نزول دم في الشهر الثاني

هلا اختي الغاليه..

لا ان شاء الله لا بتجهضين ولا شي....

انا نفس الشي كان ينزلي دم بس اشوي..وع قلت الاولين يسمونها ((فضله))

بس اذا زاد الدم عليج لازم اتسيرين المستشفى...(الله كريم)

بس ماعليج الا العافيه ان شاء الله...

مشكورة خيووووو على الرد

شنوووو معنى فضلة ؟

وآنا نزل أمس علي دم قليل واليوم بعد بس بحدود أقل وايد يعني نقدر نقول نقطة

يعني عااادي ؟؟؟

أخاف اروح المستشفى يقولون خلاص أجهاض ويخسروني حملي

شنوووو برايكم أروح المستشفى لو لااا

لكم تحياتي

ماعليج شر اختي ان شاء الله
بس لاتجهدين نفسج وايد
ومثل ماقالت الاخت العهد اذا زاد او تكرر لازم تروحين الطبيب

الله يتمم لج على خير يارب

مشكورة خيووووو على الرد

الله يتمم لي ولكم ولجميع المسلمين حملهممم

لكي تحياتي

اختي لا تخافين

انا كمان نزل مني دم في بداية حملي مثل ماقلتي نقطه

ان شاء الله ما فيك الا كل الخير

بس اذا تكرر كثيرا عليك انك تروحين المستشفى

ماعليج شر يا ارجوحة الزمان ....

سمعت يقولون هذا الدم عادي :) اذا ماكان بكيمة كبيرة ...


والله زمان ماشفناج ماتسألين ولا شي

حبيبتي روحي المستشفى....انا صار معي نفس الشي بالضبط و للاسف طلع اجهاض :(

انا ما ابغي اخوفج بس روحي تطمني احسن

ما عليتش شر إن شاء الله اختي ، أنا صار لي بعد زنزل دم بس لون بني والحمدالله رحت المستشفى وطنت على البيبي وكان كل شئ

زين ، بس عطوني إجازة من علشان أرتاح وما أتحرك وعطوني مثبت ديفستون ، اختي نامي ورفعي ريولك فوق شوي وأرتاحي

وما تشيلين شئ ثقيل وممنوع الجماع خلال هالفترة وما تمشين وايد وأهم شئ تأخذين الفوليك أسيد وتشربين حليب وتغذيتك تكون

زينة وإن شاء الله ما عليتش شر



روينا:shy:

اختي يعني شنو تخافين تروحين المستشفى ويقولون لك اجهاض ويخسروك حملك ؟؟

لازم تروحين عشان مصلحتك ومصلحة الجنين

وان شاء الله ما تحتاجين لا دوا ولا شي ويكون هالشي طبيعي

بس عشان تتطمنين روحي المستشفى

وطمنينا عليك

توكلي على الله

لازم تروحين المستشفى

وان شاء الله خير

طبعا لازم اتروحين المستشفى عشان تتطمنين هذي مافيها سؤال
والله يطمنك ان شاء الله
اتوكلي على الله

إن شاء الله خير يالغلا...
أنا أحيانا ينزل مني إفراز بني بسيط وخصوصا بعد الجماع...وما صرت أجامع بعدها ...بس صارت تجي وتروح والله يستر ويثبت حملنا على خير ياااارب..

ان شاء الله ربى يطمنك على حملك بس لازم تروحين المستشفى احسن يراقبونك ويعملوا الازم

دمتى بخير

اختي لا اتخافين ..انا بعد ينزل على دم على شكل بني قالت لي الدكتورة اني ارتاح تماما ولا اشل شي واتغذى بشكل زين.. ومسألت الاجهاض هذا احساس انتي بتحسين فيه .. يعني الجنين ما بتحسين فيه .. عندج الوحام يمكن يخوز عنج .. وبعدين اتحسين بآلام الدورة بس بشكل ثقييييل ..

بس انتي اتوكلي على الله وسيري الدكتورة .. ولا اتخافين .. ان شاء الله كل خير لج ..

السلام عليكم
البارحة بالمغرب نزل عليي دم بني اللون بسيط وخفت ظنيت انه يسبب اجهاض
بس يوم قرأت ردودكم تطمنت لان ذكرت انه سمعت عن هالحالة بس يبغي اليها راحة تامه ولاتقومين بأي شغل في البيت
ولاتمشين وايد
ومثل ما قالوا خواتي روحي المستشفى أفضل ((ولو اني ما أطيق أروح المستشفى بس ويش انسوي لازم نطمئن))
وبيعطونش مثبت للحمل

هلا حبيبتي

اذا الدم لونه احمر ضروري تراجعين المستشفى

اما اذا لونه بني فلا خوف باذن الله ما عليك شر

احيانا يظل نزول الدم البني لللحامل اول 3 شهور شي طبيعي

المفروض تسيرين المستشفى عشان تطمنين على البيبي واكيد بيعطونج ابره لتثبيت البيبي وحبوب الدوفاستون...اختي لا تستهينين بهذا الامر...لازم تطمنين على نبض الجنين..انا استوالي هالشي في الشهر الثاني يوم كنت حامل وعطتني الدكتوره الحبوب والابر ...وهذا الشي مب عادي مثل ماقالو بعض الاخوات...بالعكس مرات يكون اجهاض..ومرات يسمونه اجهاض منذر يعني لازم تحاسبين عشان ما تخسرين الجنين وما تشيلين اشياء ثقيله...وريحي جسمك ...وممنوع الجماع هالفتره...

حبيبتي لاتخافين
ولو تراجعين نفسج تلاقيه هسا مو الدوره من كل شهر
عاااااااااااااااااادي اني بكل حملي يصير عندي جذي
لاتخافين