*Lord & Berry كحل مثل سواد الليل* تفضلوا يا بنات وشكر خاص لأختنا ام سعيده

حبيبتي سهوره

احلى نوع استخدمته هو من ROCHAS

رهيييييييب و ما يخوز الا بالميك اب ريموفر

تحسين به كريمي و انسيابي....و معاه الاسفنجه اللي تخليه سموكي....وايد روعه من اكثر من سنه و انا استخدمه

مشكووووووووره حبيبتي الغاليه آنجل

any time dear :)

شكراً لج و لأم سعيده


وين ألقاه في أبوظبي ؟؟؟

بناااااااات البحرين

بشررررررى خاااااااصه

لقيت لكم هالماركة عند محلات " جميلة "
الحكل بالررروج بالاقلام المحددة بالمسكااار بالبودرة بالاساسات
بكل الي في هالمااااركة زااااوية خااااصة
في محلات جميلة

وانا شخصياً زرت إلى في المنامة مقابل محلات الخواجة
اليوم
ولسه راده وشريت الكحل


وطلع بـ دينار ونص



وروتني بعد كحل اركانسل نوعين الي قلمه كااااامل اسووود
حلوووووو كمااااااااااان

واتمنى اكون افدتكم جميعاً

بالخصوص نووواه الي سألت

تحياتي،،

مشكوره إختي الشيخة على مساعدتج لبنات البحرين

الله يديمكم لنا ان شاء الله وان شاء الله يعجبج الكحل

وفي النهايه

سفيرة فوق العاده

:up: مشكوره

السلام عليكم ورحمة الله وبركاته


هذا الكحل ووتربروف .. يوم كنت بالسعوديه اللي يبيع بنكتار قاعد يقنعني اشتريه ويقول هالكحل ما يقعد عندهم من كثر الطلبات عليه بس انا كنت شاريه من مكياجي فما اهتميت آخذه و ريفلون مرتاحه عليه وما غيرته سنين والحين تحسفت اني ما شريته لاختي لان الكحل يسيح عليها ...ويمدحون سواده وخطته


بس ان شاءالله لي روحه ثانيه للسعوديه و بضيفه لقائمة المشتروات :)



يعطيج العافيه حبيبتي وام سعيده ما تقصر ودايما تفيدنا

مشكورين على الردود الجميله

واذا احتجتو اي شي انا في الخدمه

وفي النهايه

سفيرة فوق العاده

انا امجربته ومااستغني عنه صج روووووعه مايسيح ابد

وسوااااااااده هم روووووووعه

وين في بوظبي ذبحتوني سواده مثل الليل ما يسيح

احتاااااااااااااااااااااااااجه وين بحصله لانى مرة سالت عنه في محل مكياجي قالوا مخلص من عندهم وين بحصله ساعدوني بليزززززززززززز

مرحبــــــــــــــــــا
بالنسبه للي كانوا يسألون وين هالماركة في بوظبي .. بتحصلونه في لايف ستايل
تسلمووووووون ياعرايس
بس أنا عندي استفسار و انشالله سفيرة فوق العادة أو السهر ممكن يساعدوني فيه
الحين الكحل من ماركة Lord and Berry هل هو قلم، اي شادو أو سائل؟ هل يستخدم مع الماي ولا لا؟
يعني اذا رحت المحل شو اقول للي تبيع عشان تعرف طلبي؟
ماطلعت عندي الصورة عشان شيه اسأل

اما بالنسبه لماركة ريفلون أو ريفليون .. هل الكحل قلم ولا شو؟


الله يعطيكم العافية على هذي المعلومات و المجهود (أم سعيد، سفيرة فوق العادة، السهر)
بانتظار الرد

يا مرحبا فيج اختي ورد جوري

انتي تامرين امر وسامحيني اني تأخرت في الرد عليج

اي وردتنا هو عباره عن قلم يعني ما تستعملين وياه ماي ولا شي ولما يخلص تبرينه بالمبراه ، وفيه عندهم سائل بس انا ما استعملته بس استعملت القلم وروووووووووعه بصراحه لا يسيح وسواده حلو بس اذا بيطول على عيونج لأكثر من 6 ساعات لازم تحطين مره ثانيه على نفس الخط الأولي وبتلاحظين انه ما ساح.

ان شاء الله اكون افدتج بهالموضوع

سفيرة فوق العاده

حبيبتي سفيرة فوق العادة مسموحه ... تسلمين الغالية على الرد
الله يجزيج كل خير .. انشالله بروح المحل و بشتريه
ألف ألف شكر حياتي .. والله يعطيج العافية

السلام عليكم ورحمه الله وبركاته

مشكوره اختي سفيره فوق العاده

بما ان ماعندنا في الكويت لا محلات مكياجي ولا ماركه لورد اند بيري بس اذكر اني شايفتها بس مو مثبته المكان

عاد سؤالي عن كحل ريفلون يعني احسن من لورد اند بيري واي واحد فيهم تقصدونه لانه مااحب اللي يتبرى احب اللي يفتر عرفتوا بشنو تنصحوني لانه ودي فيه من كثر ماسمعت عنه بالمنتدى

وانا الحين استخدم كحل ليدي اوف ديانا اسووووووود وحلووووووووووووووو من نصيحتكم :)

وين القاه بالشرقية
الكحل الاسووود lord & Berry

اذا كان مكياجي ؟ على قولتك ما عندهم الماركة هذه ؟
وين القاه ؟؟؟؟
عند مين

سفيرة فوق العاده:
يا مرحبا فيج اختي ورد جوري

انتي تامرين امر وسامحيني اني تأخرت في الرد عليج

اي وردتنا هو عباره عن قلم يعني ما تستعملين وياه ماي ولا شي ولما يخلص تبرينه بالمبراه ، وفيه عندهم سائل بس انا ما استعملته بس استعملت القلم وروووووووووعه بصراحه لا يسيح وسواده حلو بس اذا بيطول على عيونج لأكثر من 6 ساعات لازم تحطين مره ثانيه على نفس الخط الأولي وبتلاحظين انه ما ساح.

ان شاء الله اكون افدتج بهالموضوع

سفيرة فوق العاده

هلا والله ورد جوري وإسمحيلي على التأخير بس كالعاده سفوره ماقصرت بس حبيت أضيف على كلامها أنا جربت السائل من عندهم (لورد أند بيري ) وطلع حلو صح مب تووووب لكن حلو يعني إستخدامه للنهار

أما بالنسبه لقلم الكحل من ريفلون هو قلم هيه ومثل ماذكرت قبل عندي إياه في المرتبه الأولى :smile:

مسحوره:
السلام عليكم ورحمه الله وبركاته

مشكوره اختي سفيره فوق العاده

بما ان ماعندنا في الكويت لا محلات مكياجي ولا ماركه لورد اند بيري بس اذكر اني شايفتها بس مو مثبته المكان

عاد سؤالي عن كحل ريفلون يعني احسن من لورد اند بيري واي واحد فيهم تقصدونه لانه مااحب اللي يتبرى احب اللي يفتر عرفتوا بشنو تنصحوني لانه ودي فيه من كثر ماسمعت عنه بالمنتدى

وانا الحين استخدم كحل ليدي اوف ديانا اسووووووود وحلووووووووووووووو من نصيحتكم :)

هلا وغلا مسحوره

أختي أنا أستخدم الإثنين وأشوف إنهم إثنينهم روووووووووووعه بس الأحسن عندي هو ريفلون بالأخص داخل العين

هلاوين:
وين القاه بالشرقية
الكحل الاسووود lord & Berry

اذا كان مكياجي ؟ على قولتك ما عندهم الماركة هذه ؟
وين القاه ؟؟؟؟
عند مين

هلا فيج هلا وين

حبيبتي راح تلقينه عندكم في نكتار بكل فروعهم :smile:

رمز المحبة:
وين في بوظبي ذبحتوني سواده مثل الليل ما يسيح

احتاااااااااااااااااااااااااجه وين بحصله لانى مرة سالت عنه في محل مكياجي قالوا مخلص من عندهم وين بحصله ساعدوني بليزززززززززززز

إسمحيلي الغاليه ماإنتبهت على مشاركتج بس أظن في أبوظبي تلقينه في كارفور :shy: