البنات و الكوفي شوب و السينمات

بسم الله الرحمن الرحيم

لا حبيبتي تفكيرج صح والتعصب اللي فيج من غيرتج على دينج


انا بعد انقهر لما اشوف هالاشكال

وهالبنات للاسف بايعين انفسهم عشان ينشافون

انا مو ضد ان البنت تروح السينما او الكوفي شوب بس المفروظ يكون معاها مرافق رييال او حرمه فاهمه وعاقلة

مو مراهقة وطايشة

لان الشباب بعد يعرفون شلون يقصون على البنت بكلمتين وكم ابتسامه عشان جذيه لازم تاخذ احتياطاتها

عشان ماتغلط

بس سالفة اني اروح واضحك واتكركر واعلي صوتي لاهذا عيب وحرام بعد واي بنت تحب تفسها ومحترمتها لايمكن

تسوي جذيه

وشكرا حبيبتي على طرح الموضوع


تحياتي

#رومانسية#

ما اقول غير لله يهديهم ويهدينا جميعا يا رب

للاسف هم على بالهم انهم بكذا بنات فري ووناسه وان هذا التطور والتقدم

الله يهديهم يا رب ويثبت قلوبهم على العقل والرزانه

اكييد هالحركااات سخيفه وحركات مراهقين والي تسويهم ماتخاف على سمعتها
بس في وايد ناس يروحون ويقعدون بكل ادب واحترام حتى لو بنات بروحهم ... والمفروض ان الوحده قبل ماتروح تتاكد من سمعه المكان لان في اماكن محترمه وتكون كلها عوايل وفي اماكن بالعكس
بالنسبه للسينما صراحه انا ما اايد بنت تروح بروحها ما ارتاح

والله يا اخواتي اتفق معاكم 1000 %
لان هالحركات دخيله علينا ... من كم سنه ما كنا نشوف هالمصايب و هالمياعه و قلة الأدب
لا الدين حلل و لا العادات تسمح بالمسخره و الانحطاط ...
و الصراحه حلاة البنت تدخل المجمع تقضي حاجاتها و تطلع .. مافي داي تتقصع و تصنكح في الكوفي شوبات

و بخصوص السينما حدث و لاحرج ... في بنات يدخلون عروض متأخره بعد نص الليل بروحهم ... هذول وين اهلهم ؟؟

انما الامم الاخلاق ......

انا ماعندي خلاف لروحة البنات الي الكوفيات او السينما بس تحاول قدر الامكان انها ماتلفت الانظار
يعني انا مثلا اذا قررت اني اسير سينما اذا شفتها مترووسه مادش واذا شفت انها فاضيه واللي فيها ينعدون على الاصابع اسير ايلس مكاني ومايخصني في حد ولا اسوي شي يلفت النظر حتى موبايلي اخليه على الصامت من اطلع من البيت واذا اطلع اسير ويا اختي الصغيره يتحسبونها بنتي لان شكلي كبيره

فما احاتي هالناحيه واذا شفت بنات يسوون الحركات اللي بالي بالكم ماتعب عمري وايلس اطالعهن اطنش وماحرق اعصابي اذا اهاليهم راضييين ومخلين بناتهم فالتوه انا مافي ايدي شي اسويه


مع التحيه

اختي white
مع احترامي حق رايج بس ما اعتقد ان الكوفي شوب مكان مناسب للبنات يروحونه بروهم
ما بقولج اني ما جد دشيت كوفي شوب لا دشيت بس مب بروحي و لا ويا ربيعاتي البنات
لا كنت ويا امي و ابوي و اختي
لان الشباب اذا شافوا الوحدة ويا ابوها و لا اخوها ما ايوون صوبها

ليش يعني ما نطلع ويا اهلنا انا بصراحة ما استحي اطلع ويا امي بالعكس اكون واثقة من عمري اكثر ان محد بيرمس علي و لا بقول عني رمسة مب زينة


هذا رايي و اسمحولي




و السلام ختام:cool:

انا رايي من راي فطيم 19

الحمدالله ماعندنا سينما
بس الكوفي ولله الحمد محل مغلق وخااااص للنساء فقط

للاسف هذا يعتبرونه تحرر
وتطور
والله يهدي الجميع

السلام عليكم

موضوع حلو تشكرين عليه أختي

بالنسبة لي ما احب اروح اي مكان مزحوم بالشباب بروحي او نكون بنات لحالنا الا اذا معاي احد من اخواتي الكبار لكن هم نفسهم ما يرتاحون

اما اذا كان المكان كبير ومفتوح ومو مزحوم فعادي اكون مع صديقاتي بس نكون محترمات انفسنا بدون ضحكات مايعة

السينما ما احب اروح للان ممكن يصادف المكان اللي اجلس فيه جنبه صبي والاهل ما يوافقون دخول البنات للسينما من دون رجال معاها

الموضوع حلو اختي

صحيح في مجموعة بنات يروحون الكوفي شوبات والسينما ولهم حركات ....... الله يهديهم بس

وهذا اللي يخلي الناس يفتكرون ان اي بنات رايحين السينما او الكوفي شوب يعني لهم حركات ومياعه ومصاخه

الصراحه انا اروح مع رفيجاتي او خواتي السينما والكوفي شوبات والمطاعم ولا قط مره حد استجرى يقرب منا ولا يقط علينا كلمه ولا قط حد دفع عنا الحساب

نقعد في حالنا ونسولف ونضحك بس مو الضحك المايع طبعا اللي يسمع المكان
والبنات اللي حق المعاكسات والسوالف البطاله ينعرفون من حركاتهم ونظراتهم والتفاتاتهم .... الخ
واللي ما يبون هالسوالف لو ياخذون راحتهم ويقعدون بالساعات صدقيني محد راح يقرب منهم ابد
كله يعتمد ع البنت هي اللي تجذب الشباب لها او انها تبعدهم عنها وتخليهم يخافون بس من فكرة انهم يقربون منها

وبخصوص ان في السينما ممكن يقعد جنبي شاب
بالعكس احنا ناخذ في قسم العائلات ودايما نترك فراغ بينا وبين الحجز اللي جنبنا يعني كرسي واحد عشان محد يقدر يحجزه ويقعد وسطنا ويلزق فينا

:)

والله يعطيج العافيه على هالموضوع الشيق

لي عودة للموضوع ...

عدنــــــــــــــــــــــــــا

شحاالكم ...

بالنسبة للكوفي شوب ... اذا كان مكان خاص للنساء .. ماشي مشكلة ... تروح وتستانس وتسولف وتضحك ويا ربيعاتها او اهلها ...
يعني عشان تغير جو .. اوكييه
اما لو كان مكان عاام وكله شباب وزحمة ... فانا ضد انه البنت تروح هالاماكن حتى لو ويا محرم .. لانه اصلا كيف تاخذ راحتها في مكان عاام كله شباب ؟؟؟؟
الافضل انها تطلب اللي تباه وتشله معاها البيت تاكل وتشرب عراحتها ....

اما بالنسبة للسنما ... تبين الصدق ولا مرة في حياتي دخلت سينما ؟؟؟؟؟ ولا عمري شفت شكلها ؟؟؟ لو حد يصورلنا شكل السنما من داخل يكون سوى فيني خيير هههههههههه فيني فضوول ابى شاوف شكلها كييف....
المهم السينما ... مكان عاام ؟؟؟ عمري ما سمعت بسنما للحريم فقط ... فانا ضد انه البنت تروح السينما ...
ممكن تقولولي انه في وقت ما يكون زحمة وماشي شباب ... ولكن حتى في هالحالة ما احب روحة البنت للسينما ..
يعني شو بيصير لو شفتي فيلم في البيت ؟؟ عاادي ... اصلا والله احلى تاخذين راحتج اكثر .. بدال ما كل ساعة تعدلين الشيلة ... ما ادري كيف تتحملون تيسلون عالكرسي ساعيتن او يمكن ثلاث ... احلى شي الواحد ينسدح ويسكر الليت ويحط البوب كورن عداله ويشوف الفلم عراحته في بيته .. صدقووني احلى ....
وبعديين الصرااحة انا ما اروم اتحمل ايلس بدوون ما اعلق على كل لقطة من الفلم هههههههههههه .... تخيلو اعلق عالفلم جداام النااس .. شو بيقولون عني ... لا لا خلوني في بيتي احسلي واسترلي ....

ادري واايدين ما بيعجبهم كلااامي ... بس هذا راايي ... وكل وحدة عقلها في راسها وتعرف اللي يضرها واللي ينفعها ...

بنفسوجة

مادري بس احنا بالكويت الحمد الله مستحيل توصل لهدرجه .. مثلا السينما بالكويت مكان كل العوايل يروحونله وفي امن وفصل بالكراسي وعمري ماشفت شي غلط .. بس انا مو متعوده اروح مع رفيجات او بنات بروحنا

تسلمين اختي على هالموضوع وانتي اكيد ماكتبتي هالموضوع الا من غيرتك على دينك
فجزاااااك الله الف خير واكثر من امثالك الطيبين..
انا مثلك صراحه لما اشوف هالحركات يرتفع ضغطي توصل معي يعني شي ابد مو لايق لبنات مسلمات وغير كذا خليجيات
ضحك ومياعه وقلة ادب والجوال على طول في يدها تستقبل ..
انا صراحه صرت اكره اروح بعض المجمعات عشان لااشوف هالاشياء واتنرفز
واحمد الله ان ماعندنا في السعوديه سينما ولا كملت المسخره
مااقوول بس الا " اللهم اهدي شباب المسلمين اللهم اهدي نساء المسلمين"
ومشكوره على الموضوع(f)(f)

اي والله كلامك صح 100%


انا انقهر من شي وااااااااحد وما اعرف ليش هم هيك يتصرفو

لما يجو بنات الخليج لهن لبلد غربي يتغيرو ويصيرو شي اخر

العباية وبعض الاحيان الحجاب يرموه على مقعد الطائرة ...

ويجو يجلسو في الكوفي شوب اللي طاولتها خارجية .. يعني في ساحة السوق

ويبدا يضحكوووووووووووو ويتكلمو ... علشان يلفتو الانتباه ..

ااااااااااااخخخخخخخخ على بنت الاسلام شو كانت في المرجان متخبية مستحية

والان ما شاء الله ... لا حول ولا قوة الا بالله

ليش هناك في رب وهون ما في ..

لا حول ولا قوة الا بالله

أشكر تفاعلكم بالموضوع

اختي بنفسجة العين كل الكلام الي قلتيه صح

بس وين شي كوفي شوب خاص حق الحريم؟؟

الي في كارفور كله مفتوح

و في العين مول Gloria Jeans في مكان مسكر

بس احس الي نازل من الدري ممكن يشوف

و لا شو راييج؟؟؟؟





و السلام ختام:cool:

Lo0o0o0onely:

أشكر تفاعلكم بالموضوع

اختي بنفسجة العين كل الكلام الي قلتيه صح

بس وين شي كوفي شوب خاص حق الحريم؟؟

الي في كارفور كله مفتوح

و في العين مول Gloria Jeans في مكان مسكر

بس احس الي نازل من الدري ممكن يشوف

و لا شو راييج؟؟؟؟





و السلام ختام:cool:

والله الغاليه ما ادري ... انا الصراحة ما اروح كوفي شوباات .... بس فلنفرض انه سوولنا كوفي شوب خاص للحريم فقط .. في هالحاالة بنرووح شو ورانا ...؟؟

بنفسوجة

صدقتي اختي بنفسجة العين

نحن عرايس منتدى عروس نطالب بكوفي شوب خاص حق الحريم


يالله يبت لكم مشروع

ترا الارباح النص بالنص:cool:






و السلام ختام:cool: