عندي لكم طريقه حلوه للي تبى عيونها مافي احلا منها طريقه مضمونه وانا بنفسي جربتها ولا فيه احسن منها الكل يسألني اي حجل تستخدمي شوه نوعه واي ماركه
والجحال هو اثمد الكل يعرفه وفيه منه الاسود الفاحم والرصاصي عن نفسي استخدم الاسود لانه يرسم العين من داخل رسم
والطريقه سهله وهو انج بعد ما تغسلين ويهج بالماي لا تغسلينه بالصابون اول شي خلي الصابون لبعدين تكون العين رطبه بالماي وتجحلين عينج بالاثمد وبعدها تغسلين ويهج بالماء وياه الصابون لانه اي جحال زايد بينزل من العين
وبعدين بقطنه تمسحين حول العين علشان ترتبين الجحال وبصراحه يتم عندي لثاني يوم ولا احتاج اني انظف تحت عيني غير مره علشان ارتبها لايسيل ولا يخرب الشكل واتمنى اني فدتكم
وهذي صورت الجحال اليوم شريته وبتحصلينه متوفر في كل مكان بس لاحظا انه لون الفانوس اصفر وعليه لون اسود معناة هذا انه الجحل لونه اسود وفيه نفسه بس لون احمر هذا معناته انه لون الجحل رصاصي
