تعبت من الرضاعة الطبيعية

هلا دلوعة

والله انتو في نعمة يوم بنتج ترضع منج طبيعي ما شاء الله

انا حليبي شوية ولا يشبعها حتى ساعات ترضع هواء مافيني حليب واظطر اسويلها حليب صناعي

الله يخليها لج وبارك فيها

حلوة المحيا ... حالي من حالج ..

حليلة كل ما يرضع احس انه ما يطلع شي .. فقير يمص ويمص واخر شي ينام.. مادري يمكن يتحراها مصاصة ..

بس بنت خالتي تقولي هو يشرب بس انتي ما تحسين ..

مرحبا اختي دلوعه

كنت داشه اكتب مشكلتي بس قلت خلني اشوف الموضوعات يمكن احصل شي يفيدني لقيت مشكلتي مكتوبه واللي هي مشكلتج تمام الفرق ان بنتي عمرها سنه وشهرين
ودي اكمل رضاعتها بس مثل ماقلتي تعبت وصدري يعورني فوق هذا كله اتم طول الليل تقريبا ترضع ..
وانا وياج اتريا حلول الخوات ابي اعرف كيف افطمها من غير ما اتعب انا او هي
ارجووووووووووووكن ياالمجربات ساعدونا الله يوفقكن ..


تحياتي

الله يحفظ الكن عيالكن انشاء الله ما دام يا امهات مافيكن حليب ليش امتعبات انفسكن وامجوعات البيبي الفطام احسن حل


اذا ما طاع يشرب بالمرضعه بالكاس واذا ماطاع بالابرة اللي يعطيها لكم الدكتور وقت ما يكون الطفل مريض وافضل ابرة ام 10


مل انا تعبت في البدايه مع ولدي بس الحين الحمدلله يرضع من المرضعه


وعقبالكن

بس كيف اعرف اذا الحليب يطلع ولالا..؟؟

وكيف اعرف اذا شبع ولالا؟؟

يالله والله احيانا عقب ما ارضعه ويرقد اقعد احاتي يمكن ما طلع شي والفقير نام وهو يوعان .. بس من ينش يرجع .. :think: معادلة صعبة

بجعة بتسمعينه يوم يبلع ترا فيه حليب واذا ما فيه ترا بتشوفينه يحرج وينكمش اذا ما فيه حليب

بنتي اتسويلي هالحركات لو مافي حليب اتحرج وتنكمش ووتتحرك فديتها والله

بسم الله

اخواتي الامهات .لا تقلقون ولا شي الحليب موجود عند كل ام .وهذا رزق من ربي للطفل وياخذة من خلال امه ..والام الي تقول ما فيها حليب غلطانه ..هو يبيله صبر واصرار على الرضاعه الطبيعيه ...انا عندي خمس اطفال ..والحمد الله كلهم رضعتهم طبيعي ....واخر واحد رضعته حتى صار عمرة ثلاث سنوات ......

شوفو حبيباتي .مهب شرط ان الطفل يرضع بالرضاع اي نوع من السوائل .استخدمي المصاص مع الكوب وحطي العصير او اي شي سائل له .افضل من الرضاعه لانها تسبب امراض كثيرة وبعد الطفل يتعلق فيها وصعب تفطمينه عنها.وهذا الكلام من تجربتي ....... والطفل وهو عمرة ست شهور قادر على استخدام المصاص مع الكوب .انا كنت اخذ المصاص من علب العصير واصب للطفل عصير طبيعي بالكوب العادي وامسك الكوب بيد والمصاص بيد ثانيه وشوي شوي يتعلم عليه وبسرعه هذا ما يحضرني الان .واي سؤال انا جاهزة

اهم شي ان كل ام ترضع طبيعي يجب ان تفتخر بنفسها .....ولا تفطم طفلها قبل السن المفروض للفطام وهو عمر سنتين ..... ولا تخاف ولا تحزن .لها اجر عظيم عند ربي ....والطفل الي يرضع من امه يكبر ويصير طفل حنون والكل يحبه .وهذا الكلام من تجربتي مع اولادي ..ثلاثه والحمد الله جامعين والكل يشهد لهم بحسن الاخلاق والطيبه والمحبه وبارين بوالديهم

يوم صدري يكون مليان احس به يشرب من صوت البلع .. لكن يوم يكون عادي احس اول شي يشرب عقب يخلص الحليب يمص والحليب ما يطلع ولا اسمع صوت البلع الا من فترة لفترة متباعده جدا.. هل معناته ان مافي حليب ... من حركة ثمة ومن بطى المص احس ان ما ينزل شي ...

طمنوني اخاف ايوعة ....

بسم الله

حبيببتي لا تخافين ولا شئ حليبك يكفي وزياده ...والله هذا الكلام اليوم ناقشته مع الدكتورة ..... وقلت لي كل ام عندها الحليب الكافي وزياده .اهم شي رغبتها وحبه بالرضاعه الطبيعي هذا الاحساس يساعد على ادرار الحليب

انا 3 وحدة تدخل عندها نفس المشكلة بس يونا انا بنتي ترضع لعب وتسلية متى ما بغت على كيفها
كل شوية مص ورضاعة ودلع حتى الليل تسهرني بطوله تخلي صدري بفمها وانا اشوفها ما تمص الصدر بس عشان تنام وصدري في فمها وصارت عندي الالم في الرقبة والظهر واليدين صرت تعبانه حيل ودائم اقول خاطري انام كم ساعة بهدوء بدون ما احد يطلب الرضاعة او كيف ما بنتي الله يبارك لي فيها بس جد صار عمرها سنة واربعة اشهر وداشين ع الخامس وماعاد فيني

احبها واموت عليها من تبى ترضع بس بالنهاية ما اقوى ومابي اكون مريضة اذا مب بخير ما شي فايدة الرضاعة لسنوات غير اني موظفة ومن ترضع ما تبي تاكل احسن لها ترضع وبالتالي اكلها قليل وهذا يحيرني ويتعبني معاه

ياريت احد يفيدني شو الحل

ترى الرضاعة الطبيعية نعمة يا أخواتي، آنه والحمد لله رضعت ولدي طبيعي وصناعي (لأني موظفة) بس بقيت على الطبيعي حتى السنة وثمان شهور،، وقتها أبوي كان مسوي عملية وحنه على طول بالمستشفى، فلاحظت أن خلاص ماقام يتذكر صدري ويقول (أخو) قلت أحسن يات منك يكون ماحس بالذنب،، كنت أحس أني قمت بواجبي كأم..بس مشكلتكم أن عيالكم مايرضعون صناعي بالمرة ،، يعني فعلا تعب،، لأن يصير ألم بالرقبة والظهر والكتف (آآآآآآآه).
حاولوا تعطونهم الصناعي شوي شوي،، ضيفوه على شربت الورد بالكاس يكون يصير طعمه غريب ويحبونه.....
أتمنى أن أسمع أخبار زينة منكم خلال هالأيام....

أنا كان ولدي مثل بنتج

بس شو سويت حاولت اني احدد وقت محدد للرضاعه واباعد من بينها

وخلال هالوقت اخلي أكل موجود وقت ما جاع اعطيه صح انه ما ياكل وايد وكانت لقيمات بس حاولت معاه ..

وبعدها بفتره يوم كمل سنه و7 أشهر حملت ففطمته وحاولت اني اعطيه حليب ثاني لكن ما تقبله ابداااااااااااااا :( وقمت اعطيه حليب بالملعقه احيانا واحط معاه اشيا ثانيه علشان ياكلها ضعف وايد حليله .. لكن الحين ياكل اهو من قبل بس بعده ضعيف واكثر شي يعتمد على العصائر ومعلمتنه يشرب عبر القشه = الصلب = البيب

لول جبت كل المصطلحات

وما عليه تحملي البنت وحاولي تسوين مثل ما قلت لج باعدي بين الرضعات

والله كنت توني بكتب مشكلتي بالظبط نفس مشكلتكم أنا بنتي عمرها سنة وتسعة أشهر مسويتلي أرق وقلق وحيرة وتعب وووووووو.........الخ ههههههههههههههه والله أني تعبت من الرضاعة بس اللحين هي مريضة وأبي أفطمها اليوم خذيت لها عصير هاني إذغ تعرفون صايرة الفتحة مالت الشرب مثل المرضعة خذيتها أبيها تتعود عليها علشان تتعلم الأكل هي يوم تاكل وعشرة لا وساعات أجوعها علشان تاكل بس ما في فايدة بجرب مثل ما قالت الأخت يونا وأن شاء الله خير
سلام