ساعدوني في قراري - منتديات عروس

b

bent^cute

عروس رائعة

23-08-2005 | 07:21 PM

تحيه وبعد...

مرحبا يا بنات يا عرايس ويا حوامل ويا أمهات....

حبيت أستشيركم بموضوع...

أنا حامل الحمدالله في شهري الأخير .. لكن شكلي مطوله مافيه بوادر ولاده .. وموعدي الي عطتني اياه الدكتوره قبل الدراسه بكم يوم ... وأنا طالبه جامعيه وما أقدر أغيب أكثر من اسبوعين عن الجامعه :( فقلت أني راح أطلب طلق صناعي من الدكتوره قبل موعدي ب 5 أيام على الأقل ارتاح 10 أيام قبل الجامعه وأغيب اسبوعين ...

لكن خايفه بنفس الوقت من الطلق الصناعي وان الطبيعي أحسن .... وأخاف استنى لموعد الولاده ولا يجيني طلق ولا شي وأخرتها أولد صناعي ولا أرتاح قبل الجامعه :(

أدري تعبتكم معاي .. بس والله محتااااره وما أدري وش اسوي

يال ليت تعطوني جواب وبالمره اسم حلو للبنوته الي في بطني <==بدري الى الحين ما اخترتي اسم .

ف

فوانيس

مشرفة سابقة

23-08-2005 | 10:09 PM

هلا و غلا بنت كيوت

نورتي الركن

و الله يا حبيبتي ما انصحج بالطلق الصناعي و انتي بكر

خليك على طبيعتك احسن

بس انتي من الان امشي يوميا و اشربي زيت الخروع و مغلي القرفة

و يا رب تسهل ولادتك قبل الموعد و تجيبي احلى بنوتة

بالنسبة لأسم البنت.. اذكر قلتيلي اسم غريب..

هو هذا الاسم لا تغيرينه

هههههههه

ع

عيون بوظبي

مشرفة سابقة

23-08-2005 | 11:00 PM

انتي سالفتج مثلي والله .. اانا عانيت قبل ولادتي لنفس السبب الدراسة :(

والله اختي ماعرف شقولج .. امشي دوم واشربي الخروع بس عاد مب كل يوم .. بس من تشربيه امشي يعني مب تشربينه عقب المشي ..

وادعي الله ترى انا والله كنت ادعي الله بشكل ما تتخيلينه اني اربي قبل امتحاناتي والحمدلله ربي استجاب ..

b

bent^cute

عروس رائعة

24-08-2005 | 12:53 AM

شكرا لكم حبيباتي على المرور...

ودعواتكم ان شاء الله اولد الاسبوع الجاي من غير طلق صناعي ولا شي...

وأنا بكره عندي موعد وبسأل الدكتوره والله يسهل علينا

ط

طولون

عروس مبدعة

24-08-2005 | 02:01 AM

الله يعينك ويسهل عليك يارب
بس بما انك محتاره مالك الا الاستخارة
استخيري واله يكتب لك الي فيه الخير

بالنسبه للاسماء
نوف
غادة
ملاذ

ع

عسووووله

عروس ماسية

24-08-2005 | 04:12 PM

انا كلامي من كلام الاخت طولون استخيري الله

وتوكلي عليه.

ه

هنومه

عروس مشرقة

24-08-2005 | 06:07 PM

بصراحه انا جربت الطلق الصناعي وحيل تعبني ومو بسهوله تولدين انا قعدت 5 ايام اخذ تحاميل الطلق الصناعي علي ما ولدت بس كنت مضطره لاني طفت موعدي باسبوعين وثلاث ايام لاني كنت حامل بالبكر ونصيحتي لك تولدين طبيعي
وبالنسبه لاسم البنوتات :
لولوه - فجر - فاطمه - منتهي - مفاز

b

bent^cute

عروس رائعة

25-08-2005 | 06:29 PM

شكرا جميعا على المرور...

والله يكتب الي فيه الخير

a

aboura

عروس رائعة

25-08-2005 | 08:41 PM

[ طمنينا عنك حبيبتي ولدتي ولاه بعدك واذا ما ولدت انا انصحك بالإنتظار لانه انا دوم اولد في الصناعي واللي شافوني قالولي انه كثير اصعب من الطبيعي
نصحيتي الك بالإنتظار
وعلى فكرة أسماء بنوتات كثير حلوة
ميرة - مهرة - جود - ليال - اليازية - دانة - العنود - 00000
طمنينا عنك

ف

فراشة قطر

عروس متألقة

25-08-2005 | 09:31 PM

مثل ماقالت اختي انصحك بالاستخارة

والله يعطيك على قد نيتك ويقومك بالسلامة

الاسامي :.

فجر، نوف ، نور ، مريم ، سارة