ماهي فوائد حبوب الخميره؟؟

De3LaT_7aBeBY 04-09-2005 12 رد 28,110 مشاهدة
D
السلام عليكم


حبيت اعرف شنو فوائد حبوب الخميره للبشره والجسم كاملا....؟؟

شكرا
ا
تامرين امر



De3LaT_7aBeBY



كم دعلة عندنا هي وحده.......



يقال انها تكثر الشعر وتسمن وتزين البشره يعني مفيده جدا وهذا انا اللي سمعته بس ماجربتها

بصراحه في دكتوووره قالتلي انصحج فيها لانها مفيده لكل شي حتى الاظافر
D
شكرا حبيبتي الله يخليج لي انشالله صحيح انا سمعت عنها نفس الكلام وحابه اجربهااا هالشهر واشوف النتيجه.... مشكوره حبيبتي مره ثانيه


ناطره الباقي............

بانتظاركم
س
مفيده جدا جدا جدا والسبب انها تفتح الشهيه وتخليج تاكلين فلما تاكلين يروح الغذاء للجسم وهذا هو سبب نمو الجسم

فإذا انتي ضعيفه فعليج بها ممتازه بتكون لج

بس اذا انتي مليانه فما ينفع لأني جربتهم وزدت ثلاثه كيلو خلال اسبوعين فوقفتهم.

وفي النهايه

سفيرة فوق العاده
م
سفيرة قولي لي كيف كان برنامجك يعني كنتي تاكلين كثير ولا شوي مع الحبوب لاني شريتها ومركزة بعد بس ما ودي امتن ولا نص كيلو وكم حبة باليوم خذيتي وهل لاحظتي تغير ببشرتك وشعرك وشكرا مقدما
r
حبيبتي انا استخدمها حاليا أنا طولي 168 و وزني كان يتراوح بين 47 - 49 طول عمري يعني ما كان يتعدى 49 ابدا واستخدمت حبوب الخميره في شهر 6 و7 اللي راح وزاد وزني كيلوين والحين رجعت لها مره ثانيه و انا اخذها بعد الغدا والعشا على طول اخذ حبتين بعد كل وجبه
س
حبيبتى،،

حبوب الخميرة ممتازة للبشرة وانا عن نفسى مجربتها ولا زاد وزنى ابد غير انة بشرتى تبدلت الى الافضل والشحوب راح عنى كنت اخذ حبيتين فى الصباح 600 جرام وبس وعلى فكرة اذا تاخذينها بين الوجبات تزيد وزنك اما اذا اخذتيها زى ما عملت تساعد البشرة على النضارة ولا يزيد وزنك ابد هذا عن تجربتى ما ادرى انتى جسمك كيف يتقبلها،،
a
وانا بعد استخدمتها لمدة شهر اللي لاحظتة انه وقف اشوي من تساقط شعري واظافري استوت اقوى بس أنا شريتها ع اساس أمتن زدت ثلاث كيلو وااااايد استااانست وبعدين خلصت الحبوب من عندي ورديت نقصت مره ثانيه ثلاثة كيلو (( ولا كانك يابو زيد غزيييت )) :down:..


والله مشششششكله ابغي خدوووووود وأبغي أمتن وماني لاقيه حل وريلي معصب علي لاني رديت ضعيفه مثل قبل !!!:cry:


يمكن في نوع معين لحبوب الخميره نتايجها اوكي :think:... انا اللي كنت استعملها علبتها بيضا وفيها 120 حبه كنت ابلع بعد كل وجبه حبتين..... بليييييييز بنااااات اللي تعرف النوع الجيد من هالحبوب تخبرنا :cry:

بالانتظار
D
عاد انا باشتريهم من عند الصينيين مادري اذا حبوبهم زينه والا لا؟؟؟ بس شرايكم بالحبوب الصينيه مفيده والا خطره؟؟
و
amalolo
تعالي انا بعطييج شووويييه من وزززني وخدووودي ! الحمدالله والشكر انا اذا متنت ولا ضعفت هالخدوود اتم مكانها بارزه ههههه

:smile:
ا
خواتي اللي كلوااا الحبوب قولولنا اسماهم لانهم مختلفه لان اختي كلت نوع منهم مافدها


والحبوب الصينيه موزينه تطلع كرش
م
انا الحين ببدا استعملها بس الطبيب قالي بعد الوجبة تاكليهااا مرتين باليووووووووووووووووم
ي
قوة بنات .. انا ابي اشتري من حبوب الخميرة بس موعارفة اي نوع اخذ فممكن تفيدوني ..
واما عن الحبوب الصينية انا خذيت منها وبشهر زدت 10 كيلو بس كلش ماانصح احد ياخذ منها لانها تخرب الجسم وتطلع كرش وتسبب امراض انا الحمدالله ماصادني شي بس اعرف ناس صادهم التهابات في المسالك البولية وناس صاادتهم غدد واعرف ناس صادتهم الصدفية والله اني ماابالغ .. فانا وقفت عنها لاني خفت والحمدالله تلاحقت نفسي فخواتي كلش مانصحكم بها ..
X