ابي حل يكسر الروتين - تعبت والله ولايعه جبدي !!!!!!!!!!!

صادقه اختي سفيره ذبحنا الروتين مهما سوينا نحس روتين خصوصآ في الاجازه يعني في الدراسه فيه شيء ننشغل فيه دراسه واختبارات وماتلحقين على شيء بس في الاجازه نوم وطلعات وارتباطات عائليه الاشكال نفس الاشكال والاماكن نفس الاماكن اللهم اذا سافرتي بره للسياحه بس والا باقي الصيف اعوذ بالله والله اني في الاجازه انسى الايام انسى اليوم سبت والا احد من كثر ماهي متشابهه عندي بتقولون ادخلوا دورات انهرينا دورات كومبيوتر ولغه وزهق يلا بربرت عليكم واجد

شكرآ اختي لطرحك الموضوع

الله يعينا على هذه الدنيا الله يشغلنا في طاعته وذكره فعلا اختي سفيره فوق العاده الروتين والفراغ شيء فضيع
حياتنا كلها ملل في ملل

انصج ..انج تحمدين ربج ..في حد قااعد في البيت بلاشقل ولا شي..ملل*ملل..على قل يمر مثل البرق..فيحد الثوااني اشهر..والريل مش كل شي اهم شي رااحت البال ..في حد معرس ومش مرتااح..عيشي كل يوم بيومه..

صبـــــــاح الــــــــورد ..

أختي الحبيبة ...سفيرة ...

الله يجزاكِ كللللللللللللللل خير والله اسعدتيني بكلامكِ ..
وأنا اعتذر على الإطالة في موضوعي ،،
أتمنى أنها كانت مفيدة ..
وأتمنى لو يكون هذا الموضوع إيجابي يعني يبعد عنا الاحباط ..
أنا راح اقترح عليكم اقتراح جدااااا بسيط وهو جزء من تغيير الروتين ..
غيري نظام نومكِ وشوفي كيف نفسيتكِ بعدها ..
ياليت كلللللللللنا مانستسلم للملل والروتين ،، لانه يزيدنا احباط وهّم ..

أختـــــــكم المحبــــــة / حنـــ سدير ـــين

اختي انا نفسج زهقانه ميته متخرجه من الجامعه وناطره الوظيفه على احر من الجمر يا حبيبتي الله يعينا ويرزقنا 0

مشكورين على المرور

وانا استفدت من موضوعي اللي حطيته

بارك الله فيكم يا بنات والله يرزق كل وحده باللي تبيه ويحقق لها كل امانيها

سفيرة فوق العاده

تعرفين شو تسوين؟ نااااااااااااااااااااامي قد ما تقدرين

اهتمي بجمالج قد ما تقدرين

احفظي اجزاء من القرآن قد ما تقدرين

سبحي لله واستغفريه قد ماتقدرين

اطلعي وتمشي ولا تخلين مكان قد ماتقدرين

صلي رحمج سيري عند ربعج قد ما تقدرين

أخيرا ................ اكتشفي نفسج

صدقيني بتنصدمين لما تكتشفين ان عندج موهبة مدفوووووووووونة ونصيحتي ابرزيها ونميها وكبريها عشان صدق تشغلج

تحياتي

الكريمه ام علي

شكراً لمرورك العذب

سفيرة فوق العاده

جددي من لبسك ..
اذهبي الى السوق وتسوقي قدر ما استطعت ..
اقرأي ما تحبين قراءته ..
غيري من ديكور غرفتك ..
تفنني بالطبخ والاكلات ..
رتبي ملابسك من اول وجديد ..
تابعي برامج التلفزيون وواصلي زيارات الصديقات وصلة الرحم ..


وبالتوفيق ،،

إبتسامة الأمل

تشرفت هذه الصفحة بحضورك الطيب الذي يبهج الروح



شكرا جزيلا لمشاركتك القيمه


لاعدمت حضورك

سفيرة فوق العاده

على الأقل انتي عندج وظيفه انا لا وظيفه ولا ريل ولا شي وخوات وماعندي ...شرايج ؟؟

أحين انتي احسن والا انا ؟؟
والله احمدي ربج

مالج الا الدعاء لله عز وجل لا تتركين الله وتسالين الناس,,,,,,....بعدين الدعاء شي عظيم لا تستهينين فيه .. صلي كل يوم صلاه الحاجه وادعي فيها.. تصدقي .. واكثري من الأستغفار وقول لا حول ولا قوه الا بالله ولا ننسا دعاء النبي (عليه الصلاه والسلام)

(( اللهم اني اشكوك ضعف قوتي وقلة حيلتي وهواني على الناس يا ارحم الراحمين, الى من تكلني وانت رب كل المستضعفين وربي؟؟ الى بعيد يتجهمني ام الى عدو ملكته امري؟؟ ان لم يكن بك على سخط فاني لا ابالي غير اني اعلم ان عافيتك هي اوسع لي .. اعوذ بنور وجهك الذي اشرقت له الظلمات وصلح عليه حال الدنيا والأخره ان تحل علي سخطك او تنزل بي غضبك ولك العتبى حتى ترضى ولا حـــــــــــول ولا قـــــــــــــــوه الا بك..))

والله المستعان

اللهم فرج همي وغمي وارزقني من حيث لا أحتسب

جزاك الله خير راعية العيون

بحق لا أملكُ منْ الكلماتِ ما يعبِّرُ عن امتناني لك
شكراً لكرمك..

سفيرة فوق العاده

العزيزة ... سفيرة فوق العادة

الله يسلمج بس ... فتحتي علي بااااااب والله :D2:cry: ... الله يهديج بس

مو بس روتين والله ولا بس ملل ولا بس طفش ولا زهق .... الا قوووولي هلاك ..موت :gum:

والله انا اعاني من هالشي بشكل جدا جدا فظيع ما تتصورونه ... لا شغلة ولاعمله عندي ... طول يومي مقابلة هالنت الزفت ... وعلى طول فيني الصيحة ولو اي واحد كلمني صحت ... هذا غير النياحة قبل النوم كل ليلة تقريبا ... ومثل ما قالوا بعض الاخوات ... جربنا كل هالاشياء ... بس بعد مليت منها ...

يعني جربت اشتركت بنادي رياضي ... اكيد استفدت ما بقول لا ... بس كنت اروحه غصب عني ... العب رياضة وانا ابغي اصيح ... مب حااااالة والله هذي ...
صديقات ما اروح لهم ... مع انهم يتصلون ويحنووون علي تعالي لنا ... بس ما لي مزاج اروح لاحد مع اني بخاطري اروح لهم
طبخ ... كرهت الطبخ وكل شي والله
قرآآن وادعية الحمدلله اقرا ...

يعني كل شي مفيد كمان تمللت منه وما احب اعمله ....

يلا عطووووني حل .؟؟؟

ليش تفتحين هالموضوع :bigsmile:

جزاكم الله خير الجزاء
الموضوع وااااااااااااااااااااايد مفيد
وشكر خاص للاخت سفيرة فوق العادة

هلا اختي بقولج شي صج لين قالوا الانسان طماع تدرين دخلت جامعه وقعدت اقول ملل متي اتخرج واشتغل ومرت 5 سنوات مثل هواء وتخرجت وحمدالله واللحين قاعده انتظر وظيفه متملله كل يوم نفس اليوم اللي قبله تملللللللللللللللللللت لدرجه اني زهقت من شكلي ونفسي واقول حسااافه يلتيني بجامعه

ونفس شي بشتغل وبلتهي بشغل يعني شنو بيتغير غيراني اقووم صبح وبروح شغل وبرجع بتغدي وانام ونفس شي لين اليوم الثاني

اختي تحسدني على حياااتي تخيلي هي متزوجه وتشتغل تقولي ياحيييج عندج وقت لنفسج تنامين وتاكلين وتسهرين وتشوفين التلفزيون وترتاحين بس صراااحه لما اشوف اختي تهون بلوتي

المسكينه عندها بنتين صغار وحده 4سنوات وثانيه سنتين تروح شغل وترجع ساعه 2 ظهر تجهز الغداء وتاكل هي واعيالها وريلها وينامون وتقوم العصر على صراخ اليهال وبعض الايام مايخلونها تنام ظهر وبس هاذي روتينها اليومي وتقعد معاهم لين المغرب وتنيمهم وتقول اروح الفراش بليل احط راسي وانام من تعب وخصوصا انها ساكنه مع اهل زوجها بس ملحق لحالها ولازم الخميس تجامل شوي حتي لو على حساب نفسها لانهم يجتمعون كل خميس وغير الازعاج والصراخ يهال ساعات اكلمها من غرفتها بتلفون اسمع صراااااااااااااااااااااااااااااااااااخ يهال اقولها مع السلامه موناقصه صداع شنو جذي لو مكانها يصير فيني صداااع نصفي

احنا لو نشغل نفسنا بشي مفيد مثل القرأة او نتعلم نصمم مواقع او نصمم تواقيع او نتثقف بس العيب فينا احنا لانه دوووم نتملل نبي الشي على هوانا نطلع متي مانبي نام متي مانبي نسافر على كيفنا

لكن الظروووف وخصوصا مجتمع خليجي تحكمنا اكثر من احنا مسلمين

واتمني كلامي يكون خفيف عليكم

يا حلوووج والله يا عروس الدوحه

صدق والله ... كلامج كله صح

الافضــــــــل ان احنا نقتنع ونرضى بحالنا .. ونطلع كلمة
الحمــــــــــــــــــــــــــــــــــــــــــــــد للـــــــــــه رب العالميــــــــــــــــــــــــن
من كل قلبنا .... عشان الله يوفقنا

وما نقول الا الله يشغلنا بطااااعته ويجنبنا معاصيه ... يا رب العالمين

اللهم لاتجعلنا من الساخطين على قضائك اللهم رضنا بما قسمت لنا الحمد لله على كل ةاعةذ بالله من حال اهل النار...

اللهم انك عفو كريم تحب العفو فاعفو عنا

اللهم لاتجعلنا من الساخطين على قضائك اللهم رضنا بما قسمت لنا الحمد لله على كل واعوذ بالله من حال اهل النار...

اللهم انك عفو كريم تحب العفو فاعفو عنا