ساعدوني..أبي أفكاركم و خبرتكم

حبيبتي لا تتضايقين.. يمكن قال لك هذا الكلام .. و بروحه متضايق.. يبا يحسسج انه حاب يشوفج متكشخة و دايما مثل العروس

يمكن وجود الخدامة في البيت يقيدج شوي.. لكن تدرين شتسوين:

بالليل وصي الخدامة تساعدج في العشاء و تروح تنام .. و قوليلها خلي باجي الشغل للصبح..

و نيمي ولدج قبل ما يرجع زوجج..

و حطي كم من شمعة على طاولة الطعام .. و البسي لبس حلو.. و اذا كان بيتعشى برع.. اتصلي و قوليله خاطري اتعشى معاك..

و عادي حتى لو كنتي حامل.. لبسي لبس فضفاض( لبس الحوامل).. و سوي كم من حركة اغراء في لبسج.. مثلا قصير!!

أو اي حاجة تعجب زوجج و انتي ادرى..

و حطي مكياااج خفيف..

و حاولي كل يوم تجذبينه للبيت بطريقتج..

حطي في بالج انه ريلج دايما يبي يشوفج عروووس..

اتغلبي على الوقت بدل ما يتغلب عليج

حبيبتي حاسة فيج وفي معاناتج وفي نفس الوقت حاسة في زوجج بعد..

حبيبتي انصحج انج ماتضايقين روحج وتخلين في بالج ان دربج الى زوجج ولفتج انتباهه شي سهل لن زوجج حبيبج وانتي اقرب الناس له واكثر وحدة تعرفه وتعرف طباعه وشنو يحب وشنو مايحب..لتتكدرين حبيبتي والله محاوله وحدة وليلة غرام ولبس حلو حته لو انتي حامل مع شوية اغراء تقدرين تحركينه ان شاء الله :)

حبيبتي اول ماترجعين من الشغل انصحج تتحممين وتتعطرين وتلبسن احسن لبس وتحطين شوية اكسسوارات خفيفة ومكياج خفيف حق قعدة البيت وبعدها صلي وتغدي واثناء الغدة خلي الشغالة ترتب غرفة النوم وبعد الغدة تمسك ولدكم واذا مانفعت الفكرة جربيها كل يوم ولتيأسين ولتنسين الكلام الحلو والغزل تره والله الريال ما يمل منه حته لو شنو يظل يشتاق لكلمة ولمسة حنان ودلع وبالعكس تره لتقولين جسمك ما ينفع للدلع تره كل حرمة تقدر تغري اي رجال حته لو كانت قنبلة وانتي مثل ما خبرتينه جسمك كمثرة يعني وجذاب يا حلوة :)

ولتخجلين من زوجك تره والله اهو ينتظرك اكثر منك حبيبتي :) وبالتوفيق ان شاء الله وربي يسعدك ويهنيك ويفرج لك امورك وييسرها ويفتح عليك من ابوابه الواسعة.
الله يبارك لك حبيبتي ان شاء الله :)

حبيبتي لاتتضايقين وسعي خاطرج .. بقولج شي بصراحه بس لاتزعلين .. زوجج معذور .. وده يشوفج متعدله وكاشخه ومهتمه فيه

حبيبتي لبسي حق زوجج وحطي مكياج خفيف انتي بنفسج مفتنعه انج هاملته تقولين شعري مرفوع دايم والبس قمصان نوم قطنيه

حبيبتي ليش؟ فتحي شعرج وحطي مكياج خفيف انا عارفه شعور الحامل لما مايكون لها خاطر تلبس بس في ملابس حلوة للحوامل

وبسيطه ومريحه ووااااااايد ولو تبين حبيبتي بدليج من وين تشترين ملابس حلوة للحوامل .. ولايهمج

اختي .. غيري من نظام حياتج يعني لما ترجعين من الشغل وتتغدون نامي ساعه او ساعه ونص حاولي تقومين قبل ريلج بنص ساعه

تلبسين فيها وتتعدلين ولو بشكل بسيط المهم شكل يريحج لاتقولين انا حامل وشكل جسمي مو حلو .. كل جسم له لبس يحليه

انتي بس قومي وتعدلي قبله وجهزي له الشاي والقهوه وخليها على الطاولة وروحي قعديه بالوقت اللي هو يقوم فيه بكلمه حلوة

صدقيني راح يستانس وايد حتى لو مابين لج هالشي اكيد من داخله راح يستانس .. وبيلاحظ التغيير

صدقيني هذا شي بسيط مو شي صعب انج تجذبين زوجج وترضينه ..

حبيبتي حاولي قبل مايرجع زوجج بالليل تنيمين ولدج .. وتروحين تتسبحين وتحطين عطورات على جسمج اذا قدرتي لان في بعض

الحوامل مايستحملون العطر .. حطي عطر تحبينه ريحته خفيفه حطي دهن عود اللي ترتاحين له بس اهم شي ريحتج تكون طيبه

فتحي شعرج لبسي لبس ناعم غير القطنيات اللي تلبسينها حتى لو مارتحتي فيها قبل ماتنامين لبسي القطن مرة ثانية لانه اريح لج

بس على الاقل تكونين متعدله ويشوفج زوجج كاشخه له اول مايرجع ، حطي له العشا تعشي معاه قعدي شوي سولفي معاه والكلام

الحلو والله يحبه الريال ويستانس عليه .. صدقيني الكلام الحلو هو اللي بيخليج تملكين زوجج .. ويتغير من ناحيتج ويصير يحب

يقعد معاج ..

حاولي حبيبتي وان شاءالله ربي يوفقج ويخليلج زوجج وولدج

والله يهنيج يارب ..

وينج اختي الغالية ؟؟؟ نتريه ردج حبيبتي :) وتره اي مساعدة كلنه حاضرين لج ولكل البنات ان شاء الله :)

يا حبيبتي الله يعينج

بس تراه اغلبنا نشتغل وعندنا عيال... والحمد لله الخدامه تخلص شغل البيت

يعني اهتمامج بولدج مو اهم عن اهتمامج بزوجج

سوي مثل ما قالوا البنات... اول ما توصلين البيت... جهزي نفسج بأشياء حلوه... وياختي يعني الحريم اللي جسمهم كمثري ما يلبسون بناطلين... كل الناس تلبس... فتقبلي جسمج ولبسي... مو بناطلين.. لبس تنانير حلوه... لبسي لبس يكون بسيط وناعم...

وزهبي هذا الاشياء من الليل واول ما تردين البيت البسيهن...

والعصر قومي قبله وتعدلي بلبس ثاني .. ومكياج خفيف... وكوني قايله للخدامه انها تكون مجهزة القهوه والحلو... ووقظيه
واستانسي

وفي الليل رقدي ولدج من وقت عشان تلبسن وتتعدلين حق زوجج...

لانه الريال ان ما حصل اهتمام في البيت بيدوره بره البيت.... فمدامه معاج دلليه ومن يطلع عنج اهتمي في ولدج...

الله يهديه لج اياه... ويآلف بين قلوبكم

اختي الكريمه
انا ماراح اقول لج لاتتضايقين لا لازم تتضايقين لانج انتى اللى اهملتى نفسك حتى لو من غير قصد......الريال يحب المره اللى تتكشخ وتبدل على طول ...حطي بالج وزين ان قال لج هالكلام قبل النوم علشان يكون لج دافع .......شوفى حبوبتى الكثير فيهم عيوب باجسامهم هل معنى هذا انهم مايلبسون حلو او لبس مغرى؟ شوفى وين الجزء اللى شوى فيه تكدس وتضاريس؟ بمعنى انتى قلتى ان جسمك مثل الكمثرى يعنى من الاسفل عالجى هالشى باللبس....يعنى لبس قمصان نوم بدون اكمام ومفتوحه من ناحية الصدر وقصيره وناحية المكان المملوء يكون واسع .....لبسي الدانتيلات
والبلسيه الحرير....كذلك نوعى وعندج بعد الشيفونات وغيرى من الالوان مره فواتح ومره الوان ناريه ومره الوان ترابيه......المكياج لما تروحين الدوام يكون خفيف وفى البيت كل يوم حطى ميك اب بالنسبه للشعر رتبيه واذا تحبينه مرفوع رفعيه بنعومه ونزلى الخصل الحلوه وحطى الكرستالات والاكسسوارات .....لاتتمللين من كلامى ......العطورات كل يوم عطر ...مره شرقى ومره فرنسى ......رطبى جسمك بالكريمات......ترى الزوج يدقق بكل شى......ولاتتوقعين تاخذين شى قبل لاتقديمن انتى اللى عندج حسسيه بالتغيير انتى حامل الله يعينج لكن ضغطى شوى على نفسج علشان تستردين زوجك واهتمامه فيه واى شى حاضرين للطيبين .....الله يوفقج


ام شيخه

أبغ أقولك كلمة تريح قلبك صدقيني زوجك لو مايحبك ماكان نبهك على شكلك كان راح يلعب وتركك زي ماأنت كان دور على المترتبات والمتزينات بس هوا لفت نظرك

لأنو يحبك ويبغاكي تهتمي في نفسك أنا مره قلي زوجي كلمه (( لما تهتمي بنفسك أعرف اني مهم لك وجذاب في نظرك وانك تحبيني )) فسرت دايما منتبهه لنفسي

عشان خاطر و صح كلامك انا مااشتغل قاعده في البيت بس ماعندي شغاله وطبعا هاتك ياكرف في البيت واحيانا اخلص مهدوده مالي نفس في شي لكن أقول في نفسي

ليش مو أنا احب أشوفو مرتب هوا مالو نفس زيي .....

والله يريح بالك دايم :bigsmile:

حياج الغالية المنتدى فيه مواضيع رهيبة عن الحياة الزوجية لا تفوتينها عليج ولله رهيييييييييييييبة