اكتئاب مع بعد الولادة ...... حدثينا عن تجربتك

ريم81 28-08-2005 34 رد 1,738 مشاهدة
a
موضوعج حلو ريم..والله يبعد عنا كلنا الاكتئاب....

ممكن اي وحده من الاخوات تحاول تفضفض في هالموضوع و تشاركنا تجربتها و تشوف تجارب البنات عشان تتحسن حالتها باذن الله تعالى :)
ن
الحمدلله بالنسبه لي وبعد ولادة بنتي ماحسيت بأي إكتئاب

يمكن تضايقت اشوي عشان تغير شكل صدري من الرضاعه وتشقق بشكل شنيييييييييع بالاضافه الى الكرش اللي بعد الولاده

لكن توصل لدرجة الأكتئاب لا

ماعليج من هالسوالف انتي بس لاتحطين في بالج هالشي وماراح تحسين فيه
s
كله بيعدي وهتنسوه انا جلي اكتئاب فظيع بعد ولاده بنتي زينب واى حد يقولي مالك كنت بافتح في البكاء لدرجه اخويا مره كان بيكلمني عادي فبدات ابكي بدون سبب حتى انه اتفزع
والحمد لله زينب عندها دلوقتي 4 سنين وعندي محمد سنه ولم ياتيني الاكتاءب بعد ولادته لكن عندي اكتئاب من غلاستهم هاهاها
وعلى فكره ده لخبطه هرمونات و في نساء لا ياتيها وكله بيعدي
ر
انجل ايز

تسلمين اختي و ان شاء الله نسمع انج ربيتي و ما صادج اكتئاب

نورة

الحمد لله انها عدت على خير و تطمني اعنقد التغيرات إللي تصير بعد الولادة كلها تخف بعدين

أختي سمسوم أو أسماء

أهلا و سهلا بيكي معانا و نور الموضوع

الحمد الله انها عدت في حالتك على خير
ي
والله آنا حاشني اكتئاب...ما اقول الله لا يعيدها ايام.....ابكي الليل والنهار....من شنو ما ادري....كنت احس ان الياهل مشؤولية وراح تتغير حياتي وافكار عجيبة غريبة.....وكل ما اشوف زوجي ابكي بكي مو طبيعي....بس فعلا كان شي جديد علي....اسمع عنة بس والله ما توقعتة جذي...لحد ما جابولي ماي زمزم وفعلا من بديت اشربة تغيرت شوي شوي ...ما اقولج تحسنت مرة وحدة...بالتدريج والحين الحمد للة ايام وعدت....لو بقولج انة النساة والولادة اسهل منة....بتصدقيني...؟
ر
اصدقج ليش لا

اعتقد اختي ناعم العوةد هاللامور نسبية

بس في حالتج الهرمونات لعبت فيج لعب

لهالسبب الاكتئاب تعبج اكثر من الولادة

الحمد انها عدت على خير

و الله نصيحة حلوة - ماء زمزم لما شرب له و اكيد له خاصية شفائية ان شاء بحطها في بالي

مشكورة الغالية
ر
للرفع
م
انا عاد غير .. وصل الموضوع لدرجه اني مب قادره استحمل .. بعد الولادة على طول بديت امرض .. وصرت مب طايقه بنتي .. مع هذا لما اشوفها تصيح و تبغي ترضع اقوم و ارضعها .. و كل ما قلا لنفسي خلاص بحاول اني اغير من نفسي امرض زياده و تصير نفسيتي اسوء و اسوء ..
لدرجه ان اخوي مرة قال خلوها تنام و شلو عنها البنت ولا حد يزعجها .. بس اول ما سمعت صوت بنتي قمت لها ..
و وصلت لدرجه اني قلت لامي خليه يطلقني وياخذ بنته انا ما ابغي شي منهم .. فكوني بس تعبت و كنت ادعي على عمري وايد

لين امي المسكينه راحت عند حرمه ويابت ماي مقراي فيه ... و خلتني اشرب بدون ما تخبرني .. تصدقين شوي ارتحت ...
بس المسكين لما زوجي يا يزورني .. كنت مب طايقتنه ...وودي يروح ويخليني عند اهلي و كل ما يقولي ارجعي اقوله لا ما اقدر انا بعدني تعبانه اصبر ...

لين مرة قالي انتي تتعمدين ما ترجعين ... و لما رجعت معاه خذت اسبوع كامل لين ما تأقلمت معاه و مع بيت اهله مع اني ساكنه عندهم بالاساس ...
د
انا صادني اكتئاب مب طبيعي في بنتي ...اول ما ولدت جاني الاكتئاب من المستشفى تخيلي انتي مشاركتج وحده في الغرفه شايفه نفسها ومضيقه علينا الغرفة ...والله العظيم اني اضربت عن الاكل وما كنت اكل الا شويات ...المهم انه بعد ما طلعت من المستشفى كنت ابكي اربع وعشرين ساعه ..وكنت كله احس ان حياتي خلاص تغيرت واني صرت مسؤولة عن روح وانا ماعرف شلون ماقصر في مسؤوليتي

وبس وبعدها بشهر رجعت نفسيتي احسن من قبل ...بس اهلي كاناو يعانون مني ..كنت كله اتهاوش معاهم واصيح طبعا خواتي كانوا فاهمين اني في حاله اكتئاب ...فكانوا صابرين ومصبرين امي ...وبس
ر
مشكورة خواتي جامي و دفء الجليد


الحمد لله على سلامتكم

في انتظار خبرات الأمهات الجدد
ه
انا الحمد الله ما حاشي اكتئاب وان شاء الله الله يسهلي ولادتي الثانيه وما يصير فيني شئ واعتقد لاني ما خذيت اجازه الا اسبوعين من الدوام وعقبها انشغلت مع الدراسه اما القعده في البيت اربعين يوم اهي الي تسبب اكتئاب من يقدر يقعد هالمده الطويله في البيت اموت احسن لي
m
أول ما أربي بخبركن
بس ادعولي انه ما يجيسني اكتئاب
أنا روحي عصبيه
و دوم كارهه نفسي
فألله يستر
س
انا يجيلي بس اتخل انه السبب لان اهتمام زوجي واهلي وصديقاتي فيني يكون زايد مليون مره وانا حامل وبعد الولاده يقل 0000يمكن
وكمان شخص جديد في البيت تحت مسؤوليتك انتي
وسهر النفاس واول تعارفك مع البيبي على ما اظن
و
يعني هل صادج الاكتئاب أو لا ؟

ايه صادني حتى ما اطيق اذكر اول ايامي والسبب يمكن كان من العمليه القيصريه واول ولاده لي


كيف تجاوزتية ؟ زوجي وقف وياي وقفه ما راح انساها له طول حياتي وساعدني وهو اللي كان يصبرني

هل طول معاج ولا قعدله يومين ؟ ابصراحه اكذب عليج لو قلت ما طول لأنه صار عندي شهرين كاملين ولما خفت العمليه اشوي صار يروح اشوي اشوي والحين الحمد لله صار من الذكرى

كيف ساعدج زوجج أو الأهل حواليج ؟؟
يعني كانوا يخففون عني ويسلوني ويساعدوني حتى بشغل البيت لما رجعت لبيتي

و الأهم شو هي كانت مشاعركم و أحاسيسكم ، دائما أقرا انه أكتئاب بسبب التغيرات

تغيرات شو ؟ و شو هي الأفكار إللي كانت تراودكم ؟؟

اما مشاعري كان ودي اصيح على اتفه الأسباب .. ومالي خلق احد

اما التغيرات ما ادري لأني ما كنت شايه هم التغيرات بس كنت تعبانه نفسيا من العمليه ومن اشياء ثانيه



اما الأفكار ... مادري والله بس أحس بضيقه من كل شي يعني في وقت ولادتي تراودني كل الأفكار الشينه اللي عرفتها بحياتي

و إللي عندها اي نصيحة لا تبخل فيها علينا


والله اهم شي الراحة النفسيه وهذا بس نصيحتي
ع
عاد انا ولا وحده شافت اللي شفته ولادتي كانت صعبه جدا بس الولاده طبيعيه طبعا صدمه قويه لي ما توقعت الولاده بهذا الشكل ما نمت 10 ايام بعدين صارت لي حاله غريبه اريد انام ما اقدر قمت اخربط بالكلام وايد واتخيل اشياء وامي وزوجي ما خلو مطوع ما قرا علي ماشي فايده اخر شي رحت عند دكتةر نفسي عطاني حبه زادت الخبال اكثر واكثر رحت المستشفى طبعا مستشفى راشد ما قصرت الدكتوره مريم اول شي عطني حبه تنوم نمت يمكن يومين ما نشيت قالت لهلي حرام ....البنت تعبانه وتحتاج رقااااد تعوض عن الايام اللي ما نامت فيها بعد يومين نشيت استوعبت الموضوع قالت لي اني صار لج اكتئاب وعلشان تطلعين لازم تفكرين في البيبي وفي نفسج وشرحت لي كل شي الله يحفظها وطلعت من المستشفى بس لانه كان صعب اني انام فكنت اخذ حبوب الاكتئاب والنوم لمده 5 شهووووور مسكين ولدي ما رضعته ومن تستوي الساعه 8 اعطيه الخدامه واخذ الدواء الله لا يعود ها الايام الحين انا حامل وخايفه يتكرر الموضوع ... ادعولي انه الله يسهل علي ها المره
X