العنيــــــدة™:
والله يا أختي ممكن أتمنى و تتمنين وغيرنا يتمنى..
لكن الزواج في النهايه .. قسمة ونصيب..
أخ مجدي.. انا كنت دائما اسأل نفسي هذا السؤال..
لكن شو اللي يضمن اني اتوفق في اني اكون سبب في هداية انسان غير ملتزم؟
اذا حاولت.. وفشلت.. شو اسوي؟ اعيش في عذاب معاه ولا اطلب الطلاق واعيش في عذاب ايضا؟
اذا تزوجت انسان مش ملتزم.. وانجبت.. ومت .. شو بيصير في عيالي؟ الاب هو اللي بيربيهم.. بعيد عن الالتزام؟
الكلام يا اخ مجدي سهل.. لكن العمل لا..
اذا تقدم شاب غير ملتزم لشابه .. اعتقد لو ترفضه احسن.. اما اذا ما عرفوا عنه هذا الامر الا بعد عقد الزواج.. فهنيه اقدر اقولها اصبري وما تطلبين الطلاق.. وحاولي تكونين سبب في هدايته..
طبعا فيه اشياء ممكن نعيش معاها ونتقبلها حتى اذا عرفنا قبل الزواج.. مثلا اذا هو يصلي.. ويصوم .. ولكن يعصي ربه في بعض الامور.. اعتقد ممكن نوافق ونحاول معاه بعدين..
لكن اذا حتى صلاه ما يصليها ؟؟؟؟
ولا تنسى اخ مجدي.. انه الرجل يكون اسهل عليه انه يغير من عادات و سلوك زوجته.. يعني ف اغلب الاوقات الزوجه هي اللي تتغير..
والعكس اشوفه صعب.. شو نسبة الرجال اللي يحبون زوجاتهم يقولون سووا كذا وكذا.. ولا تسوون كذا.. ؟
الاسلوب مهم .. نعم.. يمكن بعض الحريم يقدرون يسوونها.. لكن مب كلهم..
والرجل اذا اصابه اليأس.. يكون اسهل انه يطلق زوجته.. الخسارة أقل.. لكن مع الحرمه ..... ؟
وطبعا والحمدلله بصلاة الاستخارة والتوكل على الله ممكن نتخذ القرار الصحيح...
:flower: :flower:
[grade="00008B FF6347 008000 4B0082"]
والله يا لغالية صح لسانك ع الكلام الطيب إلي ذكرتيه
أنا بقولك مثال من تجربه عندنا في البيت ما بروح بعيد
أختي " أحسبها كذلك ولا نزكي على الله أحد " حافظة لكتاب الله وملتزمة ومتدينة وعباية راس ...........
تقدم لها شخص وكانت تستخير كل يوم ونسأل عنه والناس ما في كلمة ما قالوها عنه
الرجال قالوا إنه يصلي ويكون يوم الجمعة في المسجد من الساعة 10.00 ص وما يقطع فرض
بعد الزواج أختي عرفت إنه ما يصلي ويقطع في الصلاة إلي يصليها
ويوم الجمعة يروح المسجد عقب الخطبة أو بنهايتها
حياتها شنو تعذيب تكلمه وتنصحه لكن ما في فايدة هو الرجال وهو صاحب الكلمة والكل بالكل
فهي تعتقدين ايش بتسوي صابرة ومحتسبة أجرها عند ربها
ومن 3 أسابيع تقدم لي واحد ما شاء الله منصب كبير في الوظيفة ومعاش عالي جداً وسمعة ووووووووو
ورفضته لسبب إنه ما يصلي أصلاً وعمره 37 سنة وأنا 24 سنة
تعتقدين 37 سنه وأقعد أعلم فيه الصلاة من أول ومن الممكن إني ما أقدر الأساس عنده معدوم ايش بقى
كنت أستخير كل يوم وهو وافق علي والأهل كانوا يسألون عنه وسبحان الله ما كنت مرتاحة قبل ما أشوفه
وقلت يمكن حياء وبعدين الناس والجيران قالوا لنا عن أخلاقه وطبعه
وهو ما شاء الله ما في صفه زينة ما قالها عنه
ولا تنسين حنا في زمن الناس ما تقول ضميرها بحجة ما يبون يخربون الزواج أو البنت كبرت إلا من رحم ربي
وصدق من قال امشي بجنازة ولا تمشي بزواجه
والسموحة ع الإطالة [/grade]