ماركة NYX

دلوعه قطريه:
انا جربتها
المحدد حلوووو
والجلوس حلووووووو
اما الشدو البدودره عجبني واااااااايد يجنن
لكن الايلاينر السائل
ابدا ماعجبني انا جربت الوردي
كلش ماضبط معاي
مادري شسالفه
والعين تبين جنج مريضه

بغيت أقول لكم على معلومه يمكن تعجبكم الأي لاينر إلي ألوانه فاتحه لا تستخدمونه للعين كامله إستخدموه لما بتسوون خط بس مثل إلي في الصوره


يعني حطوه بعدين بالفرشه ضبطوه عدل بشوية ماي أو بدون الماي

بس جربوا اكثر من مره (r) مب تيي وحده تجربه يوم عندها مناسبه ومايضبط بعدين تقول الله ياخذ بليسج يالسهر قصيتي علينا :mad2:

تسلمين الغاليه Lo0o0o0onely على الرد بس غريبه ان الايشادو ما كان يثبت عندج لاني انا يثبت وايد عندي والحمدلله ما اتعب يوم احطه ولا اتعب بعد فتره لانه ما يطير

الغاليه مرايم السعودية تسلمين على الرد جربيهم وادعيلي

الغاليه السهر تسلمين على الرد انا خذته من الريف بس انا دايما اخذ الميك اب من الواحه لانه اجرب لي بس بتحصلينه في الواحه.. ومشكوره على النصيحه وعلى الطريقه الحلوه لوضع الايلاينر لاني ما جربت اني احطه بهالطريقه بس الحين ان شاء الله بجرب

اخويتكم الصيدلانيه

يسلموووووو صيدلانيه وان شاء الله بجربها

مرحبــــــــــــــــــــــــــــــا

أنا دوم افتر عن هالماركه واتم اطالع الوانها خاصه الآيشدو لكن ما آخاطر و آخذ منها

كم سعر الآيشدو حبوبه ؟؟ بآخذ واحد تجربه وان عيبني ما بخلي لون

تحياتي لج

الغاليه صلصوحه مشكورة على الرد واذا جربتيهم خبريني اذا عيبوج والا لا؟!

الغاليه مياثي انا شكلج ما احب اني اخاطر واخذ اي شي بس يوم خذته كنت محتاجه اللون الاسود لاني وايد استخدمه واضطريت اخذه بس يوم جربته واااايد عجبني .. انا خذت الايشادو اول نوع ب 21 درهم بس .. جربيه واكيد بيعجبج اذا كنتي من النوع اللي اتحبين ان اللون يكون مب خفيف

اخويتكم الصيدلانيه

تسلمين الغاليه ما قصرتي على التوضيح

والسعر ولا شي ... يعني ب 100 درهم بتآخذين لج كم لون

لا انا يعيبني اللون الي يثبت ويكون مش خفيف

الغاليه الصور من اي موقع حصلتيهن احسبهن مش واضحات وايد

الغاليه مياثي انا خذتهن من كذا موقع اللي يبيعون هالمنتجات يعني هم مالهم موقع معين


اخويتكم الصيدلانيه

حبيت اقولكم

اني رحت لايف ستايل يا بنات البحرين
الي بمارينا مووووول

ولقيت من هالمااااركة اشكاااااااااال والوااااااااان

لحقوا لانه تخفيضات
وكلشي مخلص!!


تحياتي،،

الصراحه الالوان جناااااان

يعطيج العافيه

تسلم ايدك اختي انا جربت مرة الشادو المربع واللي فيه ثلاث الوان عند وحدة من البنات وعجبني

يعطيك العافية

الغاليه الشيخة صدق انج سويتيلهم دعاااايه خخخخخخ تراهم بيربحون منج.. تسلمين على مرورج وعلى الرد

الغاليه فطيم-19 انتي اللي جنااان مب الالوان .. الله يعافيج الغاليه وتسلمين على الرد

الغاليه RoOoOmy_M الله يعافيج .. زين انهم عيبوج لانج شجعتيني اني اخذ المنتجات الباجيه لاني بس جربت الايشادو المربع مالهم وتسلمين على الرد


اخويتكم الصيدلانيه

الصراحة الوان الماركة حلوة بس احيد من زمان خذت قلم جحل ازرق وما عيبني بس شكلي بجرب شي من الشدوهات

ومشكورة

قولولى وووييين احصل هالماركة بالكويت
والااحنا ما عندنا الا سوير وعوير واللى ما فيه خير
ليش التجار ما يجيبون لنا هالماركات والا احنا شعب يشترى حتى التراب بس منو يسمع
ما ابخلهم
والله شى يضيق الخلق والديرة بكبرها ما فيها الا المطاعم وبس
وااااااااااااااااى بموت من الحررررررررررررررررررررررره

عروبه:
قولولى وووييين احصل هالماركة بالكويت
والااحنا ما عندنا الا سوير وعوير واللى ما فيه خير
ليش التجار ما يجيبون لنا هالماركات والا احنا شعب يشترى حتى التراب بس منو يسمع
ما ابخلهم
والله شى يضيق الخلق والديرة بكبرها ما فيها الا المطاعم وبس
وااااااااااااااااى بموت من الحررررررررررررررررررررررره

أختي الغاليه

ماشاء الله إنتوا عندكم الحمدلله بالكويت وايد ماركات يعني إذا ماركه وحده موجوده عندنا ومب موجوده عندكم عادي ترى حتى إنتوا عندكم ماركات ماعندنا إياها بس الخير في باقي الماركات أول شي دوري عليها إن مالقيتها شوفي غيرها من الماركات

ولاتغيظين مافي داعي

أختج سهوووووره :smile:

مشكورة الغالية على الموضوع

فعلا هالماركة زينه

الغاليه Swaxium تسلمين على المرور .. جربيهم وان شاء الله يعجبونج

الغاليه عروبه تسلمين على المرور.. وشكل ما قالت الاخت السهر اكيد عندكم ماركات نحن ما عندنا والحمدلله دول الخليج كلها في خير الحمدلله وكل دوله فيهم فيها شي مميز يميزها عن غيرها حتى في بضايعها

الغاليه السهر تسلمين على افادتج للاخت عروبه والله لا يحرمنا من مشاركاتج المتميزه

الغاليه عذب القوافي تسلمين على المرور .. والعفو الغاليه

اخويتكم الصيدلانيه

الصيدلانيه العفو الغاليه

أمس شريت الشدو الأسود طلع روووووووووووووعه بس كنت باخذ الجلتر لكن نسيت كنت مستعيله إن شاء الله لي رجعه له :cool2:

مشكوووره الغاليه

بسير لايف استايل اليوم
وبخبرج شو خذيت

الغاليه السهر الحمدلله انه عيبج رفعتي معنوياتي :shy: اذا خذتي الجلتر خبريني اذا عيبج والا لا

الغاليه مهااااري العفو واتريا منج اتخبريني شو خذيتي

اخويتكم الصيدلانيه

الوااااااااان رروووووووووووووووعه وشكلها الماركه بعد رووووعه بجربها