هل توافق عليه ام لا؟

السلام عليكم ورحمة الله وبركاته

مرحبا خواتي عضوات منتدى عروس

حبيت اطرح عليكم موضوع ربيعتي وياريت اتساعدونها في اتخاذ قرار بخصوص الزواج

السالفه انه ربيعتي هذي اتقدم لخطبتها واحد يقولون انه زين واخلاقه اوكي وانسان هادي وفي حاله

لكن كيف تمت الخطبه هذي اشوي صعبه

انه خطبها عن طريق صديقتها وهاي الصديقه كانت ترمسه يعنس علاقه بالتلفون بس على قولتها علاقه اخوه
المهم في يوم هالصديقه مدحت صديقتي له واتكلمت عن اخلاقها وطيبتها وسمعتها الزينه فانعجب هالشخص بشخصيه صديقتي عن طريق الصورة اللي رسمتها البنت له فقال انا اريد اخطبها
فطرحت البنت هالموضوع على صديقتي وهي تربطها فيها علاقه صداقه قويه يعني مثل الخوات
فقالت الها انه والله هالشخص واايد زين والله اني مااقول اله كل كلمه حق معاج وانتي مثل اختي وانا اريد لج الخير وهي مصدقه صديقتها انه اخلاقه زين لانه هي سألت عنه فقالو انه مايعرفونه زين لكن انسان هادي وفي حاله واخلاقه زينه وهي شافت صورته لكن من ناحيه الاخلاق هي حاسه انه زين وشافت البنت صورة هالشخص وماعجبها

المهم هالبنت قالت في البدايه انها مبدأيا موافقه وقالت له هالكلام وبعد فترة ردت قالت انا مش مرتاحه وخايفه من هالزواج لانه طريقه الزواج يت عن طريق علاقه بالتلفون مع صديقتها

وفي نفس الوقت حاسه انه انسان طيب وعلى نياته وقاصد خير يعني لكن مادخل خاطرها ويمكن اكثر شي شكله اماثر لانه هو متين واايد وهي اتحس انه بعد الشكل يلعب دور

المهم بعد فترة قالت قوليله انه هي كلمت اهلها وماوافقو عليه عشان ماتكسر بخاطره واتقول انه هي ماتريده وهالكلام كان كذب

المهم قال اوكي خلاص ماشي نصيب وانا اتمنيت انها اتكون لي لاني سالت عنها وسمعت عن اخلاقها بس هذا نصيب

لكن الحين وبعد فترة تقريبا شهر من هالسالفه سمعت من اخوها انه ناس يبون ييون بيتهم يخطبون وطلع هالشخص نفسه

الحين هي محتارة وخايفه انه يبين لاهلها انه هو انرفض من قبل من طرف الاهل وهالشي ماصار
وثاني شي هي ماتحب تكسر بخاطر الناس ويوصلون بيتهم وبعدين اتردهم وفي نفس الوقت متردده هل ترده واتقول ماشي نصيب وبعدين يفوتها الزواج لانه الفرص قلت وهي عمرها الان 27

محتارة وانا مااعرف شوه انصحها صدق السالفه معقده

يعني هل توافق على شخص ياعن طريق هالعلاقه ؟؟عشان بس ماايفوتها قطار الزواج

ام انها ترفضه لانه مش داخل خاطرها مع انه اتحس انه زين

بليز اتمنى منكم اتساعدونها بتقديم النصح في اتخاذ القرار

وهي صلت الاستخاره بس مب حاسه اباي شي ومتضايقه واايد لانه فكر يوصل لاهلها ويتقدم لخطبتها بشكل رسمي مع انه صديقتها قالت خلاص ماشي نصيب

اتمنى مااكون طولت عليكم
تحياتي لكم