شتسوي هذي بالله عليكم ؟؟!!

السلام عليكم ورحمه الله

عزيزاتي بنات المنتدى
شحااالكم عساكم بخير وصحة وسلامة


ما بطول عليكم السالفة وكل وما فيها
ان رفيجتى الله يهديها بنت كووويسه مررره
وتعرف السنع وتحب توجب الناس ووودوم الي تتعلم منه شيئ بسيط تحترمه من قلب
جامعية وجربئة في طرحها للمواضيع والأراء
جعلها محل انظار الجميع واهتمام الجميع
والكل يترصد لها
دخلت في رئاسات كثيرة
وحدة تخاف ربها مرره وحساسة من صوب النفسيات، وتحاول قد ما تقدر ماتجرح احد
بصراحه لا بد من اي انسان ناجح له ناس تحقد عليه وتغار منه
بس هي ما ترد على احد الا بما يرضى الله
وفي الغالب تخليها عالله مش عشان ما تقدر ترد، على العكس
بس ساعات تحب تحس احساس الظلم وتحب تكون مظلومة ولا ظاالمة
عشان تعرف تنام .. لانها مررره حساسة وممكن إذا غلطت بالفعل تسهر لليالي تصيح وتبشي!

هذه بأختصار رفيجتى

اجاها من قبل سنتين ولد حلال .. ناوي يتزوجها
تبون الصراحه الولد حاطنها في باله من لما كان يدرس
بس ما عشمها ولا قال لها ولا شيئ - اساساً ما يكلمها ولا حتى زميلها -
فضل الشخص انه ينهى دراسة ويثبت في شغله محترمه
ثم طلبها للزواج
رفيجتى على طووول رفضت - متحججة بدراستها اصلها موولعة مرره بشئ اسمه شهادات هههه - وقالت لاااااااا، وفوق كل هذا تقول ان الشخص نفسه ما تحس يمه بقبول بالمررررره

طيب هونت ..

رجع الشخص نفسة بعد نصف سنة واتكلم عنها يباها.. هي تفاجأت .. وقالت للجماعة اني رفضته من قبل! شلون يعني مره ثانية ؟؟!! هني وهناااك وطفشتهم

رجع الشخص وربي مرتين كمان .. وكمان قبل 3 ايام كان جاي لها .. هى تفاجأت انه ما زال يطريها وفي باله !! وهي بالمرره ولا مفتكره

يعني سنتين وهو ينتظرها تقول موافقة انه يحضر البيت ونتقابل علشان لو في توافق يصير خير


واضح ان الشخص شااارنها مررره .. ونصحناها من ثاني مرره انها تقابلة بشكل رسمي وبالبيت .. ما فيها شيئ .. إلا انها رفضت وقالت كونه يجي البيت يعني في قبول .. وهي نفسياً مش قابلته

بصراحه نصحناها لانه ما في.. في هالززمن واحد يركض ورى بنت او يشتريها لهذه الدرجة

والولد ماشاء الله عليه مزيون وعاقل وطموح ومعروف عنه انه مثابر ويشتغل شغله محترمة.. حتى هي بنفسها قالت لو تقدم لوحدة ثانية من زمان وافقت.


هي اهنى خافت .. وقالت سنتين وهو مصــر انه يجي !! وقلبها وجعها عليه، بس اهيه شتسوي تقول ؟؟! تقول انها نفسياً مو قابلته !!! وحنا قلنا لها قابليه ما بضرك شيئ .. والله عجبك وارتحتى له صار خير .. ما عجبك يا دار ما دخلك شر .. بس كمااااااان هي خايفة يتعلق فيها وتكووون سبب تعاسة هالانسان .. الي بدأت تحترمه حالياً. بعد ما كانت بالمرة ما تطيق تسمع سالفته


يا جماااعة نصحووووووونا .. شلوووووون اوجها
وحدة تمووت في شيئ اسمه دراسة وتبي شهادتها وتطمح لدراسات عليا
وكمااان خايفة الارتباط يلهيها عن واجباتها العلمية

وغير هذا وذا .. شامة خبر من اهلها انه مرت خالها تباها حق ابنها !!!
وهذا بعد
ماشاء الله عليه يدرس دكتوووور
وباين له سنة ويخلص

ما خاب من استشار
ونتمنى منكم تفيدونا وتستفيدوا


تحياتي،،