قريبتي طالبة المساعدة

السلام عليكم ورحمة الله وبركاته

اخواتي بنات عروس

وحدة من قريباتي عزيزة علي طالبة مساعدتكم وعسى الله يكتب النهاية لمشاكلها على ايدكم

نبدا بسم الله.....
قريبتي متزوجة وعندها عيال وماشاءالله عيالها كبار اكبرهم بالثانوي
وزوجها ابن عمها والحمدلله يحبها ويخاف الله فيها(ماشاءالله )
ولانه زوجها يحبها تعاني دايما مشاكل مع حماتها واخت زوجها الاكبر
حماتها زوجها متزوج عليها وحدة قد بناته
واخت زوجها ..زوجها رجال شايب ومريض(الله يرفع البلاء عنه)رغم انه الله منعم عليهم
بس الظاهر تفتقد لرجولة زوجها لانه شايب ومو فاضي للرومانسية
وهي على حد قولها تقول انها كانت تزورهم دايما وتداخلت معاهم بس جاتها مشاكل منهم
حاولوا يشككوا زوجها فيها...(شوف زوجتك خط بيتكم مشغول...زوجتك مافيها ادب...)
ومن هالكلام
حتى في مرة حرضوه وطلقها:( بس ندم ورجعها لانه قلت لكم يحبها بس كثر الضرب على الحديد يلينه
ولما جاتها المشاكل صارت تزورهم بالمناسبات..وقللت الزيارات والتداخلات معاهم
فجاها الكلام اكثر
والحين صاروا ازفت من الاول
حتى حماتها يوم تشوفها تلوي بوزها ولاترد على سلامها
وشوفي سبحان الله..مرة حماتها حاولت تزوج ابنها اللي هو زوجها لبنت اخوها
وحاولت لكن الله رد كيدها في نحرها..وزوج بنتها الثانية تزوج عليها!!!!!!!!!
ان ربك لبالمرصاد
يوم تشوف ولدها تقول انا اتصل وارسل مسجات لزوجتك وما ترد علينا!!
رغم انها ما تتصل الا على جوال ابنها!
اعوذ بالله من الافتراء
قريبتي يوم تشتكي لي بصراحة انا اقولها اصبري واحتسبي بيجي يوم الله بياخذ حقك
لانه هذيك بمقام امك وخلليهم (ولاتحسبن الله بغافل عما يعمل الظالمون)
القذف في العرض ماهو شوية بهتان عظيم
والحين مسوين حزب مع حريم اخوان زوجها عليها
يوم يتجمعوا مثلا بعرس او العيد هات ياتنغز بالكلام والهمز واللمز
وطبعا محد يتحمل احد يضحك عليه!
وهي ياحليلها مو من النوع اللي ترد وتسوي مشاكل ولاتروح تشتكي لزوجها
تقول اشتكي لرب العالمين وبياخذ حقي منهم!


وطلبت مني اعرض المشكلة وراح اقوم بطباعة ردودكم كلها
وجزاكم الله عنها خير الجزاء
-----------------------
(هونت ما ابغى اعرس) ههههههههههه