{اختي} اتسعدين بجرحنا\فضفضه|

السلام عليكم ورحمة الله وبركاته

حبيباتي

فكرت اكثر من مره اكتب لكم هالفضفضه
لاكن عزمت على امري ولعلي اجد العون والمشوره عندكم بعد الله

حبيباتي

قبل ثلاث سنوات تقدم شاب لاختي عن طريق خالي
اختي تصغرني بسنتين الا شيء بسيط
طبعا من كثر ماقالوا عنه اتعجبنا باخلاقه وانه في الدعوه
وافقنا مبدئيا
وبعدين امي ماحست بالراحه لامه وطريقة تعاملها مع امي وانها شايفه نفسها خاصه انهم من التجار بديرتنا واحنا ناس عاديين جدا
لاكن اللي خلاهاتعزم جمال اختي وتوها صغيره
المهم بدأووا بالتعقيدات بكل شيء مرورا بالمهر الى اصغر شيء
حتى يوم جت وشافتها وقرروا يجون يخطبون عندنا بمكه
جوو لمكه ثلاث مرات وكله اهله يرفضون يجون واهو يعطينا مواعيد ويعتذر
والمعروف اني انا الاكبر منها فكلمني ابوي وقلت له موافقه
هذا نصيبها وجاها وانا يختار لي ربي اللي فيه الخير
المهم حاولت مع امي الا توافق عالشاب
وبذلت كل مافي وسعي
بس لسبب واحد
حتى مايقولون اختها غيرانه منها ومع ذلك ماسلمت منهم ومن هالكلمه
المهم بعد ماجاء للخطوبه وبعد محاولات وقف الكل معه خلوا المهر اربعين الف والذهب عليهم والزواج كله عليهم والملكه علينا
والمتعارف عليه عندنا للخطوبه امه لازم تجيب هديه
جابت شنطه فيها من ابخس الهدايا ماتتوقعون وشو اللي جابت فيها ولاااستفدنا منها شيء وزعناها للي يحتاجها
وعدينها
كانت امه تدق على امي وتقول وش تبون الذهب امي تقول لها نبي كذا كذا
وتشتري خلافه وتقول تبونه{ ولا طز}
طبعا هالكلمه كررتها اكثر من مره وفي اكثر من مناسبه
احنا تكلفنا وسوينا ملكه بقاعه وكل شيء يفرح اختي
والدقاقه كانت علي ب5000ريال من مكافاتي
المهم كانت الملكه رووووعه
بس زوجها من النوع اللي نص بخيل
ليلة كتب الكتاب بعد ماطلعوا اهله قرصها
واهي قالت لامي
امي زعلت وكلمت ابوي وخوالي وجلسوا معه وقال امزح
اليوم الثاني نفس القصه قرصها وتحداها تقول لابوي
طبعا بعد الزواج ب 3ايام بدا يقول لاهله دوروا لي على عروس
ويقول مواصفات مع ان اختي احلى الى اليوم كل ماتشوفها وحده تخطبها لجمالها وصغرها وماشاء الله عليها موباين عليها ان معها بنت وولد
ويوم سالوه قال امزح
ويقول اهو واهله لاتصدقين اهلك ترى بيخربون عليك
وبدت الدراسه وراحوا لمكان شغله وبدا يأثث بيته وجاب شراشف حق الاسره حق النوم مستعمله من عند امه
وللمعلوميه حتى بيته الاساس مستعمل الاغرفة النوم
المهم وجاب سجاد لبيتها
اختي زعلت واخذتها ولمتها وكانت بترميها
قام طردها من البيت وقفل عليها الباب
وجت عندنا برمضان وصارت مشاكل وجلسوا معاه اهلي وخوالي
وانا صار لي نصيب يقول انا بخر ب عليها وبيت اختي
واهو كذب اني افديها بالغالي وبحياتي
وبعد محاولات مع امي صالحوا بينهم
وبدت مشاكله
ويقوم اخوه ويحلف انه يشوف اختي
وفعلا دخلوه عليها واختي تصرخ
بذيك اللحظه امي سبحان الله شافتها بالمنام ودقت عليها وسالتها قالت لها صدق وماكنت بقول لك لانه قالي لاتقولين لاهلك
مره يتهم ابوي انها مريض نفسي
وحاشاه اوبي اعقل الناس والكل يشهد
ومره امي
وامه تدعي على امي عند اختي واختي ماتقول لها شيء
ومره اتهم اخواني باشياء هم ابعاد عنها ومع ذلك صبرنا لعيون اختي
حتى ماتحس بالنقص اعطيها انا من مكافاتي وابوي من راتبه
لان زوجها ماسك شوي على الفلوس
بعد ولادتها بالمولود الاول وكانت مناسبة خالي طلبت منه يغير الذهب كله للمناسبه
وحتى يوم ولدت ماترك لها أي مبلغ مادي وكله من عندنا لاكن تفداها الدنيا كلها
المهم صارت مشاكل وامروه اهلي انه يغير الذهب وغيره لاكن وصح 5 الاف ريال
طبعا كان بعطيها من هنا عندنا وياخذها يوم تروح البيت وكله هذا وهي ساكته
امه تتكلم على امي عند اختي واهي تخاف منها ولاتدافع عن امي
طبعا شرطنا عليه الدراسه واهي صحيح انه مومره بالدراسه لاكنه كان يهلكها بضيوفه ومشاغله حتى عادت السنه
المصيبه الكل يشوفه طيب لاكن معاملته لاهلي مره قليل ادب فيها
وبدا يحيك المشاكل للي حوليها وينصحونها
بدا بخالاتي وكلم ازواجهم
وبعدين انا وزاد فيها كل مره شكل لمشكله
وبعدين امي وكلم خوالي عنها
وبعدين خالاتي اللي مو متزوجات يقول انهن يحرضنها وكلم خوالي
واخر مره امه قالت ان جدتي تمنعها منها واخواتها وجا واشتكى على خوالي وطبعا زاد شوي من هنا وهناك
ومع ذلك اختي توقف واياه ولاتقول كلمة حق

يالغاليات
انا محتاره من اختي
ليش زوجها يتصرف كذا واهي ساكته
وصابره على بخله
اهو ثلاثة ارباع بخيل
مو مره بخيل
وتشوفه بالقمه
ليش ماتدافع عن امي ودوم تجرحها
وتقول لامي ماابي اجلس واياك
لان امي دوم تنصحها
وامي الحين لها سنه ماتقابله
وابوي مايكلمه
واخواني مايكلمونه خاصه انه واهله اتهمومهم بنفسهم واهو كذب
لاكن كل اللي هامني اختي تصدق فينا
وتجرحنا امام اللي يسوى ومايسوى
حتى اهي صارت تقول لي انتي غيرانه مني
ويشهد ربي انها عيوني واتمنى لها كل خير واولادها اذا جتنا انا اتولاهم ولاتسال عنهم
لاكن حبي لهم اهو اللي يخليني اسكت عنها
الله يهديها
ويحفظها حق زوجها واولادها

اعذروني ان ازعجتكم لاكن اهي فضفضه من قلب مجروووووووووح ومن اعز الناس اختي الوحيده

لكم تحياااتي

ودعواتكن