يعلم الله كيف لك في قلبي غلا..ويعلم بعد كيف عني ما تغيب..!

سلام عليكم..

مسجاات اليووم اتفضلووو..




ياهوه ياكشخة دموعك زادتك عندي وقار
ادخل على الله من دموع العين واللي صبها

تكفى فديتك.. قل لدمعك لايزيد الانهمار
تراه يجرحني ولو طاول ضلوعي شبها

شلت البيارق وانتزعت الفوز واجتحت الديار
والعالم اللي تنتحل فعلك خفوقي كبها

تدري من المسكين في هالكون كله.. باختصار
اللي تحبه روحك العذبه وهو ماحبها..

......................... .....................

يعلم الله كيف لك في قلبي غلا
ويعلم بعد كيف عني ما تغيب

بس الظروف تجبر الانسان لو مابغى
يبعد عن الغالي وهو في قلبه قريب

......................... ..................

هم يحسبون المسأله كلها سلك
اذا انقطع تقطع معاه المسالك

ولا دروا اني بالاحساس ابادلك
مو شرط اشوفك واسألك كيف حالك

احس بك لو كنت ماني مقابلك
وتحس بي لو كنت ماني قبالك

دايم وفكري في حراوي منازلك
ان جا مجالك ولا ما جا مجالك

تدري وش اللي بس يقطع تواصلك؟
الموت بس الموت يقطع وصالك؟؟

......................... ................

الجديد ان الهموم اكثر من اول
والسعادة طيف يذوي كل يوم

الجديد ان الحزن بالعين حول
والفرح في نظرتي صار مهزوم

......................... ............

يامن عليك العين تبكي من الشوق
ويامن عليك القلب زايد خفوقه

لو كان قلبي من سبايبك محروق
اجحد واخفي لو تزايد احروقه

حيثك عزيز وعندي اعز مخلوق
ولا فيه حب الا "محبتك" فوقه

......................... ..........

دورت لك بين الرسايل رساله
تليق في حضرة جنابك وتسوى

لاخترت بيت قلت ادور بداله
واشطب على هالبيت وادور اقوى

واقول مو اي شي قدرك يناله
جيتك بكبري بس ((عساني اسوى))



وشكراا