عمرة رمضان ولا بعده....شيروا علي

FLoOoOoOoNA 18-09-2005 9 رد 1,201 مشاهدة
F
السلام عليكم و رحمة الله وبركاته.....

اشحالكم بنااااات و حريم عروس...انشالله ابخير و صحة..

أولاً..مبروك عليكم الشهر مقدماً....

أنا محتارة افشي وبغيت اتنوروني ابآراكم يزاكن الله خييير...

انشالله لو الله كتب لي .... ناوية أسير العمرة في رمضان ثلاث ليالي و اربع أيام بس مكة وهاي بتكون اول عمره لي افحياتي...واتعرفون انه الاسعار فرمضان اتزيد...

المهم...ريلي ايقول انه نقدر انسير بعد رمضان مكة و المدينة ابنفس السعر و يمكن اقل من سعر رمضان....وبعد رمضان الزحمة اتكون اقل ونقدر نوصل الحجر الأسود..وفرمضان مابنستانس لانه واااااااااااايد زحمة...

والمعروف عن الرسول صلى الله عليه وسلم انه عمرة رمضان تعادل حجة مع الرسول...

خبروني شو أسوي...أتريا ردودكم والسموحة عالتطويل...
س
وعليكم السلام ورحمة الله وبركاته
بلغنا الله تعالى وإياكِ أختي الحبيبة شهر رمضان وأعاننا على صيامه وقيامه
عزيزتي
إذا كنتم تستطيعون الذهاب إلى مكة في رمضان بالطبع أفضل ، وذلك لفضل العمرة في رمضان
ففي الصحيحين قال عليه الصلاة والسلام: { عمرة في رمضان تعدل حجة } أو قال { حجة معي }.
وتستطيعون الذهاب أول رمضان حيث يقل الزحام عن آخره
وفقكم الله ويسر أموركم وأعانكم على الطاعة
وتقبل منا ومنكم صالح الأعمال
F
أختي سحائب الخير....تسلمين حبيبتي ويزاج الله خير عالرد....انشالله الله يكتب انه انسير في رمضان ياااااااااااااارب
ف
السلام عليكم ورحمة الله وبركاته



أول مرة سرت فيها العمرة كانت في رمضان ولين الحين اتمنى اني اسير كل رمضان هناك وخاصة في العشر الأواخر.. لان تحسين بجو غير....صح ان التذكرة تكون غالية بس بعد لا تنسين الأجر ونحن نبحث عن الاجر

والفرحة تكون عند الافطار
يعني في البيت كل شي متوفر من الاكل لكن هناك إذا عندك شي تحاولين تاخذين جزء منه وتعطين الباقي لغيرك للإفطار ..تحسين بفرحة الصايم وقت الافطار
وبعدين لا تنسين صلاة التراويح والقيام مع الشيخ عبدالرحمن السديس والدعاء
ا
وعليكم السلام..

والله يااختي ماانصحج تسيرين في اواخر رمضاان.. اذا بترووحين رووحي اوول 5 اياام وارجعي..

والله مابتحصلين شبررررر مكاان فاااضي.. اسؤليني والله صحت رمضاان اللي طااف.. وانا سايره اخر 10 ايااام..

وروحي مع زووجج بدوون اولاد.. والطوااف مشكله واايد والله يدوسوون عليج دووس.. والحين زحمه امه محمد هناااك..

اقووولج شبر مكااان مابتحصلين تقعدين الا بعد الصلاه..

بقوولج جدوولي كيف كاان:

الفجر:

ارجع مع زووجي بعد شروق الشمس .. وانام لي شوووي لحد الساعه 11

الظهر:

بعد السااعه 11 نرووح ونصلي ونقرا قران الى بعد صلاه العصر..

العصر:

نجلس ونجهز حق الفطووور ونفطر ونحن بعدناا مارووحنااااا البيت لحد صلاه المغرب..


المغرب:

نصلي المغرب ونجلس نااكل قبل مايؤذن العشااااء..تمر وقهوه ومااي

العشاااء:

نصلي العشااء والترااويح كلهااااااا.. ونجلس بعد التراويح شوووي.. ورووح البيت ناككل الفطوووور



وهذااا كله وماارحناا البيت...


اخر شيء نرووح البيت وزحمه.. نووصل البيت وزوجي اييب شيء نااكله واناام الى قبل صلاه قياام الليل..





ملااحظه: رووحي اووول رمضااان وانا سايره بعد.. 5 اياام وبرجع..


والله ان النااس مثل السيل اذا وقفتي يدعموونج..



وهذا عااد اللي صاار لي العااام..
وبالتووفيق..
F
فتاة الرحبة....مشكورة حبيبتي عالمرور والرد بردتي قلبي...

أم مهير....والله أنا ها اللي خايفة منه..لانه ريلي مايبى يسير بسبة الزحمة...واتعرفون الرياييل...بيتم ايقوللي قتلج ماانسير بس انتي أصريتي..

المهم..أنا طرشتلج مسج عالرسايل الخاصة بس بعد بسألج اهني..

لو سرت قبل نص رمضان...يعني 12 أو 13...بعد الزحمة بتكون نفس الشي؟؟؟؟

على فكرة....نحن ناوين نيلس ثلاث أيام والردة في اليوم الرابع...

بعد سؤال لبنات المنتدى أدري وايد أتسأل بس والله مالي غيركم ياأهل الخبرة

....يوم دقيت عالحملة عسب أحجز....قالوا الحجز بيكون ابفندق دار الندوة...حد عنده معلومة عن هالفندق ..وهل هو قريب ولا بعيد من الحرم...الريال قال هو عند أبراج مكة..بس حبيت أتأكد منكم...ومشكوووووورين مقدماً...
ا
بخصوص الفندق داار الندووه.. صح قريب واايد عند نزل البااب الحرم..


ونصيحتي لج: سيري اووول 10 ايااام.. واذا مااحصلتي زحاااام بعد.. لان النااس ايوون من العالم كله ويقعدوون رمضاان الى بعد العيد الكبير.. وفي من النااس ماعندهاا مكاان تناام فيه وينااموون بالمسجد.. وهذه مشكله الزحمه..


احسن شيء اوول 5 اياااام وبعد ماانصحج..


اتووكلي على الله
F
أم مهير.....

أولا مشكورة عالاهتمام بالموضوع والردود السريعة ويزاج الله ألف خير...صدق اللي قال اسأل امجرب ولاتسأل طبيب...

بخصوص السيرة افأول رمضان..للأسف مااقدر لانه بتكون يايتني الدورة...بس انشالله ماتي ياااااااااارب واكون حااااامل.....اللي الله كاتبنه بيستوي...فرمضان ولا بعده...المهم أسيير...
ش
صح انا من شهر بس ياية من العمرة

وكان المكااااااااان رائع رائع رائع

شوفي هذيلا خلايق ربج يعني لا تتظايقين منهم

بس انتي خلج من الزحمة ولا اتفكرين فيها لن طول الوقت زحمة

يعني الحرم ما يخلى من الناس ابد ابد ابد طول الوقت شغالين وانتي بتشوفين بنفسج

المهم انتي استمتعي ولا اتخلين شي ايخرب عليج

راحة نفسية مابعدها راحة :)

وادعيلنا

وانا نزلت في فندق السيفوتيل وكان جد راقي .............
ا
ان شااء الله ..

بخصوص الدوره انا اخت حبووب ماكانت تنزل الدوره عندي.. وتتووفقين امين..
X