رأيكم بالعادات الجديدة؟؟؟؟؟؟؟؟؟؟؟

من ناحية الزوج يمسك ايد زوجته شعور حلو ورومانسي وشاعري












لكن










بالشارع أو بالأسواق مب حلوة

لكن في حالة أماكن مرتفعة ما تقدر تصعد لها ممكن خخخخ حلوة هذي

الله يهني سعيد بسعيدة

تسلمين على الموضوع

انا اشوفه شي عادي .. يعني اذا ماسكين ايد بعض مب مشكله ومافيها شي احسن من ان الزوج يمشي في صوب والزوجه في صوب يخلي اللي يشك انهم متضاربين وطول ما هم ماشين باحترام ليش لا مافيها شي .. بس ما أيد الحركات اللي تستوي ان الزوج يحضن الزوجه او يحط ايده على خصرها لان مب حلوه وخاصة في مجتمعنا المحافظ


تسلمين الغاليه على الموضوع

اخويتكم الصيدلانيه

يسلموووووووووووووووووووا على مروركم الكريم

انا اشوف ماله داعي يمسك ايدها شنو يعني بتضيع منه
اذا كان في مكان زحمه اوكي مب مشكله بس في بعضهم واايد يبالغون وانا لاحظت شي وانا مسافره في الطياره واستغربت الصرااااااااحه واالمشكله لو اجانب بنقول اوكي مب مشكله اما خليجي يحظن زوجته ويبوسها ويسوي حركاااااات وقحه الصراحه قدامنا في الطياره مابقى شي ماسوالها

...و مثل ما يشوف كل العالم يمسكون ايادي بعض...قام يمسك ايد حرمته....

ما يعجبني المنظر
ليش كل العالم يمسكون ايادي بعض؟ لا يضيعون!

وللاسف الشديد...اعرف وحده طلبت الطلاق من زوجها لانها ما كانت ترضى تمسك ايده...فشافوه في احدى المولات ايده في ايد اجنبيه!!!!

:eek:
افتكت منه - ناس ماتقدر النعمة!
من يدري لو ماتطلقت يمكن يروح يدور وحدة تسوي له محشي لأن زوجته ماتعرف

يعني شو كانت بتخسر لو مسكت يده و هي حليلته.....خلته يدور على وحده تانيه فري تسوي الي يباه

هي ماخلته يدور، أفكاره المتخلفة هي اللي خلته يدور
يعني مابيصير رجال إلا إذا شافوه ماسك وحدة!

طبعا لكل مقام مقال
اذا كانت المسكه العادية هاذي مافيها مشكلة بل دليل على الموده والتفاهموخاصة انها مب حرام لكن الضم والبوس لا عندهم بيت ويسوون فيه اللي يبون بعيد عن عيون الناس

تسلموووووووووون تسلمووووووووووووووون على مروركم الجميل



أختكم شدددددو2006

centrino

مسك اليد مش مسأله ضياع...لما تتزوجين ان شاءالله بتعرفين معنى مسك اليد...وكيف يزيد الموده والرحمه بين الازواج..:)

اعتقد انه شئ عادي

ما جالسين يسوون شئ غلط بصراحه


الاختلاف في الراي لا يفسد من الود قضيه

لكن مثل ما كان الرسول يبين لنا الابتعاد عن الشبهات يكون احسن يعني اذا هم معروفين انهم ازواج فاعتقد عادي الا اذا كانوا غير معروفين فالابتعاد عن الشبهات مطلوب في هذه الحاله.
مشكوره

حركة مب حلوة كللش :down:

يعني ما يبين الحب و الود الا في السوق

هههههههههههههههههههههههههههه ايه والله وقااااااااااااااحه

السلام عليكم ورحمة الله وبركاته


عن نفسي ممكن أأيد مسك الإيدين في موقفين:
اذا صدف مثلا في السوق زحمة ورياييل وايد ممكن الواحد يمسك إيدين مرته عشان يتفادى ان حد
ماشي يلمسها في الزحمه أو خاف مثلا ان حد يعاكسها

ممكن بعد يتمشى الزوجين في الليل ومافي ناس يمسكون ايدين بعض.....رومانسيه حلوة وبعيدة عن عيون الناس


أما غير جيه بصراحه ما أأيده أبدا عشان منظر الزوجين يكون وايد ملفت وخصوصا لو الزوجه ميوده ريلها بايديها الهنتين............يعني ممكن الرياييل يبحلقون فيها أكثر................

ولو الزوجين محتايين حركات رومانسيةـ البيت أستر لهم

تسلمووووووووون يااخواتي على مروركم الكريم والتفاعل معايه

بصراحة أنا ها الحركة تنرفزني مرة الوحدة تمسك يد زوجها كأنه بيطير منها
وأنا ما الوم الحرمة ألوم الرجال كيف يسمح لنفسة قدام العالم يسوي ها الحركات
الحمد لله على العافية

السلام عليكم ورحمة الله وبركاته


مشاء الله عليكم يا بنات انتو اخذتو الموضوع بمشراع وميداف مثل ما نقول :cool2:

أول شي احب اقول .. الحركه هذي سواء كانت من عاداتنا او مو من عاداتنا لازم نلفت انتباه للكل ان هذه حريه شخصيه في الاول والاخير .. صحيح هي يمكن تكون غير مقبوله للبعض بس ممكن يشوفها البعض انها شي عادي ..... صح !! واحنا ما نقدر نحكم عليهم ولا حتى لنا الحق نحتقرهم:no:
بس نقدر نقول الله يهديهم ..

الشي الثاني يمكن هلاشخاص الي يسون الحركه هذي .. ما يهمهم الناس هم ماعليهم الا من نفسهم .. واهم شي انهم مرتاحين من الي قاعدين يسونه لا يقلل من قدر الريال ولا الحرمه ..
اهم شي انهم مقتنعين انهم مرتاحين من الشي هذا ... بس في بعض الحريم يتعمدون يسون الحركه هذي بالاماكن العامه عشان الغيره الزايده ... :down:

وفي الاخير عشان ماطول عليكم رأيي الشخصي مثل ما تفضلت الاخت ممكن الرجال يمسك ايد مرته او احيانا يلفها بيده لمه يشوف ان المكان كثير مزدحم مثل معرض خوفا ان احد يتعرض لها او يتحرش فيها مثل ما يحصل في بعض المعارض.. او احيانا يصير مسك ايد خفيف او لمسه .. بالاصابع واحس الش هذا قمه في الرومانسيه لأن احسه يطلع من غير تعمد بالعكس طالع من القلب ... انا مره كنت رايحه السعوديه وشفت حرمه سعوديه كانت مع زوجها وكان واضح ان زوجها كبير في السن يعني الاربعينات .. وكانت الزحمه مزعجه بحركه ناعمه خلت اصابعها في شعر زوجها وفكرت فروته بنعومه ونزلت يدها وكانت حركه خفيفه مره يمكن محد لاحظها .. بس احس كانت طالعه بحب وحنان .. وكانت في وقتها ...... في اشياء حلو لمه تصير طالعه في وقت مو محسوب ....
:shy:

تحياتي لكم ولا تاخذون الموضوع بحساسيه ....... :up:

والله عاده سيئه جدا

كلامك صحيح وانا اعتبرها ملاقه يعني مايبين الحب الاقدام الناس

الحمد لله والشكر تشوفين بعض الحريم متشربكه فيه تقولي بيطير منها

حبيباتي ليش مكبرين السالفه
كونه الريال ماسك ايد مرته مافيها شي ابدا هذي مرته وانا عن نفسي ريلي يوم نظهر لازم يمسك ايدي مع اني يوم اشوف ناس استحي واحاول انزلها بس هو يتم ماسكها اما بالنسبه للحضن ولمس الخصر لا الصراحه هالشي قوي واااااااااايد
وارد لسالفه اليد مافيها شي لو الريال دلع مرته بالطريقه الحلوه واللي مش قويه وبصراحه هالزمن لازم الحرمه تكون ربيعه ريلها وحبيبته وزوجته مش امه عشان تمشي قدامه ولا وراه والحين ياما نشوف مناظر في الكوفي شوب ريياييل شباب وشياب مع زميلات العمل وهو يمسكلها الكرسي قبل لا تقعد ويشيل عنها الاكياس ومرات بكل وقاحه يمسك ايدها وهي لا مرته ولا شي
ليش عيل ما يسوي جي لمرته وبسنا عاد من الفشيله والفشيله لانه المره اللي ما تسمح لريلها انه يدلعها متى ما هو يبى بهالطريقه تجبره انه يدلع غيرها وهالكلام واقعي وبالذات بهالزمن اللي كل المفاهيم فيه تغيرت
وارد واقول الحضن ومسك الخصر شي فعلا قوي في الاماكن العامه وماله اي داعي

انتوا ماتلاحظوون ان هالعاده كل يوم تزيد
شكلهمممم مو حلو وهم ماسكين بعض