هل الطلاق هو الحل ؟؟؟؟؟؟؟

وعليكم السلام ورحمة الله وبركاته


أختي ahzaan

أتمنى إنك توصلين لحل لمشكلتك وبأقرب وقت.. ما أدري هل أنت صليتي إستخارة فيه ولا لا

وطبعاً ما نقدر نعاتبك على قبل ولا نقول لك ليش وما ليش لأن الموضوع خلاص صار

وأنت بوسط المشكلة..

لازم ندور حل للوضع إللي أنتِ فيه علشان ترتاحين.. مثل ما قلتي الحين أنتِ صليتي

إستخارة وتحسين أنك خلاص كرهتيه لكن سؤالي وأكيد أنت تعرفين هالشي

هل تحسين أنه قابل للتغيير؟؟ هل تحسين أنه ما يقدر يعيشين بدونك ولا الوضع عنده عادي؟؟


ودنا المشكلة تنحل من غير الطلاق علشان البنت ولكن أن تعسر هالشي فالطلاق أكيد هو الحل،

وهم هنا السؤال يطرح نفسه، إذا لا سمح الله حصل الطلاق هل تقدرين تتكفلين ببنتك؟؟

وهل عادي عندك تتطلقين وفيه بنت بحياتك؟؟


نجي الحين لبعض الأمور إللي يا ليت تسوينها بس علشان تثبتين لنفسك إنك الأفضل

وأنك أحسن بمليون مرة من كل هالبنات إللي يكلمهم.. ونبي يعرف إنه بيخسر إنسانة

مستحيل يحصل وحدة أفضل منها.. لازم تثقين بنفسك والثقة هاذي أكيد بتجي من ثقتك

بالله عز وجل.. قوي نفسك بهالفترة ولا تضعفين ولا تخلين هالبنات إللي يكلمهم يهزون

ثقتك بنفسك دايم تأكدي (أنت الأفضل) (أنت الأحسن)..

بالفترة هاذي زيدي إهتمامك بنفسك يعني ألبسي أروع ما عندك، لفي لفة على السوق

وأخذي أروع ما تشوفين وكل ما كان اللبس مغري أكثر كل ما كان أحسن..

خليك بالبيت متعدلة دايم وأهتمي في بنتك.. أما هو لا تعطينه أهمية قومي بس بالأدوار

إللي المفروض كل زوجة تسويها، طبخ ، غسل ، وجلي .. الخ.. لكن إهتمام لا

طلعي بلوك جديد خليه ينبهر وبنفس الوقت حسسيه أن (خسارة أنا مو لك وخل إللي تعرفهم

ينفعونك) وكل ما صار بينكم كلام أحرجيه بسوالفه إللي ما لها داعي..

وبيني له أنه مو هامك إللي يسويه لأنك متأكدة إنك الأفضل.. وخوفيه من الله سبحانه

وأحرجيه بهالشي ودايم وريه إنك تخافين من الله بس هو والبنات إللي وياه لا..

ووصلي له هالمعلومة (إن إذا ما لقيتي الخير بالدنيا ربي بإذن الله بيعوضك بالآخرة)

وإنه هو مو هامك ووجوده زي عدمه، لأن فيه رجال حبيبتي يحبون المذلة وإذا إنذلوا

هذيك الحزة يتسنعون.. وزوجك لازم ما تبينين له إهتمامك له وأنك تسألينه كلمت فلانة

ولا كلمت علانة.. فزيدي إهتمامك بنفسك حبيبتي علشان ينقهر وبالعربي (لا تعطينه وجه)..

هذا شي..



الشي الثاني حبيبتي، لا تنسين الدعاء وقيام الليل وصلاة الحاجة عزيزتي..

أدعي من الله أن يجمعكم على خير ويهدي زوجك أو إذا كان لابد فالطلاق أفضل لك..

وتقربي من الله حبيبتي فبيده سبحانه وتعالى الحل..


وأسأل الله أن ييسر أمرك ويهدي زوجك وأن تنحل مشكلتك على خير إن شاء الله

ودايم رددي: اللهم أجرني في مصيبتي وأخلف لي خيراً منها..



و السلام عليكم ورحمة الله وبركاته

ودي اكون نفس همس القلوب ......... بس الصراحه انا معاج بالطلاق .........ذيل ال******ب ما ينعدل ...............


تحياتي

مرحبا أختي نور ، كلامج صح

بس لازم الوحدة تفكر مليون مرة قبل ما تتطلق وخصوصا إذا وراها عيال

ولا ننسى أن المرأة تأجر إذا على الأقل حاولت أنها تصلح بينها وبينه

وتصلح حاله.. والمثل إللي قلتيه ممكن أن حنا نتفق عليه وممكن أنه لا

ليش؟ لأن إحنا ما نشك في قدرة الله عز وجل والله سبحانه وتعالى أعلم بعباده

والله عز وجل قادر يصلح حاله ويمكن هالـ(....) إللي قلتي عنه يصير أحسن

مني ومنا كلنا وهالشي مو بعيد على الله سبحانه وتعالى..

فدام الأخت عندها بنت، وهي كذا ولا كذا على ذمته ما فيه ضرر أنها تحاول تصلح

وتحاول تسوي طرق على الأقل تثبت لنفسها إنها الأفضل لآخر يوم..

وبعد ما تخلص كل المحاولات محد راح يلومها على الطلاق ..


الله ييسر أمورها إن شاء الله


ولج أطيب تحية

اهلين اختي همس القلوب .....

والله انا معاج في الكلام .... بس لأني اشوف حالات زي هذي المرأه تدفع الثمن غالي .. واحيانا يصبرون وينتج حمل ثاني وبدل البنت يصير عندها 3 وبعدين تقرر الطلاق .... انا معاج اختي خليها تحاول ... بس الاهم لا تحاول انها تحمل مره ثانيه إلين تتأكد ان الشخص هذا انصلح حاله ...... .. الله يهديه حق نفسه ان شاء الله

تحياتي

ما في رجال ما عنده ماضي بس المفروض بعد الزواج انه ينساه بس هذي زوجك شكله ما يقدر يتوب انتي تقدرين تغيرين منه لفتي دائما نظره تجاهك بالحركات اللي تعرفها كل زوجة ولا تخلين البنات اللي يعرفهم ينتصرون عليج ولو كان مرتاح في البيت صدقيني ما بيفكر يطالع برع حاولي تتكلمين معاه بهدوء وشوفي النقص من وين

الله يعينك على بلواك انا من رأيي انك تحاولي معه مرتين وثلاث على الاقل عشان البنت
مع اني ما اظن انه راح ينعدل يقولون هد جبل ولا تغير طبع بس ان شاء الله بيهديه

همس القلوب , نوور , نووير , همسة ملاك
من كل قلبي ادعيلكم بالجنه والله يوفقكم في حياتكم وتكونو سعداء وجزاكم الله الف خير لأنكم اعطيتوني رايكم
وما قصرتو معي , اكيد صلاة الاستخاره صليتها فيه وبصراحه احس انه ممكن يتغير يعني الخمر صار له مده ما شرب وصار يصلي واحس انه ممكن يتغير بأي شئ الا انه يحب النساء وانه ما يقدر
انه يكون صادق يعني على اشياء تافهه يكذب وكل مره يقول شي يعني ينسى اول كذبه
وانا عندي بنت وولد ومن فتره قصيره هو دايما يقول يبغى طفل جديد وابني عمره سنه وعشر شهور وانا اقوله لا لسه الولد صغير
وهو يقول كل سنه ابغى ولد عشان تحبيني اكثر لكن انا ما بغى منه عيال بالنسبه لي تكون حياتي افضل لو حصل الطلاق
واقدر اتكفل بعيالي واحس اهلي ما عندهم مشكله لو تطلقت لكن دايما يقولو لي اعطيه فرصه ثانيه وهو اصلا ما يحترم اهلي
وانا مو مقصره معاه بأي شي ابدا ابدا حتى لما نكون متزاعلين اقوم بواجباتي كلها بدون تقصير ومره سألته اذا يبغاني اسويله اكله معينه واحنا متهاوشين تدرون اش قال لي , قال انا مش محتاجك بأي شي لا تسوي نفسك كويسه ولا تحسبي اني ما اقدر اعيش بدونك وما بغى اكل من طبخك وغيرها اشياء ما اقدر اقولها وهو دايما على اشياء تافهه يهددني بالطلاق يعني احس اني ما اهمه
لكنه حس بقيمتي لما كنت مصره على الطلاق قال عشان هذه ....... تبغي تتطلقي انتي احسن منها بألف مره هذه ما بقي واحد الا و.....
ووصار يذم فيهاويقول انه يحبني انا وما يقدر يستغني عني وما يقدر يعيش من غيري وانه ما لااح يلاقي مثلي.. وهذا هو صار لنا اربعة ايام ما نكلم بعض بس يطلب اكل وشرب اكثر من كذا ما يقول شي وانا مو طايقه اكلمه لأنه راح يكذب ويعورلي راسي وهو دايما يجرحني بكلامه ودايما يمدح النساء امامي ويقول شوفي فلانه مثلا طويله وانتي قصيره وهذا شي خلقه الله يعني ما اقدر اغيره يعني اشياء تعجيزيه ومره صار موقف انا اعرف وحده
متزوجه وزوجي عرف انها تخون زوجها المهم قال هذه زوجها ما يهتم فيها عشان كذا تخونه وهي لسا صغيره ومحتاجه احد يهتم فيها وقال لي هي كم عمرها قلت له 28 قال والله لسه صغيره قلت له ايه هي اكبر مني بسنه قال انتي صرتي 27 !!! خلااااااااص كبرتي
ما كنت اعرف انك صرتي 27 ومن هذا الكلام قلت له يعني هي اكبر مني بسنه صغيره وانا الكبيره صار يضحك وقال بس انتي كبرتي
وكثير من هذا التجريح , وبالنسبه للنت بعد ما عجزت معاه بكل الاساليب انه يجلس معي ويخفف النت وما نفع معه شي, قلتله انا ما عندي ثقه فيك لما تستخدم النت واعطيته الاسباب اني لما ادخل عليه على طول يسكر الصفحه اللي كان موجود فيها وكمان لأنه دايما اصيده يكلم بنات , ولا اهتم كل اللي قاله لااا لازم يكون عندك ثقه فيني وقال لو شاكه بأي شي جيبي القران واحلف عليه عشان تصدقي وهو ياما حلف كذب ,
اعرف ثقلت عليكم وطولت عليكم واجد برجع عشان اشوف ردودكم
الله يجزيكم الجنه يارب

شوفي اذا عندج عيال الطلاق مابي كون حل 000والله المفروض ما اقول بس عسى انه كلامي فيه خير 000هذي بنت عمى نفس قصتج بالظبط زوجها لوتى وراعي بنات وانا بعيني شفته موبس حجي اسمعه وشفت صور له مع بنات وجذى اتخيلي وعنده اعيال طبعا شنو سوت بنت عمى طنشته وسوت نفسها ما تدرى عن سوالفه مع انه رفيجاته يدقون عليها بالبيت ولا كانها تدرى 000استمرت جذي من بدايه زواجها اتخيلي صبرها عروس وبشهر العسل ويطلع من غرفتها بنصاص الليال علشان يكلم رفيجته سكتت ولا عبرته وهي مقهورة بس مابينت شيء له سنه لين يابت بنتها الاولى وهو على حاله ويابت الثاني والثالث وهو على حاله وبعد مدة 6سنين صبر ومعاناه وقف عن كل شيء بروحه ويقول لاي واحد يساله انا عندي ام فلان بالدنيا والعيال الحين كل دنيته 000حاولي تسوين نفسها تتجنبين سؤاله او اثاره انتباهه واتعدلي واتكشخى دايم 000والله الله بدينج وبصلاتج ادعي ربي يسخرة لج 000وصراحه المشكله من ها البنات اللى ما تربوا الله يعين ج ويصبرج بس لا تطلبين الطلاق ياعمرى ويروح ياخذ وحده من الساقطات 00 وتخسرين انت وعيالج

السلام عليكم ورحمة الله وبركاته

طمنينا عليكي أختي ahzaaan...

إن شاء الله الأمور صارت أفضل الآن...

الله يفك حزنج ويسر لج امرج

حبيبتى همس القلوب

والله انا معاكى فى كل كلمه قولتيها

حسيسيه بالغيره عليج قوليله اتصدق انه في واحد شافني وكلم اهله يكلمون اهلي يخطبوني
اتصدق اليوم فلانه قالت لي صايره حلوه انتي شنو مسويه
ومن هالكلام

وانا مع الخوات ولو انها صعبه بس طنشي البنات ولا جنج تسمعين شي واذا قالج كلام جارح طول ماهو يتكلم انتي استغفري بقلبج ولا تسمعين كلامه واهتمي بنفسج حيل والله يساعدج انشالله فيما ابتلاج