هل توافقيـن الزواج من مطلق؟!

طيب.. أشكرك عذب القوافي ولكل الاخوات اللي وأختي هبوب الكوس...

بس اذا المطلق حكى لنا عن طليقته... يعني قال لنا سبب الطلاق وعن الحاله اللي كان عايشها وياها... وكان السبب منها...

يعني كذا يعتبر خرج الاسباب ويعتبر ماستر عليها ...؟؟؟؟؟؟؟؟؟؟ يعني مانوافق عليه....


طيب....وأشكركم خواتي ..

بالنسبه لي عادي حتى وان كان عنده اطفال
لان في النهايه اللي فيه الخير ربنا يكتبه لنا وهذا نصيب

مشكوره على طرح الموضوع

السلام عليكم و رحمة الله و بركاته
صراحه الموضوع جدا رائع و شكرا على مناقشه هالموضوع...........

بالنسبه لي شخصيا ما ارى اي عيب في الانسان المطلق اذا تقدملي و حجتي بكل بساطه انه اذا كان مرتاح مع زوجته مستحيل كان يطلقها....الاهم بالنسبه لي اعرف اسباب الطلاق مش لازم بالتفصيل لانه هوه اكيد ما بيرضا انه يرمس في هالموضوع خاصه انه هاي اسرار ومهم كانهاي كانت زوجته في يوم من الايام.......

الانسان المطلق العاقل طبعا بيكون انسان استفاد من تجربة طلاقه...حاول يحسن نفسه و اكيد ما بيتمنى يكرر نفس التجربه...ما فيه انسان في هالدنيا يكره انه يكون مستقر و سعيد....

اما بالنسبه اذا كان له عيال.... انا بكل صراحه ما اشوف فيها مشكله كبيره اذا كانوا مثلا مع امهم وهوه يزورهم و هم يزورونه..... اعتقد انه اهم شيء هنيه انه البنت المقبله على الزواج من مطلق تسال نفسها:
هل هيه فعلا قادره على انها تتحمل حقيقة انه ريلها كان لوحده غيرها قبل؟ اذا ما كانت تقدر فالافضل ما تظلم الريال بغيرتها
هل هيه فعلا قادره تحب عيال زوجها و تعتبرهم عيالها؟ اذا ما كانت تقدر لازم تعرف انه الوحده اللي تحب زوجها و تعرف انه يحب عياله لازم هيه بعد تحب الشيء اللي هوه يحبه

اخيرا..... هالشيء مهم جدا انه البنت تقرر بينها و بين نفسها اذا تقدر تتحمل رجل كان له ماضي ولا لأ

انا واعوذ بالله من كلمه انا معني مش كبيره انا لم اتجاوز 23 بعدني لكن لو تقدملي مطلق بتاكد انه ملتزم دينيا . لم يظلم بطلاقه زوجته السابقه..وبكل صراحه اذا عنده ولد او بنت ما امانع بس افضل لو كانوا مع امهم و السبب اني اخاف ايي الييوم و افرق في المعامله وانا انسانه وااااايد احاتي بس اذا عياله بيكونون معايه بحاول لاني من حبه هوه احبهم و هاذيلا اطفال مالهم ذنب

عالعموم اسفه عالاطاله لكن الموضوع فعلا عجبني

لا اله الا الله

بصراحه مااتوقع اني اوفق عليه

لاني توي في بداية عمري

ممكن لو كنت كبيرة مااظن راح ارفض

واكيد راح ابحث عن سبب الانفصال

التوفيق اولا وأخيرا من عند الله

وبالنسبه لي ماراح أوافق عليه

لإني مثل ماهو أول رجل عرفته أتمنى أكون أول بنت عرفها ...