إللي موعد ولادتها في شهر أبريل (وإذا قبلة, مو مشكلة), تتفضل للإفادة

هلا حلوين المشم الله يسهل عليج انشالله وتولدين بدوون طلق صنااعي..
شخبااركم حواامل انشالله كل شي تماام محد رد عليه عسب الحكه اللي قلتلكم عنهاا لبستوني :down:
هلا ارجوحه الزمان انا بخير انتي شو اخباارج ادعولي انا هذاا اخر اسبووع لي عاطيني موعد هالجمعه انشالله اربي قبل بنشووف اختي SamBateeka منو بيوولد قبل انا ولا انتي لانه موعدي مثل موعدج الله يسهل عليناا وعلى الجميع..
حبيبتي مس هني عاادي انا مثلج ما احس بآلاام يعني عاادي شكله متيمعلناا ليووم الولااده:pain:

ميهوده:
هلا بنات شخبااركم
حبيت اقوولكم اني من 3 اياام تقريباا اعاني من حكه في ال... :oواحس انه المنطقه دووم خرساانه يعني رطبه على اني يعني يووم كرمكم الله ابول ما احس بحرقاان عاادي بس الحكه يعني ملعوزتني واحس بألم من تحت يعني جنه شي يتوسع فيني فهمتوا ما اعرف كيف اوصفلكم :no:حد يعااني مثلي انا بس هالثلااث اياام اللي طافوا وما بجى شي عن اربي بااجلي اسبووع عن الموعد اللي محددينه لي الله يسهل عليناا انشالله..:smile:

عج


حبيبتي ميهوده،،
مشكورة يالغالية وسامحيني لاني ما انتبهت لموضوعج،،،

امممممممممممم شوفي عن الحكة اقولج راجعي الدكتورة احسن،،، وحتى انا احس اني رطبه من تحت ويوم خبرت الدكتورة قالتلي عادي شرط انه ما يكون مصاحب له حرقان في البول او حكة. وعن الالم تحت نفس الشي انا احس كان شي يبا يطلع مع اني في اخر الثامن يعني بعدني عن التاسع. بس انا اقول يمكن الياهل بدا يدخل الحوض "مسويه روحي خبيره :dd:

بس اتمنى اللي عندها اي معلومه تفيدنا،،،،

أختي المحمدية
أن شاء الله تولدين مبكر وتفتكين

أختي حلوين المشم
الحمد لله على نزول الراس وانشاء الله تولدين بدون طلق صناعي

اختي ميهوذة
أنتي راح تكوني رقم أثنين من شهر 4 أنشاء الله أحنى معااااج
الله يسهل علينا وعليج

لكم تحياتي

أنا موعدي الجديد اللي من عند الدكتورة لما سوت لي سونار 13/4/2006م

الله يسهل و ان شاء الله أولد طبيعي و بسلامة ........

و طبعا


معاكم

تحياتي

السلام عليكم ...شخباركم بنات ..ان شاء الله كلكم بخير
الحمد الحين ارتحت اشوي لان شالوا الربط وقدرت اتحرك و اتمشى اشوي
الحمد لله على السلامة عروس القرن وتتربى في عزكم ان شاء الله

السلام عليكم ورحمه الله وبركاته

يا الله ... ربي يسهل عليكم يا رب ...

أنا من رابطة شهر يوليو ... حبيت أسلم عليكم ... وأدعو لك بتسهيل وتيسر ...

وأدعوا لنا رب يتمم لنا بخير وتوصل شهركم هذا على خير .....

وكل وحده أمانه ... تدعولي في ولادتها ... بفرج ... وبظهور الغيب ... يا رب العالمين ....

سلام عليكم ياحوامل ياحلوين شخباركم ان شاء الله كلكم بخير وعافيه
وألف مبروك للأخت عروس القرن والحمد لله على سلامتك،، عقبالنا ان شاء الله
انا هاليومين مشغوله ببيت اهلى وماصرت اقدر ادخل على النت كل يوم،، بس انا بالأسبوع 38 وان شاء الله قربت اولد، لآنو حركه البيبي قويه وأحس بلآلام أسفل البطن وفي الظهر.. ولمن سأتني الطبيبه بوجود الم قلت لها اي وقالت كويس،،، بس هو يعتمد على المشي رحت مشيت مره وحده بس في الكورنيش بس ماقدرت اكمل لآنو صابني الم في بطني وألم فضيع بظهري منعني من المشي... يعني اتمشي بالراحه عادي بس مشي من جد تعبني....
وانا من حالكم تمشي مع اختى زوجي موب موجود... كلهم مشغولين عننا....
انا بكره ان شاء الله عندي موعد من الدكتوره ووقتها بتقول لي متى بولد لآني بسوي عمليه وأفضل وقت هو 39 أسبوع ... واله يسهل ان شاء الله

ياحوامل ياحلوين الله يقومكم بالسلامه ان شاء الله... والى تود تخبرنا....

سلام ياحلوين

بواسطة : ميهوده
بنشووف اختي SamBateeka منو بيوولد قبل انا ولا انتي لانه موعدي مثل موعدج الله يسهل عليناا وعلى الجميع..

اتوقع انتي تولدين قبلي لأنه انا شكلي مطوله البيبي مانزل بالحوض ومااحس بأي ألم وشكلي طلق صناعي وباجر عندي موعد بنشوف شراح تقول الدكتوره وصارلي من دشيت التاسع وانا امشي كل يوم ساعه ولا فاد فيني الياهل مو راضي ينزل بالحوض ؟؟:sad::sad:

يارب يسهل عليج ميهوده وانشالله تولدين طبيعي وتبشرينا فيج يالغاليه .

بنات حبيت اقولكم للي تحس بحكه ببطنها لاتحك بطنها لأني سمعت تزيد التشققات وتكثرها
والله أعلم ؟

بواسطة : المحمدية
و بعدين لما رجعت سألتني مرت حماي تقول لي انت متى موعدك .؟ قلت لها شهر أربعة .. الا تقول لي ما يبان لك بطن ؟؟

أنا مليت من هالكلام...

أريد أولد و أفتك من كلام النسوان....

ويالمحمديه مالج شغل بأحد لانه انا نفسج بطني هم صغير بس الحمدلله وزن الياهل زين ماله شغل حجم البطن
واذا على الكلام انا كل وحده تشوفني تقولي للحين ماولدتي وام زوجي كل شوي جايتني تقولي فلانه ولدت وفلانه ولدت عبالها انا خلصت شهري ؟؟
وانا هذا اخر اسبوع لي مع ميهوده ؟؟
صارت ماكو سالفه غير ولادتي ؟

انا مليت نفسج حتى بكي بكيت ؟:cry:
ومرات احس اني راح اتم حامل طول عمري خخخ


ادري طولت عليكم بس يارب كلنا نولد طبيعي ونقوم بالسلامه :cool2::smile:

سلام بنات... شلونكم؟؟

شلونك ريماس؟ إلك وحشة.... إنشاء الله اتقومين بالسلامة إنتي والبيبي....

المحمدية, أنا مثلك تمام... طويلة وبطني ما باينة و كل إللي ايشوفني ايقللي بطنج صغيرة.... إللي ايقولي هيج, أرد عليي, إنني سألت الدكتورة مخصوص و قالتلي طبيعي 100%.... و السبب الأكثر, أول حمل.... ايسكتون أو ايقولون صحيح هوه عادي بطنك صغير....

ميهوده.... إنشاء الله تولدين بسلامة واتبشرينا بجية البيبي بالسلامة

أرجوحة الزمان:
هلا حبيبتي المحمدية
آنا باقي عن ولادتي حوالي 28 يوم وأولد وأفتك
الملل دابحني والليلة راح أنام بروحي لأن زوجي بالشغل وبكرى عندي موعد الله يعيني ويعين الجميع

أنتي خيو شخبارج؟؟

الله ايساعدك و ايقومك بالسلامة إنتي و البيبي....

حلوين المشم:
هلا حبيباتي،،،
ارجوحة الزمان،،المحمدية،،مس هني،،سمباتيكا،،ام نتالي وعروس القرن.

أولا: مبروك اختي عروس القرن على العروسة الصغيرة والحمدالله على السلامة وتتربى في عزكم ان شاء الله،، يالله سبقتينا واتمنى انج ما نسيتينا من الدعاء بظهر الغيب.

خوااااااتي،،، اليوم كان عندي موعد والحمدالله كل شي بخير اخيييرا نزل راس البيبي تحت ولله الحمد، تخطيط القلب كان زين والحركات بعد بس ما قدرت اشوف وجهه لانه مقابل ظهري يعني شفت راسة من وراء. الدكتورة طمنتني انه كل شي زين وقالتلي راح تولدني في الاسبوع 37 ان شاء الله يعني قبل موعد ولادتي اللي هو 30/4 بس ياريت تدعولي انا اولد قبل الموعد اللي عطتني اياه بدون طلق صناعي لاني جربته اول مره وتعذبت من الوجع:sad:

ارجوكم ادعولي يا خواتي والله يجعله في ميزان حسناتكم ان شاء الله.

إنشاء الله أختي ما تحتاجين طلق صناعي و تولدين طبيعي, ولا تنسوووون أكل التمر....

تلميذة:
السلام عليكم ...شخباركم بنات ..ان شاء الله كلكم بخير
الحمد الحين ارتحت اشوي لان شالوا الربط وقدرت اتحرك و اتمشى اشوي
الحمد لله على السلامة عروس القرن وتتربى في عزكم ان شاء الله

الحمد لله أختي.... و إنشاء الله اتقومين بالسلامي إنتي والنونو ...

حلوووة البحرينية:
السلام عليكم ورحمه الله وبركاته

يا الله ... ربي يسهل عليكم يا رب ...

أنا من رابطة شهر يوليو ... حبيت أسلم عليكم ... وأدعو لك بتسهيل وتيسر ...

وأدعوا لنا رب يتمم لنا بخير وتوصل شهركم هذا على خير .....

وكل وحده أمانه ... تدعولي في ولادتها ... بفرج ... وبظهور الغيب ... يا رب العالمين ....

أهلا فيكي في موضوعنا, نورتي....

إنشاء الله ما ننساكي من الدعاء واتقومين بألف سلامة إنتي و البيبي.....

SamBateeka....

إنشاء الله ينزل البيبي في الحوض و تولدين بسلامة إنتي و البيبي....

هلا حواامل شخبااركم انشالله كلكم بخير. يالله هاانت فاات الكثير ومابقى الا القليل ..
هلا اختي SamBateeka انشالله ينزل اليااهل في الحووض لاتحااتين كل شي بيد الله عاادي ينزل في اخر لحظه وانشالله تولدين طبيعي..
وطمنيناا عليج عقب مااتين من عند الدكتووره اوكيك:smile:

بواسطة: سامبتيكا
ويالمحمديه مالج شغل بأحد لانه انا نفسج بطني هم صغير بس الحمدلله وزن الياهل زين ماله شغل حجم البطن
واذا على الكلام انا كل وحده تشوفني تقولي للحين ماولدتي وام زوجي كل شوي جايتني تقولي فلانه ولدت وفلانه ولدت عبالها انا خلصت شهري ؟؟
وانا هذا اخر اسبوع لي مع ميهوده ؟؟
صارت ماكو سالفه غير ولادتي ؟

انا مليت نفسج حتى بكي بكيت ؟
ومرات احس اني راح اتم حامل طول عمري خخخ


ادري طولت عليكم بس يارب كلنا نولد طبيعي ونقوم بالسلامه

الله يساعدك حبيبتي ...

أنت بعد أكثر مني ... يريدون يولدونك قبل الموعد ........ و الله حالة !!:qaq:
بس يبون يتعبون نفسية الحوامل .... :angry:
خاطري أسمع كلام وحدة يونس و يهدي .... دائما من أطلع برة البيت أرجع متضايقة و زعلانة
بس زوجي ... اللي كاسر خاطري من يشوف دموعي أربع أربع:cry: ... يقول لي : سوي استرخاء و اخذي نفس
و خلي نفسيتك مرتاحة عشان ولدنا يطلع حلو و نفسيته تماااااااااااااام.. و لا عليك من هالكلام!!

انا مليت نفسج حتى بكي بكيت ؟
ومرات احس اني راح اتم حامل طول عمري خخخ

تصدقين!!
ضحكتيني من قلبي..:dd:
لا تخافين بعد كم يوم بتولدين... هههههههههههه

بواسطة: تلميذة
السلام عليكم ...شخباركم بنات ..ان شاء الله كلكم بخير
الحمد الحين ارتحت اشوي لان شالوا الربط وقدرت اتحرك و اتمشى اشوي

الحمد لله.. و الله يثبت حملك يارب و نفرح بعروستنا أو عريسنا..!:cool:

بواسطة: حلوة البحرينية
أنا من رابطة شهر يوليو ... حبيت أسلم عليكم ... وأدعو لك بتسهيل وتيسر ...

وأدعوا لنا رب يتمم لنا بخير وتوصل شهركم هذا على خير .....

وكل وحده أمانه ... تدعولي في ولادتها ... بفرج ... وبظهور الغيب ... يا رب العالمين ....

الله يسلمك حبيبتي ... و شكرا على مرورك اللطيف علينا!!
و إن شاء الله الك دعاء خاص ...
و بلغي السلام لرابطتكم!!:D

بواسطة: ريماس
سلام عليكم ياحوامل ياحلوين شخباركم ان شاء الله كلكم بخير وعافيه
............................
..........................
انا بكره ان شاء الله عندي موعد من الدكتوره ووقتها بتقول لي متى بولد لآني بسوي عمليه وأفضل وقت هو 39 أسبوع ... واله يسهل ان شاء الله

أهلااااااااااااااا اختي ريماس:bigsmile:

شخبارك؟؟
ليش هلغيبة ؟؟ تدرين حسبت انك ولدتي!!!!

أنت مقررة انك تولدي بعملية؟؟ و الله في شيء يمنع انك تولدي طبيعي؟؟
و ما دام انك بتسوي عملية ليش تمشين؟؟:think:

بواسطة: مس هني
المحمدية, أنا مثلك تمام... طويلة وبطني ما باينة و كل إللي ايشوفني ايقللي بطنج صغيرة.... إللي ايقولي هيج, أرد عليي, إنني سألت الدكتورة مخصوص و قالتلي طبيعي 100%.... و السبب الأكثر, أول حمل.... ايسكتون أو ايقولون صحيح هوه عادي بطنك صغير....

ما باقي الا كم يوم و نولد باذن الله...

ما علينا من هالكلام صح:up:

أهم شيء السلامة...

اذا ما عجبهم الناس بطني... بحط ليهم مخدة حتى يبان أكثر...خخخخخخخخ:dd:

السلام عليكم ورحمة الله وبركاته


شحالكم خواتي و شخباركم ؟

ان شاء الله كل شي تمام.


حبيت اسلم و ادعيلكم و ان شاء الله نقوم كلنا بالسلامه، انا عندي موعد يوم السبت ان شاء الله لانه مواعيدي استوت كل اسبوع و ف اخر موعد الدكتوره قالت لي يمكن باقي لي اسبوعين او 3 اسابيع لانه بحساب التاريخ و حساب السونار عدد الاسابيع يختلف، وانا ماادري شو السالفه كل شي عند رب العالمين، بالنسبه لي احس اني استوبت ثجيله ووزني يزيد تقريبا نص كيلو كل اسبوع هذا غير الشد كل يوم يوم اصحى من النوم و احس نفسي ثقيله ، يالله الله يهون علينا جميع و نولد بالسلامه.


و لاتنسون اطمنونا ع اخباركم و لاتنسونا من دعواتكم.........

اختكم .. روح سواف :)

بواسطة : المحمديه
ما باقي الا كم يوم و نولد باذن الله...

ما علينا من هالكلام صح

أهم شيء السلامة...

اذا ما عجبهم الناس بطني... بحط ليهم مخدة حتى يبان أكثر...خخخخخخخخ

لووووووووول والله تعبنا نفسيا واستخفينا وقعدنا الله يستر علينا (6)(6)


بنات تسلمون وماتقصرون والله رفعتوا معنوياتي بدعاؤكم لي:clap::clap::clap: