليه خطبتني

حبيبتي انا ماودي احبط معنوياتك بس صدقيني

ماراح يتغير ودام انتي على البر احسن بكره تتزوجي

وتجيبي منه عيال والمصيبه تكون اكبر فكري عممرررررررري

هذي حياتك مصيرك والله يسوي اللي فيه الخير ياقلبي

إللي هذا أوله ينعاف تاليه

مرحبا بالجميع

الف شكر لكم كلكم على ابداء رايكم وكلكم معكم حق انا لما قالت لي الوالده انه قرر يرجع ولا يبي الانفصال انا استغربت لانه ياما قالها لي يالله نفتح صفحه جديده ومن بكرا يقول خلاص بطلق

بس الحين انا قطعت اتصالي فيه من اسبوع وتركت المشكله كلها بيد الوالد هو جا عند ابوي وقال انا ابي انفصل عن بنتك وانا وانا وبعدها بكم يوم قال بجي اخذ مهري قال له الوالد ماتجي تاخذ مهرك قبل تجيب ورقة البنت وتوقع على استلامك للمهر انت تحسب الدنيا لعبه وقبل كم يوم دق وقال انه هون عن الطلاق ويبي يراجعني ويبي نتمم الزواج وانه سال شيخ وانه شارينا ومن هالكلام

الوالده مو مقتنعه فيه ابد وودها اليوم قبل بكرا تشوته
وانا استخرت اكثر من مره وادعي ربي يكتب لي الخير معاه او يبعده عني اذا فيه شر
وللحين ماني عارفه ....

الله يعينج عزيزتي

اذا انتي تشوفين انج قادره تعيشين معا...

حاولي اطولين فترة الملجه معاه وتشوفين كيف تصرفاته هل تغيرت ولا لأ ؟؟

وبعدين اذا هو يقول انه يبي يفتح صفحة يديده ..شوالدليل؟؟

حبيبتي انصحك صلي استخاارة وبتشوفين الأصلح

لكن اذا بدايتها يشك فيك اجل بعد الزواج وش بيصير اختي انصحك بالتفكير شوفي محاسنه وسيئاته وشوفي اللي يرجح لك اكثر

والله يوفقك

مرحبا

اليوم اتصل زوجي علي مع ان لي فتره اكثر من اسبوع ماكلمته وطبعا اتكلم معاه باسلوب جاف جدا لان اللي جاني منه مو قليل وانا بعد غلطت بحقه لانه غلط علي
المهم هو يقول انه نسى الماضي وناوي يفتح صفحه جديده لانه عارف زين ان معدني طيب واني طيبه ولاني مثل ماتوقع وانه شاريني وانه مافيه شي جابره على هالشي حتى ان الوالده قالت له مالك حق تنفصل عنها وقال لي انا احبك وانا فقدتك ومن هالكلام واني ندمت على خطوة الطلاق اللي اقدمت عليها
قلت له انت خذلتني يوم جيت وطلبت الطلاق وسببت لي الم قال انا حاس بكل هالالم وندمان عليه كثير ومن هالكلام

انا استخرت ربي كثير بس ماني حاسه بشي ماعندي احساس بكرهه واني لازم انفصل عنه احس الوضع طبيعي
اكره الحيره في هالامور ....

حبيبتي ...سامحيني بس لازم اتكلم معاج بصراحه..حتى لو هاجموني البنات و قالوا اني احرض عالطلاق

كيف تسمحلج كرامتج ترجعين حق واحد هو اللي طلب ينفصل ...هو اللي طلب الطلاق و قال ما اباج!!! بعد شو..بعد ما اهان كرامتج ووداج تكشفين على عذريتج...يعني غلط على اهلج قبل لا يغلط عليج لانه المفروض انه يوم خطب يكون واثق من العايله اللي خطب منها وواثق بتربيتهم و بشرف بنتهم...
و بعدين يقول ردولي مهري!!!! وين الرجوله؟؟ شو كنتي سلعه و اشتراها و يوم ما بغاها ردها عالدكان و قال هاتوا فلوسي؟؟

اسمحيلي بس احس فيه امور في قصتج خافيه علينا ...لانه الوحده ما بترضى على نفسها...و يمكن هو ما قام بهال تصرف الا كرده فعل لشي انتي سويتيه عشان جذيه عندج القدره انج تتقبلين الاهانه...انا ما اقصد اني اتهمج بشي بس رده فعلج انتي و اهلج غريبه جدا وما لها تفسير

حبيبتي..كوني اقوى من جذيه ..هذا الريال مريض..مريض..مريض و بيراويج الويل...لا تقولين ندمان...هذا اسلوب عشان يردج لكن ما بيتم يشك طول عمره...
لو كنتي خايفه من انج ما بتحصلين غيره ترا تفكيرج غلط لان الله سبحانه و تعالى اكيد كاتبلج الاحسن..لانه كشفه جدامج قبل ما يدخل عليج...
والوحده تظل عانس في بيت اهلها و لا تعيش طزل عمرها مذلوله لرجل مريض..

سامحيني على صراحتي بس انتي محتااجه حد يصحيج من الوهم اللي انتي فيه...هذا الرجل ما بيتغير..

والله يوفقج و يكتبلج اللي فيه الخير

همس القـلوب:
وعليكم السلام ورحمة الله وبركاته


أختي الألماسه

أنا دايما أحاول أعطي حل للمشكلة لكن إلا مشكلتك واسمحي لي أقولها

تكونين بعتي نفسك إذا رجعتي له.. وأنا مع الأخوات شلون رضيتي على نفسك ورحتي لطبيبة

علشان تفحصك؟؟ كان المفروض وقت إللي طلب هالطلب أنتِ تطلبين الإنفصال مو هو

يا ليته شكاك على أمور بسيطة، هو يشك بعذريتك وترضين عليه؟؟!!!!!

أشتري نفسك حبيبتي وإياكِ ترجعين له ولا تقولون تعهد ما تعهد .. إذا رحتي عنده البيت

خلاص تكونين ملكه وهالتعهد يكون ما منه فايدة.. بيعيه حبيبتي

والله يرزقك إللي أحسن منه وإللي يقدرك ويحترمك .. تحملي ترجعين له ولا راح تقلبين حياتج

جحيم وهاذي نصيحة من أخت تتمنى لج الخير.. والحين باقي القرار تختارينه بيدج..



الله يوفقج ويعوضج خير إن شاء الله


و السلام عليكم ورحمة الله وبركاته

والله أنا مع الأخوات لأنه شك بأعز وأغلى ماتملكه البنت شرفهــــــــــــــا

يعني فرقاه عيد وإلي يستاهلج الله بيدله على طريق بيتكم وبياخذج بحلال الله وبيقدرج وبيعزج

موضوع يصعب ابداء الرأي فيه

واعتقد انه يمكن ان يكون هناك معلومات اخرى لم يتم الافصاح عنها .. ومنها مثلا المبررات التي سبقت الذهاب للطبيبه

ولماذا كنتي راضيه بذلك .. يبدو ان هناك شئ غير مفهوم

فيه موضوع اخر اريد ان احذرك منه حتى لاتقعين في الفخ

اذا كان ماتقولينه صحيحا فإن زوجك من الممكن ان يكون بيستشير بعض الشياطين حول علاقته بكي

وليس بعيدا ان يقوم بعد عودتك اليه بعمل فضيحه لكي ليلة الدخله سواءا بالكذب او الصدق .. حتى ينتقم منك او لاتستطيعين مقاضاته حول حقوقك .. او يأثر على سمعتك ومستقبلك

فكري جيدا .. واحكي لاهلك كل شئ حدث منه في الماضي حتى يكونوا على بينه من امرهم

موضوع الورقه هذا غير مجدي

انا مع اختي angel Eyes في كل كلمه وحرف...اختي صلاه الاستخاره مش مجرد احساس .. صلاه الاستخاره اذا تحسين ان امورك متسهله .... معناه الله ميسر بس اذا اتحسين الامور صعبه ...ماقاعد تمشي يعني الله ما كاتب لك..... ولازم تفهمين ان الشخص هذا ما ينفع لك ... والله يعوضك خير.....

تحياتي

مرحبا فيكم جميعا

الواحد مستحيل انه يعترض على اللي ربي كاتبه انا مشكلتي تعلقت بزوجي كثير وقرار الانفصال تاعبني كثير يمكن لو انه انفصل بالبدايه وريحني كان افضل من رجعته ...
هو قعد وفكر بكلام الوالده له لانه نصحته كثير وقالت له انت شكاك مستحيل تكون حياتك ماشيه تمام لو اي شي تشوفه صغير من بنتي بتكبره وتخليه شي عظيم واقتنع بكلام الوالده كثير وانا الضحيه لاني بنفصل عنه بس الحمد لله مصيبتي اهون لاني لسه بكر ولسه حنا في فتره الخطوبه
ربي بين لي نواياه مع ان شكله ملاك ماتتوقعون ابد تطلع منه الافكار الشينه والوساويس ....
هو مو هاين عليه الانفصال لانه برضوه حبني بس مايقدر يترك شكه وخايف على مشاعري قلت له انت اهم شي راحتك وسعادتك بعد انفصالك ولاتفكر فيني الله وحده بيكون معي ....

ادعوا لي ان ربي يرزقني بواحد افضل منه استاهله ويستاهلني ...

الله يرزقج بالي احسن عنة

الحمد لله ربنا يحبك، يمكن هذا مريض نفسي أو معقد وربنا كشف المستور قبل الزواج

الله يوفقك بالأحسن