موضوع جد وابي النصيحة000ارجوكم

طبعا حبيبتي لازم اتقولين له
هالشي ما ينخش
ومايباله سؤال حتى
الله يوفقج

مرحبا يا عمري لازم خطيبك يعرف عنك كل شىء كان جد بحياتك ....بعدين لو عرف من غيرك بقللك ليه خفيتي علي شو صاير بعدين ما بصدقك بيفتكر في شىء كبير وما بدك تقوليلي .....يعني من هالحكي

اختي لابد ان تقولي له
حتى لا يتفاجأ وقت الخطبة او الملكة ويسأل المأذون
ويقولون منفصله فيتفاجأ الجميع
فخليكم صريحين من البداية


دمتم سالمين
اختكم شريفة

السلام عليكم اختي

من رأيي انج تقولين له لانه من حقه انه يعرف وبعدين ما فيها شي معناته ان الناس شاريتج من زمان بس ما صار نصيب :cool2:

اتمنى لج حياه سعيده ان شاء الله وذريه صالحه

ويرزق كل البنات ويستر عليهم

وفي النهاية

سفيرة فوق العاده

اتوكلي على الله و قوليله

عزيزتي أنا من رأي البنات، لازم تقولين له..
وبعدين إنت ما سويت شي عيب ولا حرام عشان تخبي عنه...
هو لو كان خاطب قبلك وما قال لك ما بتزعلين، يعني حطي نفسك بمكانه....
الله يسعدك ويهنيك ويكتب لك الخير وين ما كان يـــــــــارب....

انا اللي اعرفه ان البنت المالجة اذا تطلقت قبل الدخول

يكتبون لها في ورقة الطلاق على ما اعتقد انه كان عقد زواج من غير نكاح يعني بتكون السالفة معروفة وما تنخش

والله اعلم

هيه بس لو ما تبي توري حد هالورقه محد بيعرف..

اكيد الغاليه ..خبريه شو فيها ...والمفروض اهله يسالون عنج ...بيعرفون ...شو فيها هذا نصيب ....