يمكن المتزوجه بتحس بهمي

حبيبتي اول شي انصحج مهما يصير انتي لازم تحترمينهم

ولاتفكرين في يوم تغلطين عليهم بكلمة

شوفي عيوني انا اعتقد ان احسن حل هو انج تصارحين زوجج وتخبرينه بلين وطيبة انج تبين تحتفظين بخصوصياتكم

وانج متضايقة منهم مع انج تحبينهم وايد وتحترمينهم

وشوفي هو شبيوي؟؟ وان شاء الله خير

وانتي ادعي الله يفرجها عنج

اختج
#رومانسية#

اختي خذي بكلام اختنا رومانسية لانه مثل هذه الامور تصير في اكثريه البيوت ,,, فمحد يعلم امكن انتي احسن من غيرج بكثير
اصبري اختي واكثري من الاستغفار والله يفرج علينا وعليج ان شاء الله
وسلامي لكم:):)

مشكوره اختي رومانسية
تصدقين انا فكرت اكلم ريلي بس اقول بيني و بين نفسي حرام ترا هذي امه بعد
و انا ما ابي احطه في دوامة زوجتي و امي
ترا الرياييل مالهم خلق يا ابيض يا اسود

بس بحاول اثير معاه الموضوع بهدوء

و يزاج الله خير يالغالية

يا اختى انتى تقدرى اتحطى حد لتدخلاتهم يعنى لو سألوك على شى اتحسى فيه خاص حاولى انك ماتقعدى اتفصليلهم يعنى اجابات مختصرة جدا" وبطريقة مهدبة تبين انك ما تبيش اتقولى ومرة على مرة حايفهموا ها الشى وحاولى اتفهمى زوجك ايضا"
تمنياتى لك باالتوفيق

بشبشه

وااااام


شكرا على الردود


و تحياتي لكم

عادي الكل هيك

بس بالاخر حتستقري مع زوجك وتترحمي على هذيك الايام

شكرا

السلام عليكم وحمة الله وبركاته

مرحبا بك رائعتي عروووووس مسقط .. وااسعدنا انضمامكِ إلينا...
رائعتي الحياة الزوجية حياة رائعة ... واقدر لك خوفكِ الجميل على مشاعر زوجك
وحرصكِ على انجاح علاقته بأهله ...

مسألة الروحات والجيات كيف يتدخلون (( يقولون لكم لا تطلعون مثلاً ))
(( تغدوا مجبوس اليوم لا تتغذون برياني )) (( لا تصبغون الحجرة أحمر اصبغوها اخضر ))
ما فهمت عليك كثير ....

المهم ...

رائعتي امور ستنتهي ..بمرور السنون ..أو بالاحرى طبع ستعتادين عليه ...فالاهم
انهم يحترموكِ ويقدرونكِ حق تقدير وهذا يفرحني ...
رائعتي كوني طبيعية ... واستمعي لنصحهم ولقولهم بأنصات واجعلي لكل موقف
او حادثه حديث... هادئ ... طبيعي ...
فأنت في بيت مستقل ولله الحمد... وكثرت التساؤلات تكون لها اجابات سطحية وكلمه
ورد غطاها ...
رائعتي اعتبري تدخلهم في حياتك انت وابنهم حرصهم عليكم ولا تنظري للموضوع بهذه
الحساسية وحاولي ان تسيري حياتك دون جرح او شدخ علاقتكم العائلية ... خاصة وانا
اراكِ بعيده عنهم اي ان الضيقة منهم ستكون لفتره محدودة...
رائعتي كبار السن (( عمتك وعمك )) ناس قد تختلفين عنهم فكرياً ..عمرياً... ثقافياً ولكن
دعي هذا الاختلافات والفروق تذوب بتعاملكِ الطيب ... وتفاهمي مع زوجك على طريقة معينه
بحيث لا يجرح كلا الطرفين من الآخر ...

حاولي تسمعين منهم ولاتبينين إنك متضايقة من كلامهم وانت مو مجبورة تنفذين كل الي يطلبونه وبدون مايحسون عشان ماتصير مشاكل بينك
وبين زوجك والله يوفقك

حبيبتي
الموضوع مايخص بس المتزوجات يخص كل انسان لان الانسان بطبعه يحب الاستقلاليه
عموما الحل انك تتفاهمين ويا زوجك وتعلمينه بالي بخاطرك
وعمتك وبناتها اسمعي من هنا ومشي من هنا
بدون ماتكون فيه حزازيات

يمكن اكون اعاني قليلا من هاي المشكله بس الحمد لله انا زوجي يعر ف ان اهله يتدخلون هو حاس بهالشئ..
انا من ايام الي جوا يخطبون دوم اردد انا ما احب حد يتدخل فيني و اهلي ما يتدخلون بحيات اخوي و زوجته و اختي و زوجها..
وامه يوم تسأل امي من ورانا عن اشياء عنا مثلا السفر بالصيف امي دوم تقول ما ادري و ما احب اتدخل بينهم يوم يحبون يقولون انهم بيسافرون تراهم بيقولون.. هو الحين موجود بس على اخف من اول الزواج..

يوم يسألوني مثلا هالاسبوع بتروحين بيت اهلج اقولهم للحين ما اعرف .. يوم يقولون بتسافرين هالصيف اقول بعدنا ما نعرف على حسب الظروف .. المشكله يوم اقول حسب الظروف يقولون مثل شو الظروف!!!

تدخلهم يكون بعد ...مثل اتصلي بفلانه .. اتصلتي لها .. زوريها .. اسكت بس بعد فتره يسألون اتصلتي زرتيها .. انا هالمسأله فعلا احس انها تدخل يمكن هاي الوحده ما تتصل فيني ولا عمرها زارتني يوم تزوجت ولا يوم ولدت كيف اتصل لها .. و هذا الشئ ما احب افشيه لحد شئ بداخلي و اسلوبي بس هم احس يبوني اتعامل باسلوبهم ..

قلت لزوجي انا ما اقدر ازورهم بروحي تراهم من يشوفوني بروحي يتسألون و يوم هو معاي يضحكون و يسولفون ..

حتى مكالماتي معاهم ... يوم يبون يتدخلون بشئ يتصلون فيني و يسألون منو عندج بس يحسون انه معاي تكون المكالمه عاااديه و لو بروحي يبدأ التدخل .. اتصلتي بفلانه و زرتي فلانه ..

بس انا بصراحه اتذكر شئ اقول هم يحبوني و يبون اهلهم يحبوني و يفتخرون بزوجة ولدهم تزورهم..

اشكركم خواتي على المداخلات الحلوه
و فعلا سؤالي و همي من منطلق اني احترمهم و ما ابي اجرحهم
تعرفونا نحن يالحريم مرات اعصابنا تكون منتهية من امور ثانية مشاكل البيت و الحياة الزوجية
و اخاف في مره من هالمرات اطلع عن طوري

بس الله يعين
و اشكركم خواتي :)

عزيزتي العتب

نوع التدخلات ممكن تكون بالطريقه الي تقولين عنها
تعشو هنا لا تتعشون هناك
اعملو هذا على الغدا و هذا على العشا
لا تصبغون بيتكم
لا تتطلعون بره

و كذا

مع ذلك انا الحمد الله احترمهم و اقدرهم

الله يعني

و شكرا لك عزيزتي

يمكن هي من النوع الفضولي

سايريها بكلمهااااا

يعني رضا الزوج من رضا والديه

تحيه وبعد...
أنا أعاني من نفس المشكله... بس أهل زوجي يتدخلون باشياء ثانيه...
وزوجي معطيهم وجه....
الحين انا طالبه منه فيزا حقت شغاله يقولي نشوف أهلي وش يقولون... الحين انا ما ادري وش دخل اهله بالموضوع...
اقوله ابغى شغاله فلبينيه يقولي امي ما تحب الفلبينيات :)
بعدين خلاص طفشت قلت له سو الي يريحك

الله يعينج اختي بس انا اؤيد خواااتي قوليله انج تحبينهم وتقدرينهم وتحبين تاخذين رايهم بس مايفرضون عليج ارائهم وقولولج سوي وحطي قوليله اج انت وياه الحين قد المسئوليه وصرتوا لكم حياتكم الخاصه اللي مفروض محد يتدخل فيها الا اذا انتم بقيتم



bent^cute


بصراحه انتي الله يعينج مرتين انت زوجج ساكنه اهله شكو يشاورهم بالشغاااله لهدرجه وصلت مافيه شي اسمه اخذ قراراتي بنفسي
انصحج انج تحاولين تقولين له باسلوب لبق انه مفروض يكون له شخصيه تتحكم بذاتها وقرارات هو يصدرها محد يتدخل في اتخاذها قوليله انت تبي تصير ابووو يعني شلون كل مابغينا نسوي شي للاولاد نروح نستشير اهلك....
بصراحه لوانا زوجي جذي مااقعد اغيره اغيره

ههههههههههه

انا زوجي كان يشاور اهله بكل شي يعني معطنهم ويه لكني بينت له كم مره اني اتضيج من هذا الشي يعني سالفة الشغاله صارت لي نفس الشي وقتله انا وين رحت رايي ماله لزمه زانا اضحك طبعاا بس الحين فهمني فديته ويوم يسالونا وين سرتو يقولهم نخلص كم شغله يعني ريلي اتعود ويقولي هذيل كبار سمعي ومب لازم تسوين بس سمعيهم مافيها شي وانا ابا ارضيهم دام ريلي مريحني بس المهم اتعودينه وتبينين له انج متضيجه

والحين بديت اعود اهل ريلي يعني يوم يسالوني اجاوب اجوبه مختصره بدون تفصيل واحسهم مايسالوني لاني ما اسير الا ويا ريلي لانهم يضحكون ويسولفون وااااااااااااااااايد ومايحصلون مني الاجوبه الي يبوونها

وسلامتج

شوفي حبيبتي عروس مسقط
انا حاسه فيج يعني انتي بروحج عاقله وتدرين انه هالاشياء من سفايف الامور عيل ليش تعورين راسج؟؟
انا هل ريلي نفسج طيبين مررررررره لكن في منهم اللي يتدخلون بشكل فظييييييييع بس انا اتذكر انهم طيبين ولا اعصب ولا شي لانه ما بتحصلين الانسان كامل ولا انتي كامله معاهم والكمال لله

لا تحرقين اعصابج وطنشي لانه في وايد اشياء اهم انه نحن نحرق اعصابنا عليها نفس اخوانا اللي في العراق وفلسطين ومحد سوالهم شي

شكرا خواتي على الردود

الله يعين و إنشاء الله بصبر و الله يكتب الي فيه الخير بس ادعولي اني ما انفجر في يوم من الأيام :)

بنت كيوت

الله يعينج عزيزتي انا ريلي ما يجاري اهله و انا بختنق بس تعرفين لا تعصبين على ريلج في هالسوالف
سايري و في النهاية بحس فيج انشاء الله


تحياتي لكم

انا شايفه انك متتحرجيش خالص وقوللى لزوجك الاول بطريقه حلوه كده ياريت اهلك ميتدخلوش فى حياتنا

لو موافقش يبقى انتى اول ما تلاقى موقف هما تدخلوا فيه تقوليلهم من غير اى زعل وانا لو مكانك هعمل كده

انتى من الاول كده اللى لازم تتكلمى علشان ميتعودوش على كده

وربنا يوفقك ويسعدك يارب