محــتاره بين إثنين بغيت شوركم

سالفتج صعبة اختي .. بس شوفي ..

حتى لو صليتي استخاره لا تتوقفي عن الدعاء .. قولي يارب الي فيه الخير بينه لي ووفقني فيه .. ترا الدعاء لرب العالمين ما يحتاي تكلف .. بلغتج السهلة بالي يدور في بالج ادعي فيه رب العالمين :)

ما اعرف بالضبط بشو انصحج .. يعني ولد عمج تحبينه وتغير عن قبل .. والثاني طيب والكل يشهد في اخلاقه بس انتي ماتعرفينه ..

حطي في بالج شي واحد .. ان الحب مب كل شي لسبب واحد .. وهو انه انتي ممكن تحبين الشخص الثاني مع المعاشرة والمعاملة الطيبه .. وولد عمج ممكن تملين منه وينتهي الحب لأسباب وايده .. يعني لا تحطين الحب سبب رئيسي ..

وبقولج قصتي .. مشابهه لقصتج شوي ..

تقدم لي واحد مايقرب لنا لكن نعرفهم ويعرفوننا .. وانا ما شفته بس قلبي تعلق فيه من الي اسمعه عنه .. انه التزم وصار اوكي من بعد ما كان فيه طيش شباب .. وعرفت انه هو اختارني بنفسه وكل يوم يحارب اهله ويتهاوشون عشان انه يباني .. وامه كانت تباني في البداية بعدين بتأثير من بناتها غيرت رايها وقالت تبا وحدة تكون متدينه 100% اما انا وحدة ملتزمة والحمدلله يعني مب نفس ما هم يبون ..

سبحان الله قلبي تعلق فيه وكنت مستعده اعيش معاه مع رغم انه اهله معارضين .. اعرف انه كانت بتصير لي مشاكل وايد معاهم بس كنت بتحمل .. ولين ما ينهون تشاورات ..

يا وخطبني واحد ثاني من نفس جبيلتنا بس ما اعرفهم وايد .. واللي هو ريلي الحين .. وكنت اسمع عنه كل خير مثل ما انتي تسمعين عن الي خاطبنج وما تعرفينه .. الكل يمدح فيه وفي اهله .. انا اهني احترت واستخرت وصحت ..

نتايج الاستخارة اني حسيت اني ما بتدخل وبسوي اي شي . بتوكل على الله وبخلي الامور ماشيه مثل ما هيه .. ووافقت عليه بعد ما شفت اقتناع اهلي فيه .. مع اني كنت ابا الأول ..

والحمدلله الحين انا عندي ولد ومرتااااااااااحة مع ريلي الله يخليه لي .. واول شي ما كنت احس بذاك الحب تجاهه بس والله مع العشره احس اني ما استغنى عنه من كثر ما احبه واكتشفت اني لو اخترت الأول كنت بندم وايد حتى لو اني تعلقت فيه .. لأن الي وفر لي اياه ريلي ما اتوقع انه الثاني يوفره لي ..

قيسي موضوعج بالعقل وشوفي من كل النواحي الأول شو ممكن يسوي لج والثاني شو ممكن ما يسوي لج ..

اسمحي لي على الاطالة

اخذي لج ورقه وقلم وكتبي مميزات ومساوئ كل شخص من هالاثنين

ووازني بينهم وحكمي العقل قبل القلب وشوفي من اللي كفته ترجح

واستشيري شخص كبير بالعايله وتثقين فيه واخذي اكثر من راي موثوق

مثل الوالد والوالده او اخوج الكبير ... وفكري عدل بس لا تخلين الحب شي رئيسي في اختيارج

والله يوفقج ويهديج للاختيار الصحيح

3yoOon_AD
اشكرج يا اختي ما تتخيلين كلامج كيف ريحني واثر فيي .... المشكله ان ولد عمي متعلق فيي واخاف اظلمه ادري الحب مب كل شي في هالدنيا ويمكن يروح بعد شهر من العرس وانصدم في حياه صعبه انا ما اقدر عليها .... الله كريم


~"مناير الكويت"~
الظاهر هذا الي بسويه اشكرج على هالفكره :)

والله يا أختي قصتك قصة
ما أدري بشنو أنصحك
بس أريدك توزني الأمور بعقلك لا بقلبك
لأن الحب مو كل شي في هالدنيا
وبعد الزواج بتتغير كثير أمور اذا كان هذا الحب سطحي ومهو مبني على أقتناع عاطفي وعقلي
يعني أنك تكوني مقتنعة كل الأقتناع بهذا الشخص الي بترتبطين بية حكمي عقلك قبل قلبك
وأرجو من الله أن يوفقك ويوفق جميع المؤمنين والمؤمنات يا كريم

افا عليج اختي ..
بس ليش مفكرة انه ولد عمج بينصدم ؟؟ اصلاُ كم بينصدم شهر شهرين ؟؟ مصيره هو بعد بيعرس .. هذا في حالة انج ماوافقتي عليه .. بكل بساطة ممكن تقولين له انج صليتي استخارة.. وقلبج ما ريحج..

استمري بالدعاء .. وانا دايم افضل الشخص الغريب .. لأنه القريب اي مشكله بسيطة العايلة كلها تتأثر في المشكله .. وغير التجريح الي ممكن يصير ..

بس ولد عمج شو موقفه لما عرف انه حد ثاني خطبج ؟؟ هني السؤال ؟

زمان الوصل
هي والله
صح كلامج يا اختي بس المشكله يوم يكون تفكيرج بقلبج تنسين الاشياء المهمه او تقولين عادي بتحمل ....
اللهم لا تشغل قلبي بشيء صرفته عني

3yoOon_AD
انا وياج ان الرياييل عادي عندهم ينصدمون يوم او يومين وعقب عادي ينسون يمكن نحن عاطفيين زياده عن اللزوم
موقفه سلمج الله .... ارفضي وانا بتقدمج لج بس قبل ما اخطبج لازم تفكرين عدل هل انا اصلح لج بتتحملين تعشين معايه يعني لازم ما تفكرين بعاطفتج وما اريد اخطب وانرفض نفس المره الي طافت وانا محتاره ....

السلام عليكم ورحمة الله وبركاته



اختي الغالية

انتي حددتي اختيارج ويمكن مب ملاحظة أو ما تبين تعترفين بينج وبين نفسج
حتى بسبب خوفج من طبايع ولد عمج.

لو مشاعرج مب وياه كان ممكن تقارنين بين الأولي والثاني وتشوفين منو الأحسن وبعدين
تتوكلين على الله.


نصيحتي لج انج ما تاخذين الشخص الأول مدام ان قلبج متعلق بولد عمج
لو خذتيه بتظلمين نفسج وبتظلمينه هو أكثر وبتعيشون في نكد.

صلي الاستخارة بخصوص ولد عمج ولازم تتأكدين انه فعلا ناوي ياخذج مب
حب ووعود وآخر شي يبتعد.

ولا تنسين تشوفين شو هي العيوب اللي خلتج تبتعدين عنه واللي بقى منها عقب التغيير...عشان
في عيوب ما تتغير في الناس...ومدام تقولين انه تغير للأحسن يعني منه أمل.

الله يوفقج

Runaway Bride
يمكن يكون صح كلامج انا بس اخاف اظلم عمري مع ولد عمي ادري ان الحب مب كل شي في هالدنيا اخاف حياتي ماتكون مستقره معاه بيت عمي صعبين شوي
الله يكون في عوني
اللهم خر لي واخرني ولا تكلني الى نفسي طرفة عين

فعلا مثل ماقالوا الأخوات أوزني الأمور بالعقل لا العاطفة واختاري الأفضل الي سمعته طيبه والحب ترا ماهو مقياس للسعادة
وتبين شوري ما انصحك بإبن عمك مادام صار بينكم خطوبه وإنتهت ورجع مرة ثانيه وياريت ماتزعلين من كلامي
وانا أقلك ها الكلام من تجربه حصلت لإنسانة عزيزة على قلبي صار موقف مشابه وللأسف ماتوفقت في حياتها لأنها إنفصلت
عنه بعد ملكة دامت سنوات ورجع وتزوجها لكن مادام الزواج غير شهور بدات المشاكل وذكر الماضي وكل واحد يلوم الثاني
وأكثري من الدعاء وأستخيري الله مرات عديدة وربنا يوفقك للصالح
أختك في الله النجــــم الساطع

اول شي صلي استخاره
وانا اقول ولد عمج
وبالتوفيق

الصراحه انا اشوف الاول احسن ..روح بعيد ورد سالم وانتي وكيفج فكري على مهلج هذا مستقبلج وصلي وستخيري

والله يتمملج على خير ويسعدج بحياتج :)

حبيبتى
الموضوع فعلا صعب جدا جدا الله يكون فى عونك

بس انا عايزه اقولك كل كلام مناير الكويت صح جدا وهو ده اللى انا شايفاه
وربنا يوفقك ويديكى الاحسن واللى هيريحلك باللك ان شاء الله

انا اقولك اتركي القلب شوي وامسكي عقلك وازني بين الاثنين

هل الانسان الحاد الطباع الي مو مستقر بشغله بس تحبينه

والا انسان مو ناقصه شئ وغريب عنك
انا برئئ احب اخذ انسان مو قريب اريح للنفسيه والتعامل

بس استخيري يوم يومين اربع ادعي ربك كل وقت واكيد ان شاء الله بيلهمك الصواب

مسكينه والله جيتي تستشيرين اتعددت الآراء واخاف زادت حيرتك اكثر من قبل بعد...

شوفي عزيزتي انتي اكثر انسانه ادرى بنفسك وباللي بيريحك.. لكن لازم اتفكرين بعقلك وتبعدين العواطف مثل ما قالوا البنات لان العاطفه اتضلل الواحد وما اتدوم لانها تتغير مع تغير الوقت و الظروف.. ركزي على الشيء الثابت واللي اتحسين انه بيريحك في المستقبل
وازني بين الايجابيات والسلبيات

وانا لي اقتراح ليش ما اتقابلين الاول عشان تتعرفين عليه وهذي سنة وما فيها شي بحضور اهلك طبعا.. هذا بيساعدك كثير في اتخاذ القرار

وآمني انه لن يصيبك الا ما كتب الله لك سواء وافقتي على الاول او الثاني او رفضتيهم مع بعضّ!!

اتوكلي على الله

آه يا بنات والله تعبت من كثر التفكير ما اعرف كفت من بترجح
اللهم خر لي واخرني ولا تكلني الي نفسي طرفة عين
يارب فك حيرتي

الله يعيينج عزيزتي
استشيري الوالد والوالده

للرفع

حالتك نفس حالتي انا جاني واحد من برى العيله والثاني ولد عمي وجلست تقريبن شهر وانا افكر بس كنت على راحتي
لأن كلا الاثنين مومستعجلين واستخرت والحمد الله.....ربي دلني على الخير ومال قلبي لولد عمي ..
وصلاة الاستخاره احيانا تاخذ وقت على حسب دعاء الشخص اذاكان من قلبه ولا لا
وهذا الي عندي والله يدلك على الي فيه الخير ..ويوفقك انشاء الله...

وازني بين قلبج وعقلج

وشوفي وين الكفة اللي بترجح

وحطي الإنفصال اللي بينكم بكفة لحالها

وشوفي راي امج