بنات شسوي ؟؟؟؟!!!!

ما كان العشم فيكم ولا رد عاد.

سامحيني الغاليه بس لو اعرف جان رديت عليج...

بس رديت عشان ما تقولين محد رد عليه..اعرف هالاحساس وايد يضايج

ان شاءالله البنات ما بيقصرون معاج...والله يقومج بالسلامه

الله يسهل عليج اختي

و ان شاء الله البنات الباقي يجاوبونج لاني كلش ماعرف شي في هالسوالف

هلاااااااا اختي اقري قران

وحاوولي تمشين كثير لاتروحين المستشفى انتظري شووي

وشي ينظف الحلب بس ريحته خايسه الله يعينج

والله يسهل عليج
انشاءالله

هلا الغاليه..اللي اعرفه يشربون زعتر مثلا او سنوت...واخذي ملعقة عسل طبيعي مع الحبة السودا...او اخذي تمرات المدينه(العجوه) وماي ززم...ها اللي اعرفه..والله يسهل عليج ان شاء الله ويسهل علينا..

والشي اللي ينظف الرحم.تشربين القرفه...او حبة الحمرا...مممم ها اللي اعرفه واسمحيلي ع القصور..

الله يسهل عليج ويقومج بالسلامه أنشاء الله..........................

السلام عليكم ورحمة الله وبركاته

إستعيني بالله أختي و اشكي له حالك...و إن شاء الله ربي ما بيخيّب ظنّك أبدا...

أختي بالنسبة للصيام...لو رضّعتي طبيعي الحليب راح يتأثر بشدة بالصيام....

لذلك إنتبهي لهذا الشيء...البيبي بيكون عمره كتير صغير...

و الله يقومك بالسلامة إن شاء الله...

الله يسهل عليك ويقومك بالسلامة ولا تحتاجين طلق صناعي ... ما عندي فكرة بس حبيت ادعي لك

هلا و غلا بحرينية عسل

الله يسهل عليج يا رب

اصعدي الدرج قد ما تقدرين

و اشربي زيت الخروع او مغلي القرفة

و بعد الولادة.. اشربي الحبة الحمرا لمدة 20 يوم يوميا
و الـ 20 يوم الاخري اشربي الاعشاب من حلبة و مغلي القرفة و غيره
و لا تقطعين و لا يوم عشان تنظفين بخلال شهر ان شاء الله

هلا حبيبتي اللـــــــــــــــــــــه يسهل عليج
بالنسبه للطلق الصناعي انا جربته مو شي يخلي الالم دبل يذبح مووووت
قد ما تقدرين لا اتروحين بعد مو زين انج ما اتروحين بالموعد الي عاطينج اتعرفين ليش هم ما يصبرون اذا طوفتي الموعد وما ربيتي لان الياهل يوم يكمل في البطن اسابيع معينه خلاص يكون مكتمل فيبتدي يسوي فعمره تكرمين الخروج يسويها ويخافون انه ياكل هالشي واهني يتسمم الياهل اذا بلع هالشي فمن جي هم يعطون طلق صناعي بس الله يسهل عليج حاولي تمشين وايد وانصحج انج ما تصومين لان الرضاعه اتيوع وبالنسبه شي ينظف البطن انا يوم ربيت في اخر ولادتي النيرس كانت شاطره بعد الولاده كانت اتسوي حركه دائريه على بطني وكان يطلع وهي رايحه ويايه اتسوي يمكن تمت نص ساعه وهي جي اتسوي الحمد لله اتنظفت في 10 ايام والله بس يعور يوم اتسوي هالحركه الدائريه عالبطن
وبس طولت عليج وتولدين بالسلامه ان شاء الله

ربي يسهل عليج..

بحرينية عسل سألت لج الوالدة قالت لي

ان اختي لما تاخرت ولادتها قالوا لهاا تسوي لأختي حليب ويكون (سكر زيادة شوي) + سمسم وتاكل تمر مهروس



وان شاء الله كل شي يكون زين ونسمع عنك الأخبار الحلوة

ماعرف شي يالغاليه لكن دعواتنا معاك ويارب ياحي ياقيوم تسهل على كل حامل ووالد وترزق كل محرومه يارب ياحي ياقيوم

اشربي مغلي الزعتر و زيت الخروع اخلطيه مع عصير لانه طعمه مب حلو ... و امشي قد ما تقدرين

و الله يقومج بالسلامه ,,

بالنسبه لعقب الولاده كثري من السوائل الحاره و الحبة الحمرا وااايد زينه في تنضيف البطن ..

بس لاتنسين انه الصيام ممكن يأثر على الحليب حاولي انج تأخرين السحور لين قبل الفجر بشوي

و اخذي كاسه كبيره حلبه لانها تزيد الحليب و اكلي طحينيه (رهش) بعد يزيد الحليب

حببتي كثري من أخذ حمام ساخن فهو يفتح الرحم ويقوي الطلق أنشاء الله تقومين بالسلامة

انا لما دخلت المستشفي امي جابتلي زيت الخروع اشربه وهم سوتلي دارسين مغلي لتسهيل الولاده بس ما سوا شئ لان ربك ما اراد وولدت بعدها بتحاميل الطلق الصناعي

الف الف شكر لكل من جاوبني والله يجزاكم الف خير. بس ياليت تقولون لي اكثر عن الحبة الحمراء شنو المقصود فيها نأخذها من الحواج يعني.

الله يسهل عليك إن شاء الله ، كثري من الرطب وماء زمزم وتوكلي على الله ، وإذا تقدرين تروحين عند دكتورة في عيادة خاصة تسويلك سونار يبين لك نسبة الماء في الرحم وهل هو كافي للجنين أو لا ، وبتنصحك إذا محتاجة تسوين طلق صناعي أو لا ، ولكن لا تتعجلي وتذهبي للمستشفى ، لأن دائما عندما يعطونك موعد للولادة يكون في حد مسموح لك فيه قدره 14 يوم إما قبل الموعد أو بعد الموعد اللي عطوك فلا تخافي والله يسهل عليك

بنات شكلها بحرينية سوتها وولدت

ما احد سمع عنها خبر ؟