تعددت المناسبات واحنا كلنا انعرف ان الرييايل هداياهم محدودة ...عطر او قلم او اكسسوارات رجالية
اليوم بنتعلم نسوي ملف رومانسي جداً للزوج العزيز او خطيبج وصدقوني كل ماتكون هديتج طالعة من قلبج ومسويتها بيدج بتدخل قلبه اكثر واسرع
الادوات المطلوبة:
ملف1
2خرامة:) للاوراق
3اوراااق ملونه "اذا تحبين"
4قلوب لصاقات او تزين
5جلاااااد
6صورج وصوره وصوركم مع بعض
7مجموعة ابيات شعرية
8صندوق
طريقة العمل:
اهم شي في الشغل الترتيب فنظمي المكان وجيبي كل شي قبل العمل اوكه!!!؟1-
الملف وتزينه
بسم الله:
اول شي الملف
انا انصحكم بالنوع اللي باليسار عشان يسهل علينا عملية التجليد
الحيـــن التجليد
فكرة رقم 1-بالنسبة لي انا اخترت الالمنيوم "القصدير" وقبل كل شي لازم يكون من نوع جيد
اول شي تكفسينه بس حاسبي لاتشقينه وبعدين تردينه على حالة وبيطلع لج شكل وايد حلو وراقي
وبعدين تجيبين قلوب ممكن يكونون لصاقات او قلوب تزين وتحطينه على الالمنيوم..
فكرة رقم 2- اذا انتي مستصعبة فكرة الالمنيوم ممكن تجيبين جلاد ابيض وتزينينه بالقلوب او الورد
فكرة رقم 3 -هذي فكرة رومانسية ... ممكن تجلدينها بجلاد ذهبي وتحطين بطرف الجلاد ملاحظة :انت عندي اغلى من الذهب وكنوز الارض كلها .
وبالنهاية الناس اذواق وممكن تختارون الوان مختلفة غير الاحمر والابيض والرمادي والذهبي
وهذي بعض الامثلة
الخطوة الثــــانية:
مقدمة الملف
هني بتكتبين اهداء مثل البطاقة
:
الى حبيبي وزوجي الغالي .."الاسم"...
اقدم بين يديك هذه الهدية
التي أعبر من خلالها عن مدى شكري لك
و لكل دقيقة امظيتها معي
وكل كلمة حب نطقتها من لسانك لي
ولانك اخترتني زوجتك
زوجتك المخلصة "الاسم"
طبعا كا وحدة بتكتب اللي بقلبها هي لانها بتكون لها معنى اكبر
يتبــــــع.....
