المتزوجات الي ساكنات في بيت اهل ازواجهن!و الي على وايه عرس لا تفوتن الموضوع

ملك روحي:
زوجي يحب اهله فوق العادي

كيف وافقتي بين رايلج و اهل رايلج؟؟ الوقت كيف قسمتيه؟؟
احسن شي المتزوجه تروح لبيت اهل زوجه او تجلس معاهم لمن يكون في زوجها عشان تكون الجلسه رسميه .........
وتحاول قد ماتقدر تتحترم زوجها قدامهم عشان يبادلها نفس الشي .........


اذا ما يلستي ويااهم؟بينتقدوونج؟؟
يعني في الجمعات الاتخص الحريم تروح بس تحاول انها تساعد وتقوم معاهم كانهم اهلها

اذا بغيتي تطلعين مع رايلج؟تواجهين صعووبة؟

لا انت لازم تتفاهمين مع زوجك وتخصصي طلعات لحالكم وطلعات معاهم وهو يفهم الباقي ..............
يعني مره في الشهر تاخذون امه واخواته لاي مكان مطعم او البحر عشان يحسون انك مو ماخذته يعني خلاص ولاشي لهم

ولازم تعتبرينهم اهلك عشان تقدري تحبيهم ...........و لكن الاخطلاط الكبير مع اهل الزوج يولد المشاكل

بنت النور...:
الصراحه اهل ريلج سوا كنتي زينه او مب زينه معاهم بيتكلمون عنج ودايما مايذكرون لج حسناتج دايما يذكرون المساوء بس الوحده تسوي دايما الي يرضي ضميرها وتعاملهم مثل اهلها وتحترمهم عشان خاطر ريلها بس ولها الاجر العظيم عند ربها..

RoOoOmy_M:
أنا الحمدلله ساكنة لوحدي وهذا كان شرطي من البداية .. احنا في مجتمعنا يعتبر السكن المنفصل من الشروط الرئيسية للزواج ... عشان كذا ما اعرف عن هالمشاكل والشغلات اللي تصير للي ساكنين مع اهل ازواجهم

بس انا ضد ان الوحدة تشارك احد في السكن سواء اهل زوجها او بيت اخو زوجها مثلا لعدة اسباب

نشوف رأي البنات

Wisam:


أنا بعد نفس الشيء كان شرط من شروط عقد زواجي شيئين
إني أسكن سكن مستقل
وثاني شرط أبقى على وظيفتي

والحمد لله أنا الحين ساكنه لحالي ومستانسه مع زوجي وأبو عيالي المستقبلي
والدنيا ما تخلى من المشاكل يعني لازم أنا فيه إنتقادات في بالي عليهم
ولو كانت إنتقادات بسيطه لأن عمتي طيبة قلبها تغطي على أي إنتقادات
وهم بعد أكيد الحين فيه أشياء أنا سويتها وهم ما عجبتهم فيني

بس الزبده الإستقلال في السكن يريح البنت

البستكيه:
هلا حبيبتي واشكرج على طرحج هالموضوع
والله البنت اتعرف اهل ريلها هم من اي نوع من ايام الملجه اذا حست انها بترتاح مع انه مستحيل بس يمكن اتضحي عشان رياها
مثلا انا سكنت مع ام ريلي بس في ملحق عباره عن غرفتين وحمام بس سكنت 8 سنوات واحينه انا من سنتين ساكنه في بيت روحي بس الحمد لله اهل ريلي وايد طيبين وانا مو من النوع الي اسوي مشاكل
بس هيه على الطلعه والدخله لازم اقولهم اني طالعه وما كنت افصص واقولهم انا سايره هني وهني لاء اقولهم انا طالعه عندي كمن شغله وابجي هم اتعودو اني ما اقولهم عن طلعاتي وسيراتي بس لازم تيلسين وياهم كل يوم دام انج ساكنه في نفس البيت من باب الاحترام واذا انتي متضايقه ولا ما لج خلق لازم تغصبين عمرج وماتبينين هالشي الي كان مضايقني وبعد شو الي كان مضايقني انه اهلي او خواتي ما يقدرون يدخلون ويطلعون عندي جي بسهوله هم ترا يستحون بعد بس ولا الاشياء الباجيه اذا انتي متفقه ويا ريلج عادي ما فيها شي اذا الوحده سكنت بيت اهل ريلها ..... وبس

هنومه:
انا اشترطت قبل الزواج اني اعيش بروحي بس قصو علي بعد الزواج وسكنوني معاهم اهئ اهئ:cry:
وشلون قسمت وقتي؟ الوقت الي ريلي يكون نايم او طالع بره البيت اروح اقعد معاهم اما لما يكون موجود استئذن واروح اقعد معاه ومع الوقت زهقت وما قمت انزل الا مرتين او ثلاث مرات في الاسبوع وما حد له حق علي ابي آخذ راحتي وهم خالتي مخليتني علي راحتي الحمد الله
والوحده مني لازم تغلط عشان تتعلم من اخطاءها خصوصا انك رايحه بيت يختلف من ناحيه العادات والتقاليد والبيئه عن بيئتك والحمد الله ماشيه معانا

اما بالنسبه للطلعات الحمد الله ما شفت اي مشاكل حول الامر هذا اطلع وقت ما ابي وادخل وقت ما ابي دام ريلي موافق والله يسعدني ويسعد كل الخوات في حياتهم الزوجيه

عروس الموج:
مراااحب..

دلووعه اووي موضوعج وايد حلووو

انا مب متزوجة بس انشالله للو الله كتبلي نصيب الصراحه افضل اني اعيش انا وزوجي روحي...هذا لو كان ماديا اوكي
واذا اصر ان انعيش في بيت اهله ما عندي مانع لو كان مسوي ملحق خااص بي انا يعني مطبخي روحي وصالتي والغرفة..اما اسكن في غرفه وحده اتشاركهم نفس الصاله احس ها الشي وايد صعب عليه لا هم بياخذون راحتهم ولا انا بس الواحد ما يدري شووو مكتوب له

أم القوقو:
الصراحه و من تجربه مريره

اهل الزوج او نسميهم الحموله انواع

اختي كانوا اهل زوجها مثل اهلها و كل شي عادي بينهم

انا قربت للنار و حرقتني

و عشان كذا على حسب نوعهم

اذا كانوا من النوع اللي مهما كان بينك و بينهم يحطون جدار نصيحه لا تقولين

بقرب و اهد هالجدار لانه بينهد فوق راسك

مجرررررررررررررررررربه