أحسن طريقة لتعقيم زجاجات الرضاعة...

السلام عليكم
انا شفت بنات جيراننا وبنت خالتي يحطون الرضاعة في الفريزر او في الطابق العلوي من الثلاجة بعد غسلها بالماء والصابون لان الرضاعة راح تتعقم والجراثيم تموت بسبب درجة البرودة العالية

وطول ما الطفل نايم تكون الرضاعة في الفريزر وهذا يضمن ان ما فيها جراثيم او تتوسخ بغبار في وقت عدم استخدامها

السلام عليكم ورحمة الله وبركاته

الصراحة بالنسبة لي لما كنت حامل، قالولي ان التعقيم بالماي المغلي أحسن
فما اشتريت الجهاز
وحاليا انا اغلي المراضع بعد كم رضعة

بس فكرة الاخت نجوم الليل وايد حلوة
بجربها.....:up::up::up:

نجوم الليل:
السلام عليكم
انا شفت بنات جيراننا وبنت خالتي يحطون الرضاعة في الفريزر او في الطابق العلوي من الثلاجة بعد غسلها بالماء والصابون لان الرضاعة راح تتعقم والجراثيم تموت بسبب درجة البرودة العالية

وطول ما الطفل نايم تكون الرضاعة في الفريزر وهذا يضمن ان ما فيها جراثيم او تتوسخ بغبار في وقت عدم استخدامها

:think:هذي المعلومه أول مره أسمعها !!!!!!!!!!!

السلام عليكم ورحمة الله وبركاته

حبيت اسأل الاخت نجوم الليل

اذا حطيت المرضعة في الفريزر ما بتنفجر خاصة اذا كانت زجاج:think::think::think:

lممكن اشاركم بحكم انى الحمد لله الحين صرت ام لاول مره
انا شفت ان جهاز التعقيم ممل وجع راس خاصه تن احنا نكون تعبانين اساسا مع البيبى احسن طريقه هى الغلي بالماء الحار لمده خمس دقائق بعدين اطفين النار وتغطين امرضاعه بالغطاء وتتركينه لوقت الاستعمال وطبعدين استخدمت طريقه الفريزر وايد اسهل اغسل المرضاعه واحطها بالثلاجه لوقت الاستعمال اشطفها بالماء العادى واستعملها

مساء الخير يا بنات قصدي يا امهات.....
انا حاليا بشتري اغراض البيبي و عايزه اشتري جهاز التعقيم و لكن لا اعلم طريقته بالظبط فارجوا ان تفيدوني

تصدقون عندي طفلين وأكبرهم عمره 3 سنوات وشهرين وهاي اول مرة اسمع عن جهاز تعقيم الرضاعات او عن هاي الحبوب!!!!

صراحة حسستوني اني من العصر الحجري لوووووووووول

بالنسبة لوضع الرضاعة في الفريزر انا سامعة انا اعلى نسبة جراثيم ، بكتيريا وميكروبات تكون تتواجد في الفريزر

الثلاجة بعد يكون فيها بس الفريزر اكثر والله اعلم وانا عن نفسي اعقم الرضاعات بالغلي مرة في اليوم وعقب ما ينشفون اغطيهم واخليهم بالدولاب عندي في المطبخ

مشكــــــــــــــــــــــــــــــــــــــــــــــــــــــــــــــــــــــــــــــــــــــــــــــــورين على الردود المفيده

عن نفسي استخدمت الطريقتين الغلي و الجهاز

و ارتحت على الجهاز ... عندي نفس جهاز الي قالت عنه الاخت روز من ماركت افينت ...مريح و سهل و مرتب و يستوعب 6 زجاجات رضاعه...بس ما ادري ينفع لزجاجات من ماركه غير نفس ماركه الجهاز

بصراحه انا حبيت هذي الماركه ....شفاطه الحليب (الي تسحب الحليب من الام)وايد زينه و في منها يجي بسنطه تحفظ الحراره يعني اذا بغيتي تروحين مكان و ما تقدرين ترضعين طبيعي ..تسحبين الحليب من قبل و تاخذينه وياج ...يحفظ لج الحليب بارد لست ساعات ...استفدت منها في السفر في الطياره ..... و زجاجات الرضاعه بعد حبيتهم ....حتى في الفتره الي كنت اخلط فيها الرضاعه الطبيعه مع الزجاجات ...بنتي ما كان عندها مشكله ما رفضه الرضاعه الطبيعيه من بعد ما جربت الزجاجه...لان في وايد اطفال ما يرجعون للطبيعي لان الحلمات تختلف عن حلمات الزجاجه ...

و بعد جربت الزجاجه الي للستخدام مره وحده ...يكون في داخلها مثل كيس ترمينه مافي داعي تغسلين ...ينفع يوم تطلعين طلعات طويله او رحلات او سفر بدل ما تاخذين اكثر من مرضعه و تدورين مكان تغسلين المرضعه...و الحلو فيها انها ما تجمع الغازات فيها ...مريحه للطلعات
و بعد سخانه الحليب بعد حلوه
و الحين اتخدمت جهاز التعقيم مريج و ما ياخذ وقت و لا كميه كبيره من الماي و تنظيفها سهل...
بس ياخذ 8 دقايق ...و كميه الماي قليله يمكن اقل من كوب بس ... و تنظيفه بس تنشفينه من الماي الزايد في الجهاز ... و في نوعين الي بالكهرباء مثل الي الاخت روز حطت صورته و في الاصغر الي تحطينه في المكرويف

و بعد حبيت المصاصه(اللهايه) الباسيفير ..ما اعرف شو تسمونها ...لان اول شي كل مصاصه لها غطاء ... و بعد في نوع مقبضه ينور بالضلام اوكي لليل بدل ما تفتحين اليت علشان تدورين عليها روحها تنور

سويت دعايه للماركه هذي لاني حبيتها
و اذا تبون تعرفون اكثر ادخلوا الموقع
http://go.3roos.com/LX7HrUQMzuW

اتكلم عن تجرتي الشخصيه مع هذي الماركه ...و كل انسان ممكن يكون له تجارب مختلفه ..و راي مختلف

تحياتي

الاخت مرمر والله كلامك كافي ووافي تسلمي يارب ....

[size=5]ماشاء الله عليك اخت مرمر كفيتي ووفيتي ... حبيت اسالك بالمره عن حشوات القطن للصدر لهذي الماركه مادري اذا جربتيها ولا لا [/size]...

لالالا حشواتهم ابدا ما عجبتني لا حشواتهم و لا ماركت جونسون...يطلع منهم خيوط القطن و بسرعه يسرب الحليب ...احسن نوع بيجون ما يسرب و هو الترا يعني اضعف منهم و حجمه اكبر

مرمر:
لالالا حشواتهم ابدا ما عجبتني لا حشواتهم و لا ماركت جونسون...يطلع منهم خيوط القطن و بسرعه يسرب الحليب ...احسن نوع بيجون ما يسرب و هو الترا يعني اضعف منهم و حجمه اكبر

يعطيج العافيه مرمر..:)

ههههههههههههههههه بخبركم سالفتي


أنا كنت بصراحة أعقمهم عن طريق الماي المغلي وصار لي موقف وتبت من بعده شريت جهاز تعقيم من بيبي شوب والموقف هو إني كنت مستعجلة يالسة أعقمهم عن طريق الماي المغلي وإلا ولدي يصرخ يريد حليب والغرشات في الماي الحار رحت وبغيت آخذ وحدة وكنت أسحبها عن طريق السكين متخيلين يعني دخلت السكين بجوف الغرشة وبداخلها ماي حار جدا وأنا أسحبها على فوق نزل الماي الحار بإيدي وإحترقت والله حتى ان جلدي طلع من مكانه


يالله خذيتها فرصة أسبوع ما رحت الدوام أخذت إجازة مرضية ومن بعد هالسالفة شريت جهاز التعقيم وبصراحة ممتاز جدا

تحياتي وأسفة عالإطالة يا عرايس

والله موضوع مفيد(y)

انا شريت معقم سائل من بايجون وارتحت من موضوع الغلى
لانه كان يعكرهم ويخلى عليهم ترسبات وشكلهم غير مريح نفسيا

السلام عليكم .. موضوع وايد حلو ومفيد.. بالنسبة لي جهاز التعقيم بالبخار وايد مفيد وسريع و فوائده احسن من عيوبه .. اللي اهي شي واحد كبير وماتقدرين تاخذينه في السفر يعني ترجعين للطريقة التقليدية واللي اهي غلي المراضع .. يعني غلي المراضع زين ولكن يحتاج وقت ومايكون معاج بالغرفة يعني تنتظرين في المطبخ ويمكن تنسيتهم على النار .. اما التعقيم بالبخار كلها 8دقايق ويكونون جاهزين اوتوماتيك .. فقط حبيت اضيف انه كل 3 اسابيع تنظفين الجهاز ماء وشوي خل وتشغلين الجهاز بعدين بتشوفين كل الترسبات متجمعه وتشلينها وتنظفينه مرة ثانية بالماي علشان تضمنين خلوه من الخل.. وعن حبوب التعقيم سمعت عنها بس ما اايدها بتاتا وطبعا بعد كل رضعه تعقمينهم