شلـــــونكم يا اغلـــــــى عرايــــــــــــس في احلى منتدى
خلونــــي ادش بالموضوع بدون اطـــاله
وصـــــفات الطبخ كثرت عندج صح ... اوراق ملخبطه وماتدرين اي وحده الصح واللي تضبطينها!!
شي من الجرايد والمجلات وشي كاتبته بايدج بورقه صغيره !!
مليتي وانتي تدورين الوصفه كل مره تبين تسوين طبق!!
الدرج جنه فلم رعب من كثــــر الاوراق!!
تعـــــــــــالي معاي شوفي هالافكــــــار الحلوه اللي بتريحــج من كل هذا
...
اولاً-التــصنيــــف:-اخذي الاوراق وصنفيها.. الاطباق الرئيسيه .. الموالح .. السلطات .. الحلويات ...الــخ.
-اختاري الوصفات اللي فعلاً تستخدمينها واللي تحسين انج ما راح تسوينها او زايده او متكرره قطيــــها موناقصه عفســـــه.
-اذا كتبتي وصفه من احد صديقاتج اكتبي اسمها يم الطبق علشان تتذكرين، خاصه اذا كانت الطبخه مألوفه بس المقادير تختلف من وحده الى وحده مثل اللقيمـــات و صلصة السلطات.
ثانيــاً-الترتيــــــب:-اطبعــي الوصفات المكتوبه باليد بالكمبيوتر+عمل اوراق كفواصل يكتب عليها قسم الطبخات ..مثال (قسم الحلويـــات) + عمل ورقـــه يكتب فيها اسمج لوضعها كمقدمة لوصفات مطبخك، وياسلام لو كانت الصفحات مزينه وبصور علشان تفتــح النفس للطبخ.
-الوصفات التي تم اخذها من المجلات يتم قصها بطريقه مرتبه استعداداً لترتيبها، او يمكن تصويرها بآلة التصوير.
ثالثـاً-ادوات الترتيـــب:بعد ما جهزتي وصفاتج الحلوه طبعاً لازم تحطينها بمكان حلو وعندج هالافكـــــار:
(1)
استخـــــدمي مثل هذا الفايلات وتقدرين تزينينها بشكل حلو مثل اللي بالصـــــــوره
وبسـهوله تخرمين الاوراق وتحطينهم داخل الفايــــــــل ، وممكن تجلدين الفايل بجلاد حلو وتحطين لمساتج الحلوه.
(2)
البــومــــات الصـــور الكبيره اللي تكون بورق شفاف يلزق مثل مال الاعراس
وهالفكــــر تقدرين تستخدمينها اكثر حق الوصفات المقصوصه من المجلات لانها احجامها تختلف
واذا كان لــــــج مزاج وفاضيه شوي تقدرين تطبعين الاوراق بشكل صغير بحجم الصور يعني
وتخلينهم داخل البومات صغيره.
(3)
الفايـلات اللي بداخلها شفافيـــات وهذي تستخدم حق كل الوصفات وسهله بحيث انج
بس تخلين الورق داخل الشفافيــــه ومومهم الحجم او اذا كانت الاوراق ضغيره لصقيهم
على اوراق A4 وياسلام لو كانت ملونه وحطيـهم.
(4)
الحقائب البلاستيكيـــــــه المقسمــه .. وهذي تستخدمينها اذا ما كان لج مزاج حق كل الخطوات السابقه
والحيـــــن صار عندج احلى كتاب طبخ من صنع ايدج وخاص فيج
لا للتعب في البحث
والحلو لو كان عندج ضيوف ومسويه ذاك الطبق وحده من المعازيم قالتــلج .. تسلم ايدج على الطبق ابي المقادير .. تقومين بكل ثقه وتيبيــن كتابج وتعطينها الوصفه بكل سهوله
ومنها تورينهــم شغلج الحلو وتتشيحــطين شوي هههههه.
وبجـــــــذي اكون خلصت افكـــــاري واللي عندها اي فكره حلوه ممكن تفيدنا فيها
اتمنـــــــــى يكون الموضوع عجبكـــــــم
بانتـــــظار مشـــاركاتكــــم
تحياتي للكــــــل
اختكــــم .. الغاليــــه
ملاحظـة: الافكــار من عندي وتأليفي وليست منقـــوله واذا احد حاب يذكر الموضوع بمكان ثاني
اتمنى حفظ حقوق الطبع والتوزيـــع.
