والله اني خايفة

السلام عليكم ورحمة الله وبركاته

خواتي العزيزات

الصراحة المنتدى روعة وكل العضوات فيه ايننون وعايشين مثل الاسرة في بيت واحد

انه بقول لكم مشكلتي

الصراحة انه اليوم كنت طالعه معا امي وخواتي وثنتين من ربعي معاي

المهم انه وحدة من ربعي صار خاطرها في دونت

فامي وخواتي قالو احنا بنجدم عنكم بنروح عن باب المجمع ننتظركم وانتو اشترو دونت ولحقونا عند الباب

المهم انه امي وخواتي جدمو

وانه وربعي رحنا بنشتري الدونت

عاد واحنه في طريجنه لي المحل اللي يبيع الدونت

ماجوف الا رفيجتي تقول قاعد يصور.. وسيدة حطت يدها على ويهه يازعم تحك خدها.. وانا سيدة وديت ويهي الصوب الثاني.. اما الثالثة من الخرعة وقفت مكانها و الغبية تمت اتطالع الشاب واهو ميود التلفون...عاد احنا مشينا الثالثة يوم استوعبت السالفة بسرعة يات معانه

والشاب كان يوجه كامرة تلفونه مع تحركنا

المهم احنا مشينا بسرعة.. و من الخوف ما قدرنا نسوي شي... يعني تقدرون تقولون انه احنا تخرعنا وماعرفنا شلون نتصرف في ذاك الموقف

المهم رحنا خذنا الدونات ومشينا

................................................................

المهم يا بنات اني الحين انه وايد خايفة من اللي صار

وخاصة اني يوم فكرت وجفت روحي... اني ما كنت لابسة شي فاضح ولا شي ضيج عشان يقوم يصورني... كنت مأدبة وماشية في طريجي وماكنت اسوي اي حركة غلط
كنا انه وربعي ماشيين نسولف والا مرة وحدة صار اللي صار


الحين انه اهدي روحي اقول ان احنا كنا نمشي فما ببين في كامرة التلفون عدل

او حتى اقول اذا كان يصور فيديو ما ببين ويهنا عدل لأنه كنا نمشي واهو يحرك التلفون فما بنبين عدل

والصراحة هالشي مو اول مرة يصيدني

في مرة من قبل كنت ماشية مع ابووي وكانو يحاولون يصوروني

والحمدالله واني تنبهت وسيدة قمت طلعت اي سالفة من عندي وقعدت اقولها حق ابوي

والله اني تعبت من هالشي

انا ما البس شي فاضح ويصيدني جذي
ما البس شي ضيج ويصيدني جذي

ما احط مكياج مثل البنات كاني رايحة عرس ويصيدني جذي

اللهم اني احط كحل وقلوس ما يبين بعد

والله اني من اخر شي صادني صرت وايد خايفة

خاصة في هالوقت السوالف زايدة

ماعرف شاسوي

في صلتي دعيت ربي انه مايصير فيني شي

او انه الصبي ماكان يصور واحنا كان ظنا غلط

او دعيت انه لو صج صورنا التلفون يحرتق يتكسر يصير فيه ايشي

ساعدوني بنات ريحوني

والله اني تعبانه وابي مساعدتكم