العلاقة الزوجية الجنـ.......في الثلث الاخير من الحمل؟

ليش ما تفاتحه بالموضوع وتساله ليش متغير عليها او يمكن في شئ مضايقه عنده مشكله وناطرها اهي تبادر وتساله ما تدرين اختي يمكن لما تسوي شذيه يحس انها مهتمه فيه ويفضفضلها الي في قلبه وادعي اختي ان الله يهديهم حق بعض ويالف بين قلوبهم ويزرع الالفه والموده بينهم انه سميع مجيب

أختي خليهاا تفاتحه بالمووضع

وتحاول تقرب اكثر منه

وتسولف معه عن المولود المنتظر

يعني تقوله ان هي مشتاقه له وانه مقصر معهاا
اتمنى اني افدتج

الله يعينها.

بس في من الرياييل يخافون ع حريمهم من الجماع خاصه في الثلث الاخير عندهم اعتقاد انه ياثر ع البيبي ..
وفي منهم يكرهون اجسام حريمهم للسواد والشعر والكرشه...فممكن انه مبتعد لشي من ها السبب..

او فيه سبب خاص ..ماتعرفه..

مافي احلى من الصراحه تيلس وياه وتصارحه تشوف شو السالفه..

الله يعنيها..

فعلا انا مع الاخت العهد في كلامها

لان زوجي من هالنوع انا الحين حامل وكملت شهري التاسع اليوم

بس علاقتي الزوجية مع زوجي الحمدلله تمام ما انكر ان زوجي يتضايق من وضعي

كوني حامل ويخاف كثير علي وعلى البنت الي في بطني لما يقرب مني

وحتى شكل جسمي مو حابه يقول متى تولدي علشان جسمك يرجع مثل اول

تعرفي التغيرات اي تصير خلال الحمل لكن الحمدلله وضعنا تمام

عموما ممكن زوجها يكون خايف ان لما يقرب منها ممكن تتأذى او الجنين نفسه يتأذى

بس ماعليها الا انها تحاول هي تتقرب منه وقت النوم تضمه لا تنتظر منه انه يبتدي هي تروح له تضمه تعطيه بوسه

خفيفه على راسه او خده تقول له اشتقت لك كثير

ومنها تبتدي تدخل معه في موضوع بعده عنها وتحاول تفهمه ان هالشي ما راح يأثر عليها وعلى الي في بطنها طالما وضع حمل بخير

وان شاء الله اكون قدرت اساعد في شي

واسفه على الاطاله

يمكن ماتهتم في شكلها يمكن ماتلتفت حق ريحتها خبرج هالشهور الحامل ماتنتبه انها تعرق اكثر من قبل
خل تجرب تتعطر وتتطيب وتلبس شي جديد وتقعد حذاه مع ابتسامه وبوسه عالخد وشوفوا شبيصير

المصارحة بهدوء اهم شي

أعتقد ان الخوات كفن ووفن ماله داعي اتكلم

والله يسعدها ويرحها ويا ريلها