أول يوم لك في المدرسة .......

إيـــــــــاد 03-09-2005 42 رد 6,055 مشاهدة
ش
اختي بنت الهلال
يعني انتم المدرسات بقطر باجر بداية
دوامكم ويانا يعني .....

يالله الله يكون بالعون ويجعله عام علينا
كلنا عام خير .....

والله يعينا على الكشخه باجر والسلام بتطيح اخدودنا هههههههههه
@
غريبة:think:
ما أتذكر
مع انه يوم مهم في حياه كل إنسان(r)


أنا بصراحة أستنى المدرسة تبدأ اليوم قبل بكره
على أحر من الجمر
أ

السلام عليكم ورحمة الله وبركاته
بسم الله الرحمن الرحيم

اخي الفاضل

أيـــــــــــاد

أولا اهنئ الطلبه والطالبات على السنه الدراسيه الجديده
كما اتمنا للجميع التوفيق

لقد عدت بنا الى الخلف سنون مرت وعبرت بنا في مساء الذكريات
عدت بنا الى طفوله وايام ليتها تعود لتعود تلك الضحكات المختلطه
بالخوف والفرح
بريق عيناي لزلت اذكره عندما صحوت به لأول يوم دراسي
نحمل الكثير من المواقف ولكن كنت جدا مدلله حتى ان هذا الدلال امتد
حتى السنه الاخيره من المرحله الثانويه
فكانت لي اخت اكبر مني فهي في الصف الثالث وانا في الصف الاول
فأذا اردت منها اي غرض افتح الباب واخرج دون استأذن ومدرستي كانت
حنونه جدا فاذا ارادت ان تصحح ذالك السلوك انفجر باكيه فعدت لي الشهور
الاولى ( بمزاجها ) حتى اعتدت على الاستأذان والخروج في الوقت المسموح
به

واذكر موقف اخر عند توزيع المقالم والكشاكيل كنت اخذ ضعف زميلاتي
فتسأل معلمتي لماذا كل هذه الاقلام والدفاتر اجيبها لي ولأختي
فترد ولكن قد وزعت معلمة اختك عليها فأرفض كالعاده اعطاءها
حتى تاتي اختي وتريني انها فعلا استلمت حصتها من الدفاتر والاقلام


شكرا على هذا الموضوع الرائع الذي اعادنا الى نقطه الطفوله المطلقه


تقبل تحياتي
إ
الجوري ... حكايتك رهيبة يا صاحبة العلم :) .... مرور كريم انار متصفحي .... لاعدمناك
إ
همسة ملاك ... مرور رائع يعطيك العافية ... وبلاش تنسي نفسك باللعب .... دمت سالمه
إ
بنت الليالي مرور كريم يعطيك العافية ... وبلاش بكاء وبلاش دموع هاذي وصية للأولاد مستقبلا ... لاعدمناك
إ
بنت الهلالي يعطيك العافية لمرورك الكريم ... والله ضحكتيني على فكرة حجز الكراسي ... كانزا عندنا الطلاب المشاغبين يحجزون الكراسي الأمامية بالعنوة وجبروت السلطة العضلية ... ويبيعونها على الطلاب المتفوقين الذين يطمحون للكراسي الأمامية ايشي ب 5 ريال وايشي ب 10 ريال ... يعتمد على موقع الكرسي هو على شارع أو شارعين ... او شارع تجاري ...:)

لاعدمناك بنت الهلالي
إ
أبوداحم مرور كريم أفخر به تاجا على رأس متصفحي ووساما على صدري ... لاعدمناك زعيما للإبداع عزيزي أبو داحم
إ
تحياتي تسريحة .... الله يعينك أجل على طول السنه :down:
إ
الله يعينكم شجونة الحلوة ... يالله بلاش دلع اجازتكم 60 يوم وأكثر ... خلاص اسرتكم وفرشكم ملت منكم ... السهر يطلب العتق ... والهيصة والزمبليطة تعبت منكم ... خلاص جاء وقت النظام ..... :) تراها مزجة مشرفتنا الرائعة شجونه :)

لاعدمناك
إ
برافوا علك يا مراوي ... يالله شدي حيلك
الله يعينك على شحططة المكتبات والقرطاسيات .... لاعدمناك
إ
تحياتي لك مشرفتنا الرائعة أوديت .. مرور رائع وحضور أرواع أشرقت به على متصفحي كليلة بدرية ظلماء ... عزيزتي اوديت أهمسك في اذنك وأقول ... يا بخت من صار القاضي خاله ... :) لاعدمناك
ا
مرحبا,,

اولا شكرا لك اخوي **( اياد)** على هذه الفكرة الحلوة ,,

بالنسبة الي انه اول يوم كان عندي بالمدرسة كنت واااااااااااااااااااااااااااااااايد فرحانه لاني بشوف معلماتي وبشوف زميلاتي اللي من زمان ماشفتهم وكنت مستانسة لاني بلبس ثيابي الجدد وكلشي راح البسة بيكون جديد رحت سلمت على معلمتي الغالية وحبيتها وانه مستحية وسلمتى على رفيجاتي اللي من زمان ماشفتهم اشتقلت لهم وللمدرسة واااااااااااااااااااااااااااااايد وشفت بعض الاشياء بالمدرسة تغيرت ...لونو الاسقف وعدلو الصفوف واحنا كل ما انروح صف يديد انجيب معانا ادوات تزيين ونقعد نزين صفنا ...و زيناه وطلع وااااااااااااااااااااايد حلو ...

حبي واحترامي اهديه لكم

الدلوعة 1
إ
تحيتي لك الدلوعه ... مرور كريم وحضور رائع ... فكرة تزين الفصول تستهوي كثير من الطالبات ... أتذكر لما حاولت تطبيق هذه الفكرة لما كنت في الثانوية واجهت هجوما شرسا من الطلاب وقالوا له بلاش بدع والا راح تندم ............................................ كانوا ناوين لي بالمقالب في الصف :)

لاعدمناك الدلوعة
إ
تحياتي لكم أعضاء المنتدى الرائع ... بصراحة لاتسعني الفرحة وأنا أرى ردودكم وتفاعلكم مع فكرة الموضوع ... مثل ما وعدتكم راح اقول لكم موقفي الذي لاينسى في أول يوم رحت فيه المدرسة ...

طبعا أنتقلت للمرحلة الإبتدائية متخرجا مع مرتبة الشرف من التمهيدي :) وكان في التمهيدي باص خاص يوصلنا مع مربية تشرف على نزولنا من الحافلة إلى أن نوصل غلى الصفوف ... أما في المدرسة من سوء الحظ كان والدي مشغول في ذاك اليوم فاضطريت أروح مع السواق :( ... نزلني السواق عند المدرسة إلا وأسوف في الجهة الخلفية منحلة صغيرة فيها نحل ... وأنا منذ من كنت طفلا تستهويني فكرة صيد النحل وأحطهم في قوارير زجاجية ... المهم تميت طول يومي هناك أصيد واحط في القوارير منثره هناك .. وايشي لدغه وبكي شوي لحالي زاعاود الكره .... انتهى الدوام وأنا على هالحال .... جاء السواق وانتظر ما حوله أحد ... جاء ابوي المدرسة وصاروا يدورون علي في كل مكان لقوني تيم تحت شجره وجهي متنفخ من لسعات النحل .... والله هذا يوم ما انساه طول عمري .... واذا اتذكره مدامع عيوني تنزف دمع ...

على فكرة ... فكرة اخوي وليد احمد أن المدير يكون بودي قارد طيبه ولكن مو كل الأحيان ... أنا في ابتدائي كان المدير خالي وكنت استعرض قدام أصحابي لكن لما كان يجي ويفتش على الأظافر والشعر الطويل ولقى كم واحد ما قصروا يقوم ويضرب الفصل كله ... وكل الناس يطقهم على مره إلا أنا مرتين ... أروح لأمي أصيح واقول لها شوفي حل مع أخوك ...

ذكريات جدا رائعة ...

لاعدمناكم
تحياتي لكم ...
أ
وااااااااااااو موضوع واايد حلو

اخوي اياد .. فعلا بدت المدارس عندنا من يوم السبت .. والله اكثر شي اكرهه نشة (قومة ) الصبح ... ااااااااااااااااخ اكره حيااتي يوم انش الصبح ... بس شو اسوي غصبن عني اروح المدرسة تدري انته بعد انه العلم نووور ..

بصراااحة ما اذكر اول يوم درااسي .. بس ما اتوقع اني صحت او بكيت لانه امي كانت تدرس معااي ههههههههه
يعني انا كنت في كيجي ون ( روضة اولى ) وامي كانت في مرحلة الثانويه خخخخخخخخخخخخخخخخخخخ ( كانت المدرسة فيها كل االمراحل )
وموصية كل المعلمات عليه .. اذكر انه دوامي كان يخلص قبل امي فاول ما اخلص اشل شنطتي واروح صف امي ... يمامي كانت ابلتهم عصبية واخاف منها ... ومرة صاارخت فويهي وقالتلي عن الدلع وروحي جلسي ورى انتظري امك اهيء اهيء والله هاليوم ما انساااه حتى كانت في اييدي عرووسة صغييرة (عاطتني اياها المعلمة هدية ) هههههههههههههه والله كان ونااسة

اما عااد في الصف الاول الابتدائي هييه نعم صحت وباعلى صووت بعد هههههههههه لانه امي ما بتكون معااي .... بس بعد كنت مطمنة لانه خالتي كانت وكييلة في المدرسة اللي انا فيها فكاانت تجي وتطمن عليه وتوديني عندها اجلس على مكتبها والحلاوة تجيني من كل صوووب ياااسلااااااااااااام

والله كانت ايام حلوووة ... من زماان كانت المدرسة لها طعم غيير مب مثل الحين

بقولكم كيف كان اول يوم دراسي لي في هالسنة

بصرااحة انا متعودة ما انام بدري .. فنمت متاخرة وبالتالي قمت من النوووم وانا بعدني نعساانه ... بس طبعا طاار النعااس يوم لبست مريوولي وكشخت بالجووتي (الحذااء ) كنت مستانسة عشان اول يوم
رحت المدرسة وشفت ربيعااتي ... واااااي عااد ونااسة بنفسووجة وربيعاتها .. ضحك ولعب ووناسه وبعد ما شبعت من الكلام والهذرة خخخخخخخخ رحت اشوف اسمي ويين >>>>بدري !!!
وبعدين رحت صفي .. ويتنا ابلة الاحياء وعادت علينا السنفونيه المعرووفة الي اسمعها كل سنة ( لائحة المخالفات ) ووزعت علينا اوراق تعهد ... بسم الله من اولها تعهداات خخخخخخخخخخخخ
طبعا من بدت الحصة الثانيه .. تعبت كنت واايد نعساانه .. خلاص مب قادرة افتح عيووني خخخخخخخخخ واللي عداالي تضحك عليه ..

ما صدقت خلص الدواااااام ورحت البيييت وعلى طوووول تغدييت وبعدين رقدت ... يا سلاااااااااااام وحشتني المخدة


هيه صح نسيت اقولكم شي ... اول ما دخلنا الصف لقينا كراتين الكتب في وجهنا ؟؟؟؟ كان بيغمى عليه اول ما شفت هالمنظر المؤلم

وثاني يووم .. بدينا درااسة ..

بسسسسسسسس

ادري
واايد طولت علييكم
السمووحة منكم
وشكرا اخ اياد خليتني افضفض واطلع اللي في خاطري ...

بنفسوجة
إ
تحية لك بنفسجية العين وبصراحة انت ماطولتي علينا أنتي اتحفتينا ... لاعدمناك
r
والله ذكرتنا بأيام حلوه أنا أول يوم مدرسي لي كان كأنه عرس قومتني أمي من الصبح وحممتني وكشختني يعني طلعت من البيت

وأنا ألمع من زود النظافه وراحت معاي أختي اللي أكبر مني وقعدت معاي وكنت أمشي وانا نافخه عمري عشان معاي بدي قارد

بس ثاني يوم الوضع تغير لأني رحت بروحي. لكن لما كبرت صرت افرح بأول يوم دراسي بس أما باقي الايام كنت أدز نفسي لكنها

كانت من أحلى الأيام
ع
مشكوووور اخوي اياد عالموضوع الممتع

رجعتنا لذكرياتنا القدييييمه

بالنسبه لي

انا دخلت المدرسه بدري يعني قبل عمري كان عمري وقتها 5 سنوات عاد امي راحت معي اول يوم
وكانت المديره تبي تسوي معي مقابله عشان تشوفتي اصلح ولا لأ
المهم قبلها امي مدرستني ومعلمتني زييين الحروف والارقام وكل شي يعني مستعده بالكااااامل
ويوم قعدت في الكرسي قداااام المديره وانا طبعا ارتجف وبموووت خوف نسيييييت كل شي
المديره تقولي قولي من الالف الى الياء وانا فكييييت فمي كأني اول مره اسمع فيهم
بعدييين قالتلي طيب عدي الى الخمسه وانا رااااااايحه فيها وامي تقول يابنتي تذكري هذي الي اول علمتك اياها....
وانا لا حيااااااة لمن تنادي

المهم في الاخير دخلوني بالواسطااات مادري مستعجلييين على ايش وازيدكم من الشعر بيت ابوي ذبح ذبييييحه
اول يوم دخلت فيه المدرسه يعني مستااانسييييييييين.....

بس الحين صراااحه استنى اول يوم بفارغ الصبر

مشتاقه لصديقاتي والمعلماتي وابي البس الاغراااض الجديده والشنطه والجزمه والحركااااااات

خخخخخخخخخخخخ

ومشكور اخوي مرره ثانيه رجعتنا للايام الحلوه
إ
Robena يعطيك العافيه ... لاعدمناك
حلو فكرة أنك قوي وخروا عنه ........................ :)
X