حبيته 3 سنوات ولازلت أحبه لكني عاهدت الله..أشيروني

alnoufa:
السلام عليكم

حبيبتي سحر

اخترتي الحل الصحيح بابتعادك عنه والتوبه الى الله ، والانسان مو معصوم عن الغلط لكن الأهم يعرف غلطه ويتوب لربه
ونصيحتي لك انك ماتضعفين بيوم من الايام او يجي احد ويقنعك ترجعي لعلاقتك فيه
صدقيني ماافي ام ولا اب يوافقون ان ولدهم يرتبط بوحده كان على علاقه معها
لانهم راح يظنون ان بما انك تعرفتي عليه عن طريق النت فيمكن تعرفين غيره ،
حتى لو ماصارت مشاكل وارتبطتي فيه راح يبدا الشك بعقله
واي حياة تبدأ بالغلط تكون النهايه سريعه ، البيت اللي اساسه ضعيف يطيح بسرعه

الموقف اللي انتي فيه اختبار لك من رب العالمين على صبرك ومقاومتك
يمكن الله كاتب لك انسان افضل منه ، واهم شي لاتتركين هالموضوع يأثر عليك وحاولي دايما تشغلين وقتك بالمفيد
ومثل ماقالو الاخوات عليك بكثرة الاستغفار والدعاء ولاتنسي ادعيه الصباح والمساء
والله يوفقك ان شاءالله ويكتب لك كل مافيه خير وصلاح لك

يجزاك ربي الف خير
وبإذن واحد أحد

إني قلبي مايزوغ
وأتم على صبري وإستغفاري

Romanciah:
السلام عليكم ورحمة الله


الحمدلله الذي من عليج بالتوبه ويجعلها توبه نصوح ان شالله........ اختي الغالية انتي ما غلطتي بالعكس انتي صلحتي وما تعلمين ربنا بيعوضج اصبري واحتسبي ... واسمعيني بقولج شي وايد مهم ووايد من الناس غافلين عنه


البنت اللي اتقولج رجعي كلميه احذري منها لانه في هاللحظه الشيطان يتكلم على لسانها لانها تأمر بالمنكر وما في اي اصلاح ..........


ما اصعب انه الانسان يكون غافل ويخلي الشياطين تتكلم على لسانه
CC0000
اختي الغاليه انا اتعاطف معاج ومعاه لكن لو وده بالحلال يتفضل يزور اهلج لانه هذا الصح وماله اي مبرر اذا انتي مستعده تعيشين معاه عالحلوه والمره وصليله الكلام انه اذا رغب فيح يتفضل عند اهلج وانج بتقبلين بوضعه لو عندج القدره انج تقبلين


بس


لا اضيعين اجر هالتوبه والدعاء والنيه الصافيه والاستغفار في لحظه


اختج رومانسيه

جزاك ربي الف خيير

بإذن الله بصبري ربنا بيعوضني

وأنا أثق فيه

عذب القوافي:
الله يصبرك ويرزقك خير

اللهم أمين

juliet&rambo:
اختي العزيزه مرموم...

اسمحي لي بس بكلمه اقولها لج.. عزيزتي .. اسلوب الانتقاد والتجريح ما ينفع مع شخص زلت ريله في الخطا.. بالعكس

لازم نتعاطف مع الاخت وكلنا نوقف ومعها ونثني ع موقفها صدقيني.. البنت اذا ما كانت حاسه بخطاها ما كانت بتوب .. وتتجرع الآلام

او بتشاركنا بمشكلتها ...

ونحن كلنا بشر هب معصومين م الغلط..من نكون نحن عشان نحاسب غيرنا ع خطاه؟؟؟

وعزيزتي الغاليه مسحوره...

انتي انسانه جدا عظيمه .. وقويه... انتي حاولتي انج تدافعين عن حبج بالحلال.. بس ربي سبحانه ما كتب لج نصيب.. وياه.. اكيد لصالحج..

قصتج هاذي صدقيني مرت بها وحده من اعز الناس علي..

ارتبطت بشخص عاطفيا من الانترنت ومن بلد خليجي ثاني.. ظلو مع بعض لمدة 4 سنين ..

وسبحان الله.. رغم كل العشق العذري اللي بينهم .. ما صار نصيب.. لأنه الريال كان بدوي قبيلي والبنت لأ..

وامه عارضت وقومت الدنيا وقعدتها عليه.. مع انه اخته الكبيره تدخلت وبغت تخطب له البنت.. بس .. الام عارضت

وبالأخير تزوج الريال بنت عمه مع انه قلبه مع البنت الثانيه.. وبعد زواجه رجع وحاول ورمس اهل البنت عشان يعطونه اياها بس

ماصار...

المهم .. العبره يا الغاليه بالصبر والصلاه والتمسك .. لأنه مشكلة ربيعتي انها ما تمسكت بالصبر.. وبالأخير البنت ظلت سنتين من حياتها
محطمه وعزلت عمرها عن كل البشر بعدما كانت نجمة في كل الحفلات والمناسبات..

اختي .. اصبري .. وثقي ان الله سبحانه راد لج الخير.. وخليج واثقه من عمرج انه الريال كان شارنج.. ويبغيج.. بس اهله وقفو له حجر عثره...

والسموحه طولت عليج..

تحيـــاتي

*جـــوليت & رامبــــــــو*

مشكوره أختي على مدافعتك عني
ومن جد أسلوب الأخت قهرني

شكلها ماقرت كلامي كله ولا فهمت القصه

لكني وضحت لها كلامها وخطأها

وحصل خير

اللهم لاتزغ قلبي بعد إذ هديتني

ياارب أعرس:
أختي الغاليه أنا مابزيد على كلام الأخوات لأنهن كفن ووفن ...
غاليتي ... أهم شي من هذا كله رضا ربك وطاعته لأنه هو الي يدوم وأما الباقي سرااااااااب ... وأختي أكيد انتي من نفسك تعرفين اني الي سويته غلط ... الرجال مايمسه شي ولكن المرأه غييير .... من الهوى الطاير تنخدش وتتأثر ... توكلي على الله وعسى ربي يكتبلك نصيب مع انسان يصونك ويحترمك ..... اللهم آآآمين ...
ولا تتنازلين وترجعين تكلمينه .... وادعي الله أن يربط على قلبك ....
وفي النهايه أختي نحن بشر والبشر مايحاسب أخوه لأن الجميع يخطئون والإنسان مش معصوم من الغلط ... ولكن يدارك الغلط ويحاول تصحيحه ...

يجزاك ربي الف خير
على كلامك الطيب
مشكوره ويعطيكي أجره بإذنه تعالى

رمش العيون:
السلام عليكم ورحمة الله وبركاته
أختي سحر يمكن قصتك مثل قصتي انا حبته واحد 4 سنوات يمكن لما تقدم لي روفضوا اهلي مع ذلك حاولت اخلية يتقدم مرة ثانية لكنه رفض يقول اهلج اهانوني اشلون تريد ان اتقدم ليش مرة ثانية حاولت انساه بعد فترة تقدم الي شخص غيرة كانت امي تحاول ان اوافق علية قالت لي انتي قابلية ماراح تخسرين شئ قابلت الشخص الي متقدم الي ارتحت اليه وان شاء خطوبتنا قريبة والحمد الله على كلشي الله عوضني خير الي متقدم الي مستعدة كلشي اسويه لي يمكن حب بعد الزواج افضل من حب قبل الزواج
الله ساعدة عشان انك تتخطية محنتك الله يوفق بولد الحلال يكون احسن من الي حبيته
نحن نريد شئ والله يريد شئ والمكتوب مكتوب لو راح وين
تحياتي

المفروض كان يحاول من مره لألف
لكن صدقيني هذا نصيب

مانقول إلا الحمدلله

دفى الود:
من بغى الدح لا يقول (( اح ))

مافهت قصدك؟؟

موعود باحساس:
عزيزتي لا ترجعينله ... لان انتي سويتي الي عليك زيادة و مثل ما قلتي الزم ما على البنت شرفها...

هذي نصيحتي لك حبيبتي و وصليله عن طريق بنت خالته انك عمرك ما بتكلمينه مرة ثانية الا بالحلال يعني لو يبيك يجيك من الباب مو من الشباك

و الله يرزقك و يرزقنا بالزوج الصالح ان شاء الله

بإذن الله
مشكوره أختي لكلماتك الطيبه

خايفة:
بصراحة أنا منذهلة

كيف عرضت نفسك كبضاعة زهيدة الثمن يتسومون فيك العائلة كلهم

أعذريني على ألفاظي لكن اللي عملتيه بحق كرامتك وأهلك وإنسانيتك

صح تبتي ولله الحمد لكن كيف ذاك الوقت رضيتي تكلمي الأهل وتتخيلي نفسك بتكوني زوجة ولدهم وكيف بتكون نظرتهم لك وإنتِ تعرفي نظرة الناس اللي تكلم تلفون

شيء بديهي أللي عمله الأب معاك لأنه خاف على إبنه من هالطريق ولو أنا مكانه عملت أكثر

الحب ياعزيزتي مايجي بالتلفون والنت والزواج أسمى من هالطرق الملتوية

لاتفكرين ترجعي لانه مو من صالحك وصالح كرامتك

وتوبي لله وإنتظري نصيبك

مشكوره عالنصيحه

مملكة القلوب:



السلام عليكم ورحمة الله وبركاتــــــه

أنا راح أختصر لك ردي يالغاليه
وأقولك إياكِ وإياكِ وإياكِ
خيانة العهد مع الله سبحانه
وأصبري ربي راح يعوضك عنه خير
لكن تخونين العهد مع الله راح تقترفين ذنب عظيم
وربي يوفقك يالغاليه ويكتب لك الخير

ولكم فائق تقديري وإحترامي
دمتم بخير

يعطيك العافيه أختي
وبإذنه ماراح أخون العهد

غالية الأثمان:
وانا بعد أأيد رأي اختي مملكة القلوب وبشدة
صدقيني حبيبتي
وانت قلتيها بعظمة لسانج
من ترك شيء لله عوضه بأحسن منه
واسأليني انا مجربتنها الغاليه

والله يوفقج باحسن عنه
ادري ان الحب صعب
بس العهد مع رب العالمين
اغلى واعز من اي شيء ع هالوجود

ترى ربنا احن من الأم على طفلها
وهاي مقولة رسولنا الكريم

غاليتي

اياك وخيانة العهد
وصدقيني الله ما كان مقدر هالشيء الا لأنه بصالحج الغاليه
زيدي تقربا من الله واستأنسي بالله وصدقيني شيء رووووعه فهو الرحمن الرحيم
وهو اللي يقدر يقول كن فيكون .. سبحانه ,,

والله يفرج عليج دنيا وآخره

يعطيك الف عافيه

ودعواتكم لي الله يرزقكم من حيث لا تحتسبون

juliet&rambo:
اختي العزيزه مرموم...

اسمحي لي بس بكلمه اقولها لج.. عزيزتي .. اسلوب الانتقاد والتجريح ما ينفع مع شخص زلت ريله في الخطا.. بالعكس

لازم نتعاطف مع الاخت وكلنا نوقف ومعها ونثني ع موقفها صدقيني.. البنت اذا ما كانت حاسه بخطاها ما كانت بتوب .. وتتجرع الآلام

او بتشاركنا بمشكلتها ...

ونحن كلنا بشر هب معصومين م الغلط..من نكون نحن عشان نحاسب غيرنا ع خطاه؟؟؟

تحيـــاتي

*جـــوليت & رامبــــــــو*

سـARـحـSAـر:
اللهم أمين






مشكوره أختي على مدافعتك عني
ومن جد أسلوب الأخت قهرني

شكلها ماقرت كلامي كله ولا فهمت القصه

لكني وضحت لها كلامها وخطأها

وحصل خير

اللهم لاتزغ قلبي بعد إذ هديتني

السلام عليكم ورحمة الله وبركاته

هلا بكم أخواتي...

يعني طلعت أنا اللي غلطانـــــة !!!!

طيّب ...

عموما...ما كتبت كلامي هذا إلا لسبب واحد لمسته من كلام الأخت سحر...

و هو أنها طلبت المشورة منّا في هذا الموضوع...

معناه أن التردّد بدأ يرد إلى قلبها...و بدأت تسألنا

سـARـحـSAـر:
بسم الله الرحمن الرحيم
السلام عليكم ورحمة الله وبركاته
وكلهم مثل إللي يقولولي أرجعلي له لعل وعسى ربنا يكتب نصيب
لأنه خسر اهله كلهم عشاني
أبوه يعامله ولأكأنه إنسان
أمه ليل ونهار تبكي
أنا رافضه رفضاً باتاً
لأني تبت وعاهدت ربي وبإذنه ماراح أخون العهد
ودايم اقول لنفسي
من ترك شيئاً لله عوضه الله خيراً منه
والحمدلله لحد اليوم حالتي مستقره

فأسألكم إيش رايكم بحكايتي؟؟
ولو وحده منكم مكاني وش بتسوي؟؟
لو رجعلي وش أقوله؟؟
هل ممكن يكون هذا
إمتحان من الله عن مدى صبري ومقاومتي ؟؟
أنصحوني كأخوات وكأمهات وكبنات بتلقونها ذلك اليوم بميزانكم

أختكم في الله

ما المفروض يكون ردّي ؟

اللي عملته إني وضّحت لها موقفها في الأول...و الغلطات اللي إرتكبتها...علشان ترجع تفكّر فيها مرة ثانية و ثالثة و رابعة قبل ما تقدم على أي خطوة...أو تفكّر مرة أخرى في العودة...

هل بهذا أكون أخطأت...و جرّحت و إنتقدت...و الناس إنقهرت منّي ؟



عموما...الله أعلم بما في القلوب...و هو اللي يحاسبنا أجمعين...

الله يوفقك أختي في أي قرار تتخذيه...

أختي مرموم لاأنتقد كلامك ورغبتك في نصحي

لكن لم أكن أريدها بتلك اللهجه القاسيه

التي تعاتب بها فتاه مراهقه لاتعرف أين مصلحتها

كان تقدري تقوليلي بشكل توجيهي أكثر من إنه إنتقادي

لأن الإنسان في تجارب مثل كذا

صعب إنه على إللي هو فيه يتلقى إنتقادات لاذعه

وكل إنسان وله إسلوبه

وحصل خير وماني زعلانه

وأتمنى إنتي ماتكوني زعلانه

حبيبتي الله يكون في عونك
والبنات ما قصروا :) و طمنينا عن اخبارك

حبيبتي.... صديقتي حبت 4 سنوات... لكن إللي حبته رفض يتقدم لها بحجت الفرق الطبقي بينه وبينها وأنه ما يقدر يعيشها بمستواها الحالي..... و قالت له إذا تقدم حد لي مرة ثانية بوافق.... وصار وتقدم لها شخص من طبقة أقل منها ووافقت والحمد لله عايشة متهنية في بيت ريلها ... يحبها وتحبه....والله رزقها بنوته حلوة والثاني في الطريق...
والحبيب الأولي حاول يرجع لكن ما عطته ويه سواء قبل الزواج أو بعدة... وتوته توته خلصت الحدوته

السلام عليكم ورحمة الله وبركاته

الله يوفقك أختي

اشكرج على حكمتج والي يبيج يجي من الباب لانه اخير مكان

وخليج على ذكر الرحمن ولو كان يحبج بصدق بيتقدم خطبتج

اله يفك سرج وتكونين دووم مرتاحه

haya_m:
حبيبتي الله يكون في عونك
والبنات ما قصروا :) و طمنينا عن اخبارك

الله يسلمك أختي
وجزاك الله الف خير
إنشالله بطمنك

3roos-al3ain:
حبيبتي.... صديقتي حبت 4 سنوات... لكن إللي حبته رفض يتقدم لها بحجت الفرق الطبقي بينه وبينها وأنه ما يقدر يعيشها بمستواها الحالي..... و قالت له إذا تقدم حد لي مرة ثانية بوافق.... وصار وتقدم لها شخص من طبقة أقل منها ووافقت والحمد لله عايشة متهنية في بيت ريلها ... يحبها وتحبه....والله رزقها بنوته حلوة والثاني في الطريق...
والحبيب الأولي حاول يرجع لكن ما عطته ويه سواء قبل الزواج أو بعدة... وتوته توته خلصت الحدوته

ياألله
ماأسخفه من سبب
ماأحد يدري وين نصيبه

ويوفقك أختي مرموم

أختي العين الزرقا

الحمدلله على هدايته وتوفيقه
مشكوره أختي لإهتمامك وكلماتك الطيبه