إللي موعد ولادتها في شهر أبريل (وإذا قبلة, مو مشكلة), تتفضل للإفادة
miss honey
12-08-2005
653 رد
27,101 مشاهدة
ريـــم البــوادي:
بسم الله الرحمن الرحيم
شخباركم يا بنات من زمان ما كتب لكم انشالله كلكم طيبين وشخبار البيبيهات مجنينكم تنتظرون متى يطلعون وتشوفونهم وتستانسون عليهم اكيد مثلي يالله جريب انشالله
بسالكم يبنات من اللي جاها الطلق الكاذب مثلي انا من دخلت شهري وانا تغريبا كل اسبوع احس بالطلق ولما اروح للمستشفى تقولي هذي طلق كاذب من كثر التفكير :cry:واتضايق حيييل وارجع للبيت واتفشل قدام زوجي عقب كل هالحشره يطلع كاذب:o
واقول مره ثانيه بسكت ما بتكلم لكن ما اقدر من احس بشي لازم اقوله واقول لامي ويالله يالله على المستشفى خخخخخخخخخخخخخخخخخخ هالمره يمكن يجيني الطلق الصادق وما يصدقوني:dd:ويخلوني اولد بالبيت يالله الله يسهل علينا جميعا انشاء الله ويقومنا بلاسلامه احنا والبيبي:up:
ريم البوادي....
أنا ما إجاني الألم بس مرة وحدة.... و ما قلت لأي أحد بس لزوجي... وانتظرت يزيد الألم ويجيني طلق علشان أروح للمستشفى... بس الألم راح.... والحمد لله... قاعدين ننتظر الطلق الحقيقي....
اليوم كان عندي موعد و كل شي طبيعي و الحمد لله. بس كان عندي السكر زايد.... و قالتلي حجم الطفل شوية زغير... بس مو مشكلة, لأن قريب للحجم الطبيعي, حجمه 2800 g....
إنشاء الله ولادتي ما تتأخر.... مشتاقة أشوف ابني فحضني....
الله يتمم لنا على خير
و ما تشوفين شر حبيبتي تلميذة...
و اختي العزيزة مس هني...
سويتي فحص سكر متى؟؟
أنا طلبت منهم يسوون لي فحص سكر ... قالوا لي ما دام سووا لك فحص السكر في الشهر السابع بس خلاص
كل شيء تمام...
و باقي عن موعدي بالألترا سوند اسبوع تقريبا.. الله يسهل علينا جميعا
وينكم بناااااااااااااات!!!
أحس بآلام تصدقون ....!!!
ما ادري يمكن موعد ولادتي بيصير قريب ...!
كلكم ولدتوا و خليتوني ...؟؟؟
ما في احد!!!
وأخيرا ولدت في تاريخ 31\3\2006
وجبت احلى فاطمه بعد عناء اكثر من سبوع طلق
يالله عقبال الجميع :)
مبروك حبيبتي وتتربى بعزج وعز ابوها والحمد الله على السلامه
اخت المحمديه انا بعدني صامده لا اوجاع ولا شي الحمد الله بس احس بضيق تنفس لما ارقد
ان شالله تولدين قريب وتبشرينا
وينكم يا كروشات
السلام عليكم ورحمة الله وبركاته
شحالكم يا أمهات المستقبل؟
وينكم؟
أكيد ربيتوا بالسلامه :shy:
حبيت أبشركم و أخبركم بأني ربيت بتاريخ 20 ابريل 2006 و يبت راشد :bigsmile:
الله يجعله من المواليد الصالحين يارب و اياكم
قصة ولادتي كانت متعبه و تميت ف المستشفى كمن يوم لأن رشودي فديته كان تعبان شويه،،
يالله الحمدلله ع كل حال إن شاء الله بكتبها قريب..
يالله اللي ربت تدخل و تطمنا ع صحتها و صحة البيبي :clap: (r)
بانتظاركم.. :salam:
بانتظاركم..
سلاااااااام شلونكم???? والله إلكم وحشة........
شلونك روح سوالف...?? الحمد لله على سلامتك...
أنا ولدت يوم 22/4 وجبت رضا....
الله يرزق كل محرومة و ايقوم كل حامل بالسلامة.....
وينك المحمدية??
حلوين المشم و باقي البنات... إنشاء الله ولدتوا بسلامة.....:shy:
ننتظركم علشان نفتح موضوع جديد..... نتحدث في عن قصص الولادة :gum: و فترة النفاس :sad: و هوسة الأطفال.... :pain:
شو رايكم???
ا
الشمعة الباكية
عروس مشاركة
27-05-2006 | 06:41 PM
اهلين يابنات وياخوات
انا ولدت جبت بنوتة يوم 27/3/2006
بس ياعمري هي كل تبكي
بس ماعليش تكبر وتهدأ والحمدالله على سلامة الجميع
سلام عليكم يا بناااااااااااات ...:salam:
شخباركم ؟؟:cry:
مشتاقة ... مشتاقة لكم !!:cry:
إن شاء الله كلكم قمتمون بالسلامة ...
قصة ولادتي قصة عجيبة ... بتستغربون منها لما اقولها لكم ؟؟
شخباركم كلكم ... حبيباتي:flower:
ريماس
مس هني
سامبتيكا
شيخة
تلميذة
.... و كل اللي ما كتبت اسماؤهم..!
خاطري اسمع اخباركم و قصصكم و شعوركم بعد الولادة و بالذات اذا كان اول مولود :up:
حبيبتي مس هني ...
ان شاء الله قرت عينك بالمولود ,,
و ولدت انا معااااااااااك فجر يوم السبت 22/4/2006م الساعة 5:05 دقائق
أدري بتستغربين ... انا ما توقعت اني اكون معاك...ههههههههههههههاااي
لكن (( كشخة )):cool2:
تصدقون لما تعطل المنتدى حسيت بفقدانكم و بقيت زعلانة ... ليش بالذات ايام ولادتنا يصير جدي..؟؟:mad2:
يالله بنات بسرعة تجمعوا وارجعوا معانا خلونا نبتدي من جديد...
بنات .. أو (( أمهات إبريل ))..!!
و سلامتكم
اللي تحبكم واااااااااجد
المحمدية:flower:
ألف مبروك المحمدية ........
عاد اصدقين??? أنا ولدت السبت أيضا الفجر بس قبلك بشوية... الساعة 1:30.....
ما قلتي... شنو ولدتي???
جبتيها و الله:clap: .... أمهات أبريل.... أسم لموضوع جديد:salam: .... انكمل بي رحلة ما بعد النفاس... :qaq:
لأن للأسف ما لحقنا على رحلة النفاس....:sad:
اتصدقون حتى زوجي كل يوم يفتح على المنتدى علشان ايبشرني.... وأول ما فتح المنتدى إجا ايبشرني... وما اتصدقون شلون كانت فرحتي... وهوه الله يخليي فرح هوايه لفرحتي...:dd:
كنت بحالة كآبة من غير منتدى عروس.........:cry:
ااخيتي مس هني..
نسيت ما اقول لكم....
من زود فرحتي برجعة المنتدى..
جبت و لله الحمد
(( سيد محمد ))
اللهم صل على محمد و آل محمد
الله يجعله من الصالحين المؤمنين
تصدقون بناااااااااااات!!
حلو انه الوحدة تقرأ الموضوع (( هذا )) من البداية ...
أدري طوييييييييييييييل !!
لكن بترجع لك ذكريات الحمل للأشهر التسعة.. اذا مشاركة من بداية الموضوع..
أيام النسى ... و التعب و ... و المواعيد... و حركة البيبي .... و آلام الظهر ... و أخيرا... كبر البطن و الثقل... و آخر شيء... قرب موعد الولادة و الإنتظار الطوييييييييييييل!!
أيام حلوة بصراحة ... لاتنسى ...
وينكم حبايبي
ما حد بين ؟؟
بنااااااااااااات حبايبي باركولي انا ولدت ورزقت ببنت وولاده طبيعيه وبدون طلق صناعي سبحان الله وووووووووووووالله الله يحبني بتاريخ 2-4
ووقصة ولادتي عجيييييييبه غريبه وسامحوني تأخرت عليكم بس لهيت وايد وايد البنت سميتها ( رهف )
قولولي شخباركم ولدتي ؟؟ وشلون ولادتكم ؟؟
مشتاقتلكم ومشتاقه لسوالفكم !
ومثل ماقلتوا لازم نسوي موضوع لأمهات ابريل ونكمل المشوار ؟؟
فديتكم
سلام أمهات أبريل....
شلونكم???
المحمدية.... الله ايخليلك سيد محمد.... إنتو سادة ولا شنو? لأن أنا همين ابني سيد....
سامبتيكا, ألف مبروك على البنوته و تتربى فعزكم....
وين البنات ...
؟؟؟؟؟
مشغولين بالبيبيات.........؟؟؟؟؟
انا زوجي سيد ...
يعني ابنك (( سيد رضا ))
يصير مع ولدي سيد محمد (( أولاد عم ))
الف مبرووووك يا ام السادة:clap:
ابني كان يبكي, ما كملت...
آسفة لأني تأخرت عليكم... البارحة كنت مشغولة بحفلة طهور رضا... عقبال كل اللي عدها ولد....
المحمدية, ما طهرتي ابنك??
بعد شوية لازم أطلع... ابني عنده موعد عند الدكتور, لما أرجع إنشاء الله أكتبلكم....
مع السلامة