ااااااه تعبت من هذا الصديق اللصقة

أحس بمعاناتك حبيبتي..

لأن زوجي بعد عنده صديق شبيه بصديق زوجك.. تخيلي مرة كان عارض على زوجي انه يسافر معاه.. بس جذي.. و أنا؟؟!!!!

طبعا تذمرت منه كم من مرة.. و ناقشت هالشي مع زوجي بهدوء.. و شفت زوجي الحمدلله اقتنع بوجهة نظري

يعني انا ما اعارض اصدقائه بالعكس.. كل منا يحب جلسة الاصدقاء .. لكن صديق عن صديق يختلف..

و الحرمة تقدر تعرف هالشي من كلام زوجها عن ربعه..

نصيحتي لك:

تكلمي معه بهدوء..

من بداية الاسبوع احجزيه حق نهاية الاسبوع يعني مثلا " نهاية الاسبوع اهلي بخاطرهم يزورونا، بعد

بقول حق اهلك عشان تحلا القعدة"<== و هكذا مافي ارتباطات ثانية وأكيد راح يكون متواجد..


او مثلا.. نهاية الاسبوع لازم نروح المنتزه الفلاني.. أو المطعم الفلاني.. لأاني بجد خاطري فيه

و طبعا ناقشيه.. قوليله اذا صديقك زوجته مستغنيه عنه (بقصد تاركنه بكيفه ) انا زوجي ما افرط فيه..

و من هذا الكلام اللي يسلب المخ..

و انتي و شطارتك.. و ان شاء الله تفيد هالاساليب مع زوجك.. و تبشرينا

والله ماادري اشلون اساعدك

لازم اترمسين ريلج واتقوليله يفضالج شوي

والله يعينج

جنة العشاق
شكرا على مرورك بس تكلمت معاه بالطيب وبهدء ولا ما نفع
وتذمرت كم مررررة وهو ولا كأنه هنا
ولا اقدر احجزه من اول الاسبوع لانه ييكون رده بكل بساطة مو ضروري كل اسبوع تخرجي :(

في اكثر من اني كنت تعبانة وهو اجبرني ادخل الغرفة انام عشان هو يقدر يروح له !!!!!!!!!

ماسك لي كلمة وحدة الحريم مكانهم البيت كذا الدين يقول
وارد عليه واقول تكون في البيت اذا معاها زوجها مو بين اربع حيطان :(

وهو يرجع يقول في البيت كيف ما يكون

خلاص انا بديت امِـــــــل


reemkuwait وصلصوحة

شكرا على مأزرتكم لي :(

بس ادعولي الله يخليكم

الله يعينج بصراحه اختي ماعرف شقولج
الله يهديه
بس حاولي تتصرفين بسرعه
او تكلمين حد يسمع منه عشان يوعيه
لانه اذا زادت المشكله اكثر عن جذي
صعب تنحل