بنتي تنضرب جدامي ...

الله يسامحج على برود اعصابج لا وقاعدة وصابرة و بنتج تنضرب والله انا لو مكانج باكل الولد وأمه فوقه، انا بنت خالي عندها عيال الله يحفظهم ، لكن انا صايرة مثل امهم اخاف عليهم من الهوا اللي طاير ،اخاف عليهم حتى اكثر من أمهم اللي ولدتهم و ما ارضى ان امهم تضربهم جدامي ولا من وراي، واذا صار وضربتهم بدون سبب اقوم عليها واكلها اكل.

لكن هاي بنتج انتي حشاشة يوفج عمرج كله، وحضرتج قاعدة تتطمشين عليها وهي تنضرب؟!:eek2:

اختي الحبيبة لا تسكتين له هاذا كبير مو صغير انا اخووي يوم كان عمره تقريبا 3 سنوات كان ولد عمتيكله يضربه وقمت وزبرت على ولد عمتي وضربته قدام أمه لان كل يضربه مسكين يروح اهو اليه يلعب معاه وهو يضربه اصدقين عمتي بعد جدي ما تقول له شي هاذاك اليوم فريت فيهم وحتى اخوي الحين ما يرضى يلعب وياه من كثر ضربه لو يموت بعد هههههههههههههههه

اختي فطامي الموضوع عادي ويصير بكل بيت وانت انشاء الله تقدري تحلينه بدون مشاكل علشان خاطر زوجج حاولي تكلمي الولد بلطف وتفهميه انها اخته وانها تحبه وتلعب معاه وانت معاها مثل تمسك ايدينه وتخلينه يعرف يضحكها مثلا بطريقه حلوه مثلا يغمض عيونه ويفتحها فجاه مع صوت خفيف واهو راح يحبها ولا تنسي انه في اطفال تغار من البيبيات الصغار حتى لو عمره 5 او حتى 10 وحاولي اذا زرتي عندهم تاخذيله هديه بسيطه وتخلين بنتج تمسكها وقوليله هذا الهديه جابتها لك لانه شطور واتحبها وصدقيني بينحل الموضوع بدون مشاكل ولا خرابيط

يا أختي العزيزة

بنتك بعدها صغيره خليها جنبك على طول ولا تخليها اتغيب عن عينك لحظة ولو اظطريتي خلي حد جنبها كبير يراقبها.
طيحة الراس لليهال تراها مو زينه انتبهي.
وبعديني هذيلا اطفال سواء بنتك أو ولد أخو زوجك كلهم يحتاج لهم مراقبة ولما بتشوفيه يقرب جنب بنتك يبي يطيحها او يظربها على طول شيلي بنتك وقولي له عيب بابا هذي صغيرة بعدها ما تعرف. ولا في داعي لتلقيح كلام ولا غيرة لأنه صدقيني الموضوع ما يسوى أنه الوحده أتلقح كلام تجلس أتلوم نفسها بعده أو انه حد يزعل منك. بكرة يكبرو الأولاد بتحصليهم ساعة يلعبو مع بعض وساعة زعلانين وساعة يردو لبعض لكن حرقة الأعصاب لنا أحنا كأمهات.

مرموم:

السلام عليكم ورحمة الله وبركاته

و الله لو أنـــا مكانك...!

كنت قمت أكلت الولد أكل...

و قلت لأمه تيجي تشيل إبنها عن بنتي و إلا أنا راح أضربه بنفسي...

في أمهات تكتفي بس تقول لإبنها : بس يا حبيبي...

بس هذه ما تنفع...

تتركي ولد عنده 5 سنين على بنتك اللي عندها 10 شهور !

طيب و لو وقعت و صار لها شيء لا سمح الله...مين راح ينفعك ساعتها ؟

الله يهديكي أختي...

:up: :up: :up: :up: :up: :up: :up:

فكرة آخذ له هديه هاي حلوه .. بجربها معاه...

شكر و تحيات لكل الردود

شوفي حبيبتي الولد بعده صغيير .. والي يقولج مب صغير غلطان ..

ولازم تقوليلة بشويش .. قوليله اذا طيحتها بنييب الشرطة .. ولا لهيي بلعبة بنتج ولودلد ينشغلون فيها مثلا الكورة قوليلة دز الكورة صوبها خليها هي بعد ادز الكورة صوبك ..

ولا تركيب الالعاب ..

انتي يوم بتسيرين بيتهم اشتري لعبى وخلي بنتج تعطية .. قوليلة شوف فلانه اتحبك يالله العب معاها

ألف شكر لكم خواتي ..

بصراحة انا انحطيت بهادا الموقف وعادي حكيت مع الود قدام امه مشان تدير بالها عليه وبعدين صرت اخلي ابني جنبي ... وازا الولد قليل ادب حتى الكلام ما رح ينفع معه احكيه لامه وازا ما عملت شي اضربيه انتي ...حرام بنتك زغيرة

يا أختي الموقف الي تمر فية بنتج نفس الموقف الي مرت فيه بنتي.....تعرفين شو كنت أسوي؟؟؟
كنت أعصب واهد على الي ضربها لان هذي ياهل ما تعرف.....و أحاول أعلمها ان ما تخلي أحد يضربها أو ياخذ ألعابهات....
لا تستحين وتمين ساكته علشان حرمة أخوج...

الله يعطيج العافية

مشكورين على تفاعلكم

تمام عليك جنة العشاق انا معك كلامك موزون


وأنا دائما انحط بنفس الموقف ينظربون عيالي قدامي ,,,,,,,,, بس ما اسكت ,,,,,,,,,, ابين للام أني زعلت بدون كلام

على قول المثل <الصمت ابلغ من الكلام >

وماخذ عيالي معي لفترة حتى تحس الأم وعيالها ,,,,,,,, واذا سالوني عنهم أقول علشان تطقون عيالي ماجيبهم عندكم لاقيتهم

بشارع اناااااااااااااااااااااا:D2

ما شاء الله البنات ما قصروا، كفوا ووفوا في الإرشاد، نصيحتي أنك اتسوين لبنتك قدر قدام الناس، لأنك لوما سويتي إنتي لها قدر محد راح يسوي لها قدر ولا يحترمها، و لو سكتي بيقولون هذي عادي ما تقول شيء لما بنتها تنضرب ولا تهتم فيها، وبكذا بتعطين غيرك الفرصة أنه يهين بنتك لأنه عارف أنها ما لها قدر.

أنا ما قريت ردود البنات .. بس أدري انهم ما قصروا

بس اقولج اذا بنتج ما دافعتي عنها و هي صغيرة .. وانتي الأمان و الحنان لها

كيف يوم بتكبر .. الام و الاب سند العيال .. بس وين السند اذا انتي جيه ... كيف بتعلمينها الاعتماد على النفس و قوة الشخصية اذا انتي باردة و كل شي عادي عندج جدام الناس

الله يهديج بس

الغالية اقري هالدعاء وردديه دايما

اللهم اكفهم بما شئت