مادا تفعلين عندما يتزوج زوجك عليك ؟؟؟؟؟؟؟؟؟؟؟

والله الموضوع صعب

بس عندي حالتين .....

الأولى .... راح اخليه يندم عدد شعر راسة انه جاب لي شريكة

باعفس عليه حياته لا ليله ليل ولا نهارة نهار


راح اطلع لهم وين ما يكونون .. كل ليله اهو عندنا ..رقع تلفونات اصرخ اني مريضة وابيه يوديني المستشفى وغير الطلبات والنحاسة واللعانة وحركات راح اخليه يمشي ويكلم روحة.

الحالة الثانية.
ولا اعبرة بكلمة وحدة ولا اعاتبة ولا انزل روحي له..... راح الم ثيابة بكيس قمامة وارميهم بالشارع واغير كل مفاتيح الفله واوكل محامي عني عشان الطلاق ويغور في ستين داهية



خل يشبع فيها ست الحسن والدلال

وماردة لي

ما اتتخيل هالشي يصيرلي لانه بيدمرني تماما...وحتى لو كانت له ظروفه و صار زواجه الثاني حق من حقوقه اللي اجازها الاسلام..يطلقني ...لاني مستحيل راح ارضاها على نفسي او كرامتي....اذا هو ما بقى على العشره واتحمل الظروف ورضى بنصيبه فأنا ما ابغيه ولا ابغي عشرته..



عيوني دمعت :(


الله لا يجيب هاليوم

هههههههه عيبتينــــــــــــــــــي نور المدينه ردج

احينه دوري انا اتعرفون شو رايـــــــــــــــــي....

اذا عرفت انه متزوج على اول شي بدور على السبب الي راح واتزوج على
اكيــــــــــــــــد انا بكون هامله عمري او امقصره وياه اذا كان هالسبب انا ما بسوي شي لاني انا الي امقصره
وهـــــــــــــــــــــــــــــذا مســـــــــــــتحيل لاني مستحـــــــــــــــيل اهمــــــــــل عمري
انا كلي اف قلـــــــــــــــــــــــــــــــــــــــــــــــــبه
وحتى هو اف قلـــــــــــــــــــــــــــــــــــــــــــــبي
واذا غير جي راح اسوي مثل ما بتسوي نور المدينه بس قبل ما اسوي جي اتعرفون شبسوي
بجهز السكين وبقص ...............فهمتوا طبعا شو قصدي
مع السلامه

If i ever knew that my husband will get married !! for sure ill ask for divorce ! coz when i get related to that man , it was a beyond for me and him only !

بقوووووووووله مبرووووووووووك ومنك المال ومنها العيال
وبخلي يتقطع من تأنيب الضمير ما بصارخ ولا بعاتبه ولا شي
بس بقوله الله يسعدكم ويهنيكم اكيد انا قصرت في حقك وسامحني
ومع السلامه

وبرجع بيت اهلي ولا بسويله سالفه بعد
هو حق من حقوقه بس حقنا نحن بعد انا نرضى او ما نرضي وكل حرمة غير عن الثانية
دامنه دار على وحده غير معناته عندي اني مش كفايه واني مش ماليه عينه ولا قلبه فليش ابقى عليه؟

بس غريبه البنات اللي بيرضون بهذا الشي؟ هل ماشي غيرة؟ ولا حب؟ او العقل هني هو المتحكم في الموضوع دون العاطفة؟
هل في ريال يستاهل اني اتنافس عليه مع وحده ثانيه عشان ارضيه؟ طيب اذا اصلا انا ما كنت مقصره في شي يعني هو اللي عينه فاضية ومايملاها الا التراب

:confused:لا ولا ولا ولا لا يمكن اقبل الله لايبلنا والله بموت قهر

ود الإمارات:
بقوووووووووله مبرووووووووووك ومنك المال ومنها العيال
وبخلي يتقطع من تأنيب الضمير ما بصارخ ولا بعاتبه ولا شي
بس بقوله الله يسعدكم ويهنيكم اكيد انا قصرت في حقك وسامحني
ومع السلامه

وبرجع بيت اهلي ولا بسويله سالفه بعد
هو حق من حقوقه بس حقنا نحن بعد انا نرضى او ما نرضي وكل حرمة غير عن الثانية
دامنه دار على وحده غير معناته عندي اني مش كفايه واني مش ماليه عينه ولا قلبه فليش ابقى عليه؟

بس غريبه البنات اللي بيرضون بهذا الشي؟ هل ماشي غيرة؟ ولا حب؟ او العقل هني هو المتحكم في الموضوع دون العاطفة؟
هل في ريال يستاهل اني اتنافس عليه مع وحده ثانيه عشان ارضيه؟ طيب اذا اصلا انا ما كنت مقصره في شي يعني هو اللي عينه فاضية ومايملاها الا التراب

تسلم صاحبة الموضوع

اذا في شرات الحج متولي زين موافقين خخخخخخخخخ

صراحة صعبه على الوحدة


بس حبيت أعلق على الاخت ود الامارات
[grade="00008B FF6347 008000 4B0082"]بس غريبه البنات اللي بيرضون بهذا الشي؟ هل ماشي غيرة؟ ولا حب؟ او العقل هني هو المتحكم في الموضوع دون العاطفة؟[/grade]

لا ياود الامارات عندهم غيره ومايرضون لكن سبحان الله هذا نصيبها تخيلي الكل فوق راسها مايا خطيب ماعرستي ومادري شو وبعد عاطفة الامومة ومب كل البنات خذن عازب في جي وفي جي

والله يهني الجميع يارب

لو يسويها,,خلااااااص يعتبر اللي بيننا انتهى,,ماليي قعدة معاه لو مهما يصير,,
(الله لايقوووولها),,صراحة لو يصير يمكن اموووووت قهر وحسرة,,

مشكورين على مشاركاتكم الفعاله
وانشالله مايتزوج علينا ازواجنا
والله لا يقوله ان في يوم نشوف
ازواجنا مع زوجه ثانيه حتى ولو متنا
على قولت المثل ((الشريكه تحر لو هي في القبر ))
ونبغه ردودكم الفعاله واللي تدل
على نجاح الموضوع

يمكن أموت بسكته أو ما أدري بس أحس إن بصيدني شئ قوي وبنتهي لأني صدق أموت في زوجي

[grade="B22222 DC143C FF7F50 FF4500"]والله هالموضوع خطططططططططططططططيييييييييييييييييرررررررررررر
كله انفعالات وغضب وشئ لايمكن وصفه بالكتابه
الله لايكتبها لنا
صعبه صعبه صعبه
شئ يجيب المرض النفسي لاني شفت وجربت حالة ثلالث من زميلاتي حصلهن هالشئ
الله لايوريكم حالهم
من كثر ما تعاطفت معاهم حسيت وعشت كاني صار لي مثلهم عشت نفس التجربه وانا ماحصلتلي الله لايقدرها علي ويلطف بي لو حصلت[/grade]

انا عاد مشكله مأخذته وهو معه وحده بس هاه لاتفهمون غلط انا ماخذته برضاها

لو تزوج علي والله اقلب ارهابيه لا افجر فيه:D2

عاد اذا كان عندي اطفال حرام يضيعون على قولت اختي المسالمه بيت بروحي معززه مكرمه وصروفي والعيال يجيني وهو لاتشوفه عيني

اختي نسايم الصراحه الموضوع جرئ وصعب انه الواحد يرد عليه
انا عن نفسي اممممممممممممم
الصراحه يمكن اروح فيها على طول خصوصا اني حساسه وايد واحب ريلي وااااااااايد واغار عليه موت موت موت
انا يوم اظهر معاه واشوف البنات يطالعونه امووووووت من القهر عيل كيف لو يتزوج
لا لا لااااااااا ما اقدر اتخيل هالموقف الله لا يحطني لا انا ولا العرايس فيه
بس ريلي دوم يغايظني ويقولي ويش تسوين لو تزوجت عليج..اقوله ببرده اعصاب (طبعا وانا احترق من الداخل) عادي تزوج اول شي ما بتحصل وحده نفسي ثاني شي باخذ اغراضي وبروح بيت ابوي وطبعا ورقه الانفصال توصلني الله لا يقووووووول
هو يضحك ومرات يسرح ويفكر بردي وهذا يخوفني
والله الرياييل مالهم امان

كلامكم خطير.................................................,,,
انا بطلب الطلاق

:eek2: بنصدم

:mad2: :cry: بمووووووت من القهرررر

خصوصا اني امووووووت في زوجي واغار عليه مووووت والله لا يجيب هاليوم ان شالله

بس اكيد اول شي بعرف الاسباب واذا ما عنده سالفه بزعل فبيت اهلي وما ارجع الا بشروووط

واذا السبب تقصير مني لا بقعد فبيتي وانا الداخله وهي الطالعه واحاول اصلح غلطتي واجبر تقصيري

واكسبه لي اكثر واكثر .............. والله يبعد عنا هاليوم ولا يجيبه ابددددد


ومشكورة على الموضوع

انا في طريق وهو في طريق
بعد ما حفا وراي يتزوج غيري
وانا الي صابرة عليه وعلى شغله الي ما يخلص بلمرة

الله لا إييب هاليوم إن شاء الله و لما أفكر بس مجرد تفكير أموت قهر

عن نفسي بعدني ما تزوجت إن شاء الله جريب

و الصراحه أكيد بنصدم و بسكت لكن قبل لازم أعرف السبب و بعدها ببتعد إلي نسى العشره إلي بينا و فضل ثانيه عليه يشبع فيها .. مشكلتي العناد و بكون عارفه شو إلي ما يعيبه و إحتمال أسويه ...

بعد ما فضلته على الكل يجازيني بهالفعل ... بعنادي بعيش حياتي بالاسلوب إلي اباه

والله انا مش عارفة اعمل ايه بس كل ال انا ممكن اعمل انه هتكون ليلتة سوداء عليه وعليها :mad2:وانا اصلا من النوع الهادى بس هادية اية ان شاء الله دة هيشوف منى اسء معاملة وبس بقى عشان انا اتعصبت ربنا يكون فى عون كل ال ممكن يحصلهم كدة

الله لا يقووله ولا يجيب هذا اليوم ابد بس انا ما اصبر اكيد بانكسر وباضعف بس مستحيل ارضى بالشريكه موب طالبه الطلاق بس خلاص باقوله اللى بيني وبينك انتهى وما ابي اشوف وجهك مرة ثانيه واقعد على عيالي اربيهم في بيتي وهو يروح مع الثانيه وى وى وى الله لا يجيبه ها اليوم ويخليلي ابو عيالي

يمه الله لايكولها ناشالله لان انا اموت في خطيبي وما اريد محده تشاركني بيه

بس مور حبيبي يتزوج علي لالالا ما اريد افكر