باركو إلي أنا ولدت وجبت توأم

ألف مبروووووووووووك الغالية..

الله ينبتهم نبات حسن.. ويجعلهم من الصالحين البارين لوالديهم..

مبروووووووووووووك

ويتربون بعزك وعز ابوهم والله يخليهم لك

السلام عليكم ور حمة الله ةبركاته
أسأل الله العظيم أن يهديهما إليه وأن يهدي بهما خلاقا كثيرا لدين الله
وأن تكونا بارتين بأهليهما مباركتين إينما حلتا
وأن يحفظهما لك من العين و الحسد .. و شرور الشيطان
بارك الله لك فيهما و جعلهما قرة عين و سهل عليك تربيتهما
أختي لا تنسين تكثرين من قول ( اللهم أنه لا حول و لاقوة لي فربي لي أبنتي و أحسن خلقهما و خلقهما )

عندي كم سؤال تحمليني ..
هل التوأم كانوا متصلين بمشيمة واحدة أو اثنيتين
وهل هما من بويضة وحدة أو اثنين؟
وهل استمر الحمل للشهر التاسع وإلا قبل كانت الولدة؟؟
هل هذا هو الحمل الأول لج؟
هل احتاجتي في الحمل إجراء ربط؟؟؟
معليش تحمليني ودي أعرف لأني...... مسويتها :D
بس الحمل الأول وما اعرف شئ؟ و توني بالشهور الأولى
ومليون سؤال برأسي

الف مبروووووك حبيبتي يتربون في عزكم انشالله وخلاص من اللحين بخطبهم لعيالي التوأم هم أكبر عنهم ابست اشهوووور بس انتي اتشاوري انتي وابوهم وردو علينا متي انزوركم :D2: D2
الله يحفظهم يا رب ويجعلهم من الذريه الصالحه يا رب ....

**********************************************************

أختي ومض الحياة الف مبرووووك عالحمل والله يتمملج علي خير يا رب يختي لاتحاتين ولا اتخافين والله حاسه ابشعورج ذكرتيني اول ما قالولي توأم يلست اصيح من الوناسه وانه رب العالمين أكرمني بالنعمه يختي أولا احمدي ربج ليل ونهار والله ايسر امرج يا رب وبالنسبه لاسئلتج بحاول اني اجاوب عليها ...

هل التوأم كانوا متصلين بمشيمة واحدة أو اثنيتين؟

أنا قالولي من الشهر الثاني لين الشهر التاسع مشيمه وحده وقبل الولاده ابكمن يوم قالو لا مشيمتين مشيمه خلفيه ومشيمه جانبيه ...

وهل هما من بويضة وحدة أو اثنين؟
لانه كانو ولدين كانو يقولولي من بويضه وحده لين ما أكتشفو المشيمه الثانيه قالوا بويضتين ...
وهل استمر الحمل للشهر التاسع وإلا قبل كانت الولدة؟؟
الحمد لله رب العالمين وصلت لين 37اسبوع وبعدين هم عطوني موعد لاني طفرت من يلست المستشفي من الشهر السادس وانا عندي تقلصات وخلوني عندهم لين ما كملت 37اسبوع من الحمل (لما وصلت 34اسبوع قمت اصيح اقوللهم طلعوهم بس انا تعبت ماقدر سبحان الله اتحسين الثقل يزيد وما اترمين اتسوين شي ابدا )
هل هذا هو الحمل الأول لج؟
هي الحمد لله
هل احتاجتي في الحمل إجراء ربط؟؟؟
لا الحمد لله بس لازم ما ترهقين عمرج ابدا انا ما كنت اسوي شي ابدا حتي الدوام ما كنت اسير عطوني اجازه مرضيه لين ما ربيت لاني ما كنت اقدر ايلس وايد وظهري وايد يعورني
معليش تحمليني ودي أعرف لأني...... مسويتها
الله يتمملج علي خير يختي أحلي فتره هي فترة انج اتحسين بحركتهم واتميزينها وسبحان الله تقدرين اتكونين علاقه بينج وبينهم هم يسمعونج ويحسون فيج دوووم اقري علي عمرج الاذكار واقري عليهم دوووم صبح ومسى ومب لازم كل حد يعرف انج حامل ابتوأم عشان ما اتكون العين عليج ، امسحي علي بطنج ابزيت زيتون مقراي
عليه واسألي عن صوم رمضان انا الصراحه ما صمت لانه ما شالله طفلين ويبون تغذيه لازم يعني اتخيلي لازم كل ساعتين تاكيلج فاكهه او تشربين عصير أو لبن وانا كنت احط من الليل حبتين معمول وي لبن وانش لصلاة الفجر لازم اشرب واكل حرام يختي اتحسين روحين فروح وحده وانتي مسؤله عن تغذيتهم صح انهم ياخذون منج بس لا تنسين انج اني اللي بتتعبين حاولي انج اتسويلج جدول للاكل وصدقيني احلي شي لما اتحسين ابحركتهم ولا تنسين كلما ما اهتميتي ابعمرج اكثر كل ما كانت صحتهم احسن واوزانهم زينه ف فالله الله ابعمرج ولا اتكدرين عمرج وسبحان الله هي نعمه الكل يتمناها ودوووم احمدي الله علي هالنعمه وطبعا لا تنسين سورة الكهف تقرينها عشان الله يحفظكم من جمعه لجمعه من كل شر ...


بس الحمل الأول وما اعرف شئ؟ و توني بالشهور الأولى
ومليون سؤال برأسي


يختي أنا حاضره لاي سؤال وانشالله أختي دمعة عين اتفيده بس وحليها توها امربيه والمسؤليه اكبيره الله ايسر امرها يا رب ، وبحكم اني مريت ابهذي التجربه حبيت افيدج

السلام عليكم ورحمة الله وبركاته

الغالية أم حمدان
مشكورة واااااااايد وااااااااايد على الرد
بردتي قلبي شوي لأني متوترة وما عندي حد أسأله
اول شئ مبارك عليك التوأم أسأل الله العلي العظيم أن يهديهما إليه وأن يهدي بهما عباده
و يكونون قرة عين لج و يعينج على تربيتهما و يعز الإسلام بهما و يعزهما بالإسلام
اللهم آمين
مشكورة الغالية على النصائح وأن شاء الله بتبعها ..

الحمد لله أنا الحين بالأسبوع ال 14 توني يعني
بس ظهري مرات يعورني وايد و يعلق لا أقدر أجلس ولا أقدر أوقف و ما اعرف شو اسوي بعمري:( من الآلم؟

وكل كم يوم تقول الدكتوره عندج إلتهاب ..(تجننت )
مع اني من حملت ما خليت ريلي يقربني :o بس ما أدري من وين ها الإلتهاب وأنا وايد اهتم بنفسي و بالنظافة

بسألج أختي
وين كنت تراجعين؟ اي عيادة .. خاص وإلا بالحكومي
ومن أي شهر أخذتي الإجازة ؟ وهل الطبيبة هي اللي تقرر ها الأمر
و ليش تنومتي بالمستشفى .. هل لأن المشيمة نازلة بسم الله عليج أو ايش السبب؟؟؟؟
ولدتي طبيعي وإلا قيصرية؟


الأسبوع الجاي عندي موعد بمستشفي دبي على السونار الكبير
ما أدري يمكن بشوفهم و ان شاء الله يكونون بخير


سامحيني طفرتج بس وحدة مو مصدقة تلقى أحد تسأله و من الإمارات يعني حظي رووووووووووعة

الف مبروك

والحمدلله على سلامتك وسلامت البنوتات

ماشاء الله

تبارك الرحمن

يتربون بعزك و عز ابوهم

ويجعلهم من مواليد السعادة

ومض الحياة:
السلام عليكم ورحمة الله وبركاته

الغالية أم حمدان
مشكورة واااااااايد وااااااااايد على الرد
بردتي قلبي شوي لأني متوترة وما عندي حد أسأله
اول شئ مبارك عليك التوأم أسأل الله العلي العظيم أن يهديهما إليه وأن يهدي بهما عباده
و يكونون قرة عين لج و يعينج على تربيتهما و يعز الإسلام بهما و يعزهما بالإسلام
اللهم آمين
مشكورة الغالية على النصائح وأن شاء الله بتبعها ..

لا شكر علي واجب يختي احنا كلنا مثل الخوات اهني ، يختي الناس لبعضها والله يبارك فيج حبيبتي ويقومج بالسلامه انتي واعيالج يا رب ،آمييييييييين جميعا يختي



الحمد لله أنا الحين بالأسبوع ال 14 توني يعني
بس ظهري مرات يعورني وايد و يعلق لا أقدر أجلس ولا أقدر أوقف و ما اعرف شو اسوي بعمري:( من الآلم؟
يختي حاولي انج اتريحين عمرج وبعد الحركه زينه اشوي عشان الدم يتحرك بس لما اتحسين بلالم حاولي انج تتمددين واريولج اتكون علي مستوي جسمج او ارفيعيهم(حطي مخده تحت اريولج وبين اريولج لما اتنامين ) اشوي عشان الثقل يروح لفوق ....
وكل كم يوم تقول الدكتوره عندج إلتهاب ..(تجننت )
مع اني من حملت ما خليت ريلي يقربني :o بس ما أدري من وين ها الإلتهاب وأنا وايد اهتم بنفسي و بالنظافة
يختي انا منعو ني قالولي ريلج لازم ما ايج لين ما ربيت ، يخافون من ولاده مبكره فعشان جي وحاولي اتراجعين عن دكتوره ثانيه عشان الالتهابات يمكن يكون التهاب فالبول عزج الله

وين كنت تراجعين؟ اي عيادة .. خاص وإلا بالحكومي

انا كنت اراجع عند الدكتوره ميسون القيسي في مركز حمر عين كل اسبوعين عشان اتابعين نمو التوأم لانه الطفل الواحد كل شهر بعد الرابع وانتي وضعج غير توأم فكانت الدكتوره ميسون القيسي اتابع وياي كل اسبوع تعطيني ابرة تثبيت من الاسبوعالثامن لين لين ما خلصت الخامس بس لما خلصت الثالث نزفت اشوي دم لونه بني ورقدوني فمستشفي الوصل وقالولي لازم ترتاحين لانه في نزف بسيط اسفل المشيمه وهذا الشي يصير بكثرة الحركه وانه الرحم يكبر مره وحده ماشالله لانهم توأم ، فيلست تقريبا شهر رمضان اللي فات كله فالمستشفي طلعوني عشان العيد وبعدين رديت عقب العيد للمستشفي لمدة اسبوعين لين ما استقرت الحاله والحمد لله طلعوني بس ما كنت اقدر ايلس وايد ولا اقدر انزل عالارض احس انس اتعب وايد فكنت اصلي وانا يالسه عالكرسي وكل شي كان وانا يا سه عالكرسي وما كنت اصعد اي دري وكنت يدوب اصلي وكله طايحه وساعات احاول امشي اشوي بس كنت اتعب احس بالضغط وايد تحت ارتاح اشوي و كنت اراجع فمستشفي الوصل
ومن أي شهر أخذتي الإجازة ؟ وهل الطبيبة هي اللي تقرر ها الأمر
اكيد طبعا الدكتوره اتقرر هالشي بي تدرين انا بعد ما خلصت الرابع قالتلي الدكتوره ما يستوي نعطيج اجازه اكثر عن اسبوعين وانتي برا المستشفي بع ما خلصت الاسبوعين كنت اروح الحوادث ويعطوني ثلاث ايام وبعدها اروح للدكتوره فالعياده الخاصه وتعطيني ثلاث ايام لين نص السادس رحت الموعد وسولس تخطيط قالوا لازم اتمين عندنا خافو من ولاده مبكره لانه كانت عندي تقلصات ورقدوني وعطوني علي طول ابرة الرئة حق البيبي عطوني ابرتين وبس وزادت التقلصات ودخلوني الولاده لمدة يومين هم كانوا يتحرون اني بربي من التخطيط اللي كانو يسونه بس لانه حركة التوأم غير سبحان الله البطن يكون ضيق عليهم فلما يتحركون ينشد بطنج وهم يتحرون انه الرحم يتقلص يعني انا كنت ما احس ابشي بالعكس اتعوت علي حركتهم بس هم يقولولي لا هي تقلصات وكمن مره قالولي خلينا نفحص من تحت وما كنت ارضي ونصيحه لا اتخلينهم ابدا يسون هالشي اي شي بيجيكون عليه كله من فوق والاجهزه اللحين وايد مطوره فلا اتخلينهم ...
و ليش تنومتي بالمستشفى .. هل لأن المشيمة نازلة بسم الله عليج أو ايش السبب؟؟؟؟
رقدوني عشان التقلصات وبعد اني ثقلت فالحركه وحمل التوأم يباله متابعه اسبوعيه بعد السابع وفالشهر الثامن قالولي المشيمه نازله وما خلوني اطلع
ولدتي طبيعي وإلا قيصرية؟
قيصريه اولا لاني انا استخرت وبعدين لانه واحد منهم نزوله مقعدي وبتعرض للخطر اذا نزل من المقعده في احتمال يستويبه شي فما حبيت اجازف وبعدين يوم اكتشوا انه المشيمه نازله قالوا لازم قيصريه يخافون المشيمه تطلع قبل التوأم ....

الأسبوع الجاي عندي موعد بمستشفي دبي على السونار الكبير
ما أدري يمكن بشوفهم و ان شاء الله يكونون بخير

انشالله يا رب يختي اقري عليهم دوووم ولا تنسين انج يوم بتدعين يكون عندج يقين انه الله الرازق واهو الحافظ وانا دوووم ادعي انه الله يحسن خلقهم مثل ما حسن خلقي وخلقي ويجلهم من اوفر عباده حظا فالدنيا والاخره ويجعلهم من الذريه الصالحه ويعطيهم الصحه والعافيه آمييييييييييييييييييييين يا رب العالمين .... وانشالله يا رب اتشوفيهم بكل صحه وعافيه وانشالله يارب تطمنين عليهم يختي والله سبحان الله لما بتجوفيهم وهم يحركون اعمارهم والله بيج شعور غريب سبحان الله والله بتحمدين ربج وبتشكرينه طوووووول الوقت انا كنت ماقدر ايود عمري بس اصيح واقول اللهم لك الحمد والشكر يا رب و اللهم لك الحمد كما ينبغي لجلال وجهك وعظيم سلطانك ... يا ربي والله ذكرتيني بايام سبحان الله تكتشفين فيها عظة الخالق والله ...
سامحيني طفرتج بس وحدة مو مصدقة تلقى أحد تسأله و من الإمارات يعني حظي رووووووووووعة

لا والله افا عليج يختي انا كنت في نفس مكانج اللحين وكنت ادور حد يحس فيني ويرد علي اسألتي ودوريلج كتب عن مراحل الحمل وحاولي تستانسين فالمرحله الحلوه والله ايسر امرج يا رب

الف ألف ألف مبرووووووووووووووووووووووووووووووووووك احمد الله على السلامه الله يخليهم لك ويرزقني ويرزق كل محروم أنشاء الله ..................

ماشاء الله تبارك الله

يتربن بعزكم يا رب

الحمدلله على السلامة دمعة عين

الف الف الف ميروووك ويتربون بعزكم انشاء الله ..........


والله يرزق الجميع ............... اختك /// قماشة زري

ماشاء الله و الفففففففففففف مبروك و يتربوا في عزك .....انما سميتيهم ايه؟؟؟

الف مبروك انشاالله يتربون بعزك 0

الف مبروووووووووووووووك ماعرفج بس فرحتلج
ادعوولي الله يرزقني بالعيال ويرزق كل محروم

um_hamdaan

السلام عليكم ورحمة الله وبركاته

مشكورة أختي ما قصرتي و ربي يبرك فيج و بعيالج يا رب
وأسمحي لي أراسلك لو عندي استفسار أحاجة.

أختك في الله
ومض الحياة

مبرووووووووووووووووووووووووووووووووووووووووووووووووووووك ألف مبرووووووووووووووووووووووووووووووووووووووووووووك
يبتي نونو وبوبو .... أنتي والله:up:

ألف مليون مبروك ، وخاصة توأم البنـات ، ربي يحفظهم لك ويخليكي فوق راسهم انت وابوهم ، أنا نفسي بتوأم وأموت بالتوائم لإني أنا جيب على الدنيا توأم ولكن اختي ماتت وعمرها 3 أيام لإن أمي أصلا" ولدتنا في نصف الشهر السادس ؟ وكان وزني كيلو ومائتي غرام ؟ تخيلوا ؟ واختي اللي ماتت كان وزنها 3 كيلو ؟ ولكن الله شاء و قدّر انها تموت وأنا أعيش ، يارب اجيب توأم يارب ، أنا عندي 3 أطفال ولكن مافي توأم

ماشاء الله تبارك الله

يتربن بعزكم يا رب

الحمدلله على السلامة دمعة عين
اللهم صلي على محمد وآل محمد.....

ألف مبروووووك وإنشاء الله يتربون في عزكم....

مشكورين حبايبي كلكم

الف مبروك اختى

ويتربون بعزكم يا رب