مـكــيــاج المــدرســة

ما اعتقد اني بأضيف شي أكثر على إلي قالوه خواتي.ببس نصيحتي لج انج لاحقه على الميك اب وخلي بشرتج ترتاح وانا نصيحه مني استخدمي كريم حمايه بسيط يناسب عمرك ومرطب شفايف إذا شفايفج جافه. وبس خلج طبيعية.

الســلام عــــليكم

يؤ يؤ يؤ .. فاونديشن مررره وحــــده .. صج اني اشوف بمدرستي .. لكن ابد ابد مب حلووو

وصج ترى مب حلوو بعد تكونين بهدلييي مثل مايقولون :pain:

عالجي الحبوب ومشاكل بشرتج واااايد ازيييييين .. :up: واذا انتي من البنات الزغرت اللي يحبون يتعدلون

حطي كحل خفيف وفاااااااتح وشوي اسود على منابت الرموش وشوي ماسكرا شفااافه ..

ومرطب + وواقي للشفايف من الشمس .. وبعد لبشرتج واقي >>> انا جيي اسوي . . ماحب ويهي يكون عادي

ولاتزعلين من كلام خواتج ترا كلهم يبون مصلحتج ..

الله اكبر

مكياج فالمدرسه

انا لو اشوف اختي حاطه قلوس ورايحه قصيت رقبتها

حدها الواقي من الشمس والمرطب

بس كحل

مااحط مكياج يوم كنت بالمدرسه

الله المستعان بنات وطالبات ومكياج :(

ليش طيب شلي حادج تخربين بشرتج من هالحين

مشكورين خواتي على الردود..

والله مازعلت منكم لانه كل اللي تقولونه لمصلحتي لااقل والا اكثر ..

اشكركم .. وماقصرتوا .. وانا المشكله صار طبع فيني اني احط بودره وكحل شسوي :((

ورحت عند طبيبب يعالج بشرتي لكن مافيه فايده؟ :(

ادعولي بنات عشان يروح الحبوب اللي في ويهي .. لانه مخربه علي بشرتي .. واحاول باي طريقة اني اخفيها :(

مرة ثانيه مشكوووووورين

وابي نصايحكم :)

اختي لازم تستمرين في العلاج هو ماراح يروح بين يوم وليله

لا العلاج يطول

واذا ما نفع معاج هالطبيب سالي عن احسن واحد في بلادج منو

وروحي له

وان شاء الله تصير بشترج صافيه وتستانسين عليها يا رب :)

مكياج بالمدرسة لحظة يمكن انا فاهمة غلط :eek2: أختي انتي تدرسين البنات
<< مصدومة

على ايامي ما نحط الا بالتهريب ماسكارا وكحال وجلوس بس يوم نطلع رحلة... وهذا بالباص بعد ما نطلع من المعسكر اقصد المدرسة :bigsmile:

نصيحتي لا تخربينها :think: بالنسبة للحبوب اذا حطيتي بودرة وكريم فوقها ومع الحر هالايام بتزييييد ويمكن يترك آثار ويبقع خليها تتنفس وعالجي وكريم شمس عشان يوم تروحين الكلية تكون بشرتج احلى

وعشان ما نضيقج حطي كحل وفازلين على الاقل عشان ما تنصادين وقوليلهم شفايفي جافات ومتشققات

الله يرحم ايامج يا اخصائيتنا (......) ويا وكيلتنا (......) :gum:

هههههههههههههههههههه
وشفيكم قمتوا على المسيكنة ؟؟
حرام عليكم ... :D2


عموماً حتى لو كانت طالبة .. البنت في كل الأعمار تحب تتعدل .. و بعدين احس ثانوي موب صغيرة مررة عادي اذا حطت خفيف ..
مدرستي ماكانت تعطي فرصة الوحدة لو كحل داخلي ... تخيلوا ؟؟ ولا المرطب و الله العظيم مرطب حتى بدون لون شوي ويذبحونها ...استغفر الله بس ..ناسين ان حنا بنات !!!!
المهم نقلت منها و ارتحت برضوة مدرستي الجديدة شوي شديدة بس مو مررة تدقق بالكحل و الغلوس ...

عن نفسي ... و مع بداية المدارس ^ـ^ ناوية احرص على الواقي .. و شريت غلوس شفاف رووعة و بنفس الوقت مغذي.. و مرطب حماية من الشمس ..لابليو .. و بعض الايام كحل داخلي مثل كل البنات ... و الايام المفتوحة و الحفلات احط غلوس ملون او كونسيلر و كحل ملون و بودة خفيفة .... طبعاً هذا في الايام المفتوحة

:cry:
و صدقوني طالبة الثانوي مو صغيرة ...


عموماً ... أختي elisaaaa
اهم شئ يكون خفيييف و اهتم اكثراً بالكريمات و الصن بلوك .. و مافي مانع غلوس شفاف و كحل بس ...


^ـ^ و السموحة حبيبتي طولت عليك ...

و على فكرة اللي معلمة في المتوسط ... ترى بنات المتوسط يحطون ميك اب ... اكثر من الثانوي...
هذا اللي اشوفه بمدرستي
:D2


احس بنات الثانوي عاقلين و الميك اب و الاكسسورات و التسريحات و الوان المرايل البدع هذا كلها تشوفينها عند المتوسط ...

حبيبتي .. حلاة هالسن .. الطبيعيه والنعومه .. احلا شي يوم تشوفين بنوته في سنج .. بشرتها صافيه من دون مكياج ومورده طبيعيه ,,, نصيحتي ؟

عالجي بشرتج .. وخلج طبيعيه من دون هالخرابيط .. والمكياج تراج لاحقه عليه

مكياج وانتي في المدرسه:eek2:

والله تطورتو ، حسره علينا حتى الأظافر ما تطول من كثر الحرص.

غريبه والله ، بصراحه وايد إستعجبت من الموضوع

أنا وأنا في الجامعه ما كنت احط الا نادراً جداً جداً جداً والحين وانا في الدوام يالله يالله كحل. حتى ما في كريم اساس وخرابيط.

الله يعين

وفي النهايه

سفيرة فوق العاده

خليييييييييييييج طبيعيه وحطي واقي وبس توج صغيره

عزيزتي لا تجنين على نفسج الحبوب ما يزودها الا المكياج وانت صغيره والافضل تروحين للطبيب وهو يوصف لج المناسب ابركلج من تلطيخ ويهج هو ناقص سوري ع الصراحه

عااااااااااااااااااااااادي عاااااااااااااادي خليكم ريلاكس اللحين قاموا يتفننون لنا بالمكياج والاكسسوارات والتسريحات وحتى الملابس

أنا كنت احط ميك اب ..... جحال وبلاشر
وكريم واقي من الشمس

والله دنيا ؟؟؟؟؟؟؟؟؟؟؟؟؟

البنات قامو يتمكيجون حق المدارس

والله طرطرة
هههههههههههههههه

مكياج حق المدرسه ؟

ليش ياقلبي حرام توج صغيره حافضي على بشرتج

ولا تحطين على الكيماويات و المكياج علشان اذا كبرتي بعد عمر طويل

لاتتحسفين

ربي يوفقج :)


تحيتي

لووول البنت حاطه الاستفسار من شهر 8 2005

ولين الحين في ردود عليها

شكلها تخرجت من المدرسة لووول

لا مكياج فالمدرسه لاتحطين توك صغيره على هالسوالف

عالجي حب الشباب روحي حق د.طارق سعيد او د.حرب او اي اي من هذيلن الدكاتره الشطر ويعالج لج ويهج