نـصـابـيـن الـيـن الـحـيـن ؟؟

العيناوية 06-08-2005 22 رد 2,461 مشاهدة
ا
وصلني هالموضوع عن طريق الايميل فحبيت أعرضه لكم

الموضوع باللهجه السعوديه فيها بعض الكلمات ماتنفهم بس حلوة لهجتكم :cool2:

النصبة الأولى
جني الحبلة



جني الحبلة
أذكر منول يومني في شقراء ايام القراوة في ثالث متوسط انتشرت هالأشاعة
ان فية صوره لجني مصورينها شباب في غار في الحبلة
وخلصت الصور من استديوات شقراء وانسخ منها الييييييين قالت بس
الزبدة ابي الصوره ما قدرت ( قلت لخوينا نبي صوره الجني يرحم امك وش الحل )
قال مالك الا انك تجيبها من المجمعه 90 كيلو عن شقراء تبي ننقز بكره .. قلت قدااااام
والله ونغير زيت الددسن وندز للمجمعة يوم وصلنا ونلقى زحمه وامه الثقلين عند الأٍستديو
تدرون بكم يبيعون الصوه الوحده بعشرين ريال اي والله بعشرين
هذا وهو جني الحبلة اجل لو هو جني المجمعة بكم بيبيعونه
والله وناخذ لنا بميه ريال خمس صور صورتين لنا وثلاث صور وصايا الله يخلف
ودارت الأيام ودار الزمان وكبرنا وتعلمنا وجمدت عقولنا وآخر شي نكتشف انها
مغير صوره ملعوب فيها .. لعب فيها باكستاني راعي ستديو وطلع منها ملايين
والي زور جواز و بطاقة احوال مهوب عجزن لا يزور صوره جني
ولا اقول الا الله يخلف على امن جابتك عزيزي القارى ولا نهون
بس يشفع لنا اننا ذيك الأيام بزارين .. الشرهه على الشياب الي صافين سرا عند الأستديو

[line]
[line]
النصبة الثانية
النمنم




النمنم
هذي إشاعة انتشرت في عام تقريبا 1988 م وعلى مستوى المملكه كلها
وراح ارويها لكم حسب ما دار في ديرتي شقراء
يقولون ان فيه قبيله من نيجيريا اسمهم النمنم جو من نيجيريا وهم ياكلون لحوم البشر
وهي قبيله غريبه ولهم اذناب مثل اذناب القطاوه بس اشكالهم ماتفرقهم عن اللحوج

فية رواية
تقول عجوز من ( القراين - غسلة ) لعجوز ثانيه ان مرتن دق جرس الباب
ورحت اشوف من عندة .. قلت من ؟
وكانت الي تطق حرمه لابسه عباة ... ردت و قات انا
تقول يوم فتحت الباب ولا هالحرمه واقفه وتقولي ما عندكم شن يوكل
قالت العجوز لا والله ماهناش الحين ..
تقول العجوز .. يوم اقفت هالحرمه والله واشوف ذنبها يدودي


ياكبرهاااااااااااااااااا يا كبرهااااااااااااااااا
ومرت الأيام ومرت وصارت السالفه الظاهر ان فيه عجوز بتروع ولدها ما تبيه يطلع
وفقشت عليه هالفقشه ومن بزر لبزر ومن حرمه لحرمه لين صارت صدق
ولا بالله وجاب قبيله من نيجيريا يسكنون في شقراء .. الله واكبر ياماليزيا
طيب مدامهم داقين مشوار من نيجيريا ورا ما وقفو في تركيا ولا في دير ازين شوي
ماعندنا الا غبار وشمس تصهر الوجه وش يدورون ... وان كان نيتهم لحوم بشر
يعني مسكت على لحوم اهل شقراء ... يعني عيال شقراء بيطلعون اطعم من غيرهم
هههههههههه الله يخلف بس مع العلم ان المشق منتشر ذيك الأيام في الديره
خصوصا حي السياحين ... والله لوني نمنم ما اشتهيت اكل ذيك اللحوم .. ولو كلت ابطرش
<<<< نمنم صغير

[line]
[line]


النصبة الثالثة
معجون الأسنان ملوث بالأيدز




معجون الأسنان ملوث بالأيدز

في عام 1990 تقريبا وفي صباح احد الأيام
قامو اهل شقراء من نومهم وكلهم لقو في حوشتهم كيس صغير
فيه معجون وفرشة اسنان بدأ الكلام ينتشر من هنا وهنا
وكان ذيك الأيام الأيدز توه طالع الله يكفينا وياكم الشر
وبدت اول فقشة ان هذي عماله فلبينيه رمت هالفرش في حوشة الناس
حتى يستخدومنها وينتشر الايدز في شقراء
والي خذ المعجون وسلمه للشرطه والي راح ورماه في البر ودفنه والي والي
المهم بدت عمليه البحث عن المجرمين
وفي صباح اليوم الثاني وفيه واحدن تووه طالع من باب بيته
الا ولا الفلبيني في وجهه توه رافع يده بيحلت الكيس في حوش الرجال
ماصدق على الله الرجال ومسكه ورمغه رممممممغ الين عض الأرض
يابن الكلب يالفلبيني تبي تنشر الأيدز في الديره ... يوم الفلبيني الضعيف ضاقت به الدنيا
وقاله الرجال وين كفيل انتا
قام الفلبيني الضعيف عطاه كرته
صار مندوب تسويق لشركه سقنالتو ...
ويوزعون عينات تجريبيه تسويقيه
قال الشرهه مهيب عليكم على الي يجي يوزع عندكم شي مرتن ثانيه
وبعد اسبوع طلع ايضاح في جريده الرياض حول هذا الموضوع
والا كان الا الحين يمكن الناس تحسب اي شي يدس من تحت الباب فيه ايدز
الله يستر بكره لا يقولون جريده الوسيله فيها ايدز انتبهو تقرونها
______________________________________

النصبة الرابعة
الرجل الثعبان



الرجل الثعبان
طبعا زي ماقلت لكم الأشاعات هذي انتشرت في السعودية كلها
يعني لا يبزون علينا اهل الرياض ترا فيهم حقهم
بس انا اقولكم اثار الأشاعه في ديرتي
الرجل الثعبان هذا اذكر روعني روعه الله لا يوريكم
انتشر رقم تلفون بين الناس ذيك الأيام قبل 12 سنه تقريبا
رقم التلفون هذا في الرياض وكانت تقول الإشاعه
ان صاحب هالرقم قلبه ربي ثعبان بس ما ادري ليش
وفعلا جبنا الرقم وكلمنا ... يوم طلع لنا صوت فحيح ام جنيب



طقتنا النفاضة
الرقم هذا انتشر انتشار مهوب صاحي
تدرون وش صار في الأخير
7
7
7
7
7
7
7
7

صار رقم فاكس شركه ... اول ما طلعت الفاكسات ذيك الأيام
بعد فتره قلبو التلفون على خط مباشر يرد فلبيني ...اقول بنفسي الثعبان انقلب فلبيني

المشكه ان عيال خالي في الرياض يقولون انهم مرو بيت الرجل الثعبان
وشافو راس الرجال مع الدريشه
ههههههههههههههههههههههههههههه
ههههههههههههههههههههههههههههه]
ابو الي انتم نصابينه ياشيخ

[line]

نصبات على الطاير

================
المطاعم الي تحط كتشب ملوث بالأيدز في الهمبرقر
رسائل جوال
=================
اللحوم الي ملوثة في بالأيدز
مهربة للسعودية من منفذ البطحاء في مدينة سكاكا انت بس ركز على المنفذ وينه فيه واغسل يديك
انا خابر انا منفذ البطحا عند الأمارات وش جابه لسكاكا مدري
رسائل جوال
=================
البنت الي تهاوشت مع الهيئة في مجمع الفيصلية وطاحت ميتة
والناس راحت للفييصليه تدور اثار ولا كعب طاير ولا شي
سوالف استراحات وانترنت
=================

_____________
دعواتكم الصادقة لي بالتوفيق اذا اعجبكم محتوى الرسالة
واذا ما اعجبكم ادعو علي عادي
a
هههههههههههههههه

الله يقطع ابليسك

موتيني من الضحك واكثر شيء سالفه

المعجون اللي ملوث بالايدز

خخخخخخخخخخخخخخخخخخخ

الله يوفقك ويعطيك الف عافيه ونستيني الله يونسك

ياليت كتبتي بعد على سالفه السفاح اللي قعدنا بالبيت

حتى البزارين يجون البيت وهم يقولون شفنا السفاح قاعد يلحقنا ومن هالخرابيط
كككككككككككككككككككك

ويسلمو حبيبتي على هالموضوع
ش
ههههههههههههههه

والله موضوع رووعه
وصواريخ حلوووه
وبالذات سالفة المعجون والرجل الثعبان
ياكثر هالخرابيط وما خفي اعظم
يسلموووو يالعيناوية والله ضحكتيني من قلب
ربي يسعدج .....
و
ههههههههههههههههههه


والله ياااااااااااااااكثر النصب وبعض الاحيان

كانوا اليهال يطلعون الاشاعة ويصدقونها ههههه

تسلمين الغالية على الموضوع اللزيز ههههه

ودمتم سالمين
م




وربي فطست ضحك
الحمد لله والشكر عس ماتهب ريحة إشاعه إلا والكل بقق عيونه وسوا من الريحه سيناريو وقصه طويله عريضه

الله يسلمكم قبل كم سنه مو متذكره
طلعت إشاعة الرجال اللي نصه تمساح ونصه أدمي كان طالع في بحر قريه
عاد أبوي كان في وقتها شغله في هذي المنطقه
وأنتشرت القصه بالتلفزيون والجرايد
ولما سئلنا أبوي
قال وأنا مع زملائي الأمريكان بفرع المطعم دخل علينا رجل التمساح وكان يكح ويسعل ويقول أنا رجال كبير معي السكر والضغط وتعبان وجوعان

وحنا خبر خير مندمجين مع القصه
إلا كان يطلق ضحكته ويقول 00 أي رجال أي تمساح مافي شئ هذي إشاعه ومو كل شي تصدقونه
وربي متنا ضحك <<< عقب الإندماج وصدقنا من قلب أثاري الوالد يتريق علينا ربي يطول بعمره

بعدها ماصرت أصدق كل شئ

ولكم فائق التقدير والإحترام
ا


هذي سوالف زمان مدري وش سوالف ها الأيام الله يستر
مشكورة حبيبتي ذكرتينا بايام زمان
ا
aljory ... العفو حبيبتي وان شاء الله دوم هالضحكه

وماعرف شسالفة السفاح ؟؟؟؟؟
ن


بس هالصورة والخبر اذكر انه في الامارات
&
هههههههههههه

صدق ان الي كاتبها شقراوي اللهجه شقراويه

واي الفاظ مجهوله انا موجوده...........

ياحبي لك يالعيناويه اجل بعضها مافهمتيها
حياتس الله اعلمتس من طق طق للسلام عليكم
ذ
السلام عليكم ورحمة الله وبركاته

غاليتي الحبيبة العيناوية

صراحة فرقعتيني من الضحك

قاعدة أضحك لحالي بصوت عالي ..تقولين جنت المره ..

ههههههههههههههههههههههههههههههههههههه

من جد مرت علينا هذي الأحداث وصدقناها ..

وعشنا الخوف بمعناه ...

ماأدري ليش كان ينقص علينا بسهولة ذيك الأيام ؟؟؟؟

ممكن برآءة أو سذاجة أو شئ ثاني مانقدر نسميه :bigsmile:

على العموم أسعدك الله كما أسعدتنا بهذا الموضوع الطريف

وننتظر بشوق جديدك الرائع

تحياتي لك
ا
شجونه الحلوة ... مرورج هو الأروع غاليتي

مشكورة حبيبتي

وان شاء الله دوم هالضحكه
ب
هههههههههههههههههههههههه

والله ضحكتيني الله يقطع ابليسج

*&* خيومة *&*
a
حبيبتي سالفه السفاح انتشرت بالدمام

لمده اكثر من شهرين والكل مصدقها

ويقولون ان في رجل يخطف البنات وحتى الاولاد

وانه مره لبس عبايه ودخل المدرسه وخطف بنت وطلع

ومره قالوا انه دخل على وحده واولادها بالفجر لانه يعرف ان الرجال يروحون الشغل

وفي المدرسه كل الابلات والبنات مصدقين السالفه والله حتى انا

واخلي ابوي هو اللي يرجعني البيت الين مايدخل معاي الشقه

والبنات في المدرسه يقولون (ترى امس كان في حي بن خلدون ويوم الجمعه كان في 00000

ومن هالكلام
لا ويقولون بعد انه قتل 66 في يوم واحد والشرطه تواجهت معاه وماقدرت لانه تنكر في لبس شرطي وهرب من قدامهم ولاحد عرفه

المهم السالفه هاذي ظلت شهووووووووووووور

وبالاخير ولا سفاح ولا هم يحزنون
ا
ورورة ... تسلمين حبيبتي على مرورج والله يعطيج العافيه
e
هههههههههه

العيناويه مشكوره


النصبه الاولى ونصبات الايدز حتى معانا واصله
ههههههههههههه
(
يا ويلي الينانوة نص الليل واااااااااااااااااو شي يخوف الصراحه شفت صورة وحده وخفت طوفت الباجي على السريع
س
اخر الاخبار على مستوى الخليج هذه القصة والتي حاولت ان اضع صورتها من احد المنتديات ولكنني لم استطع.. ولا اعلم عن صحتها ولكنها احدث صرعات الارانب ... يعني البكش



هذه قصة فتاه من ولاية الرستاق في سلطنة عمان كانت تتابع قناة غنائيه على الدش وبينما امها كانت تقرا القرءآن الكريم , قالت لأمها ازعجتينا بالقرءان اذهبي الى مكان اخر فاصرت الام على البقاء في مكانها فقامت الفتاه فاخذت المصحف ورمت به على الارض فذهبت الام فحملت المصحف فوضعته على صدرها فسقطت البنت ارضا فخسف الله سبحانه وتعالى بها على شكل( معيسلانه) حيوان زاحف وهي حاليا موجوده في مستشفى السلطاني بمسقط.
ا
مملكة القلوب ... تسلمين حبيبتي وان شاء الله دوم هالضحكه

وحلوة سالفة الريال نصه تمسااااح ...

الناس ماعندها غير هالاشاعات

والله يطول بعمر الوالد ويخليه لكم ان شاء الله
ا
النجم الساطع ... العفو حبيبتي ومشكورة ...
ا
نوووسه .. تسلمين والله .. انا بعد يوم سمعته انه في الامارات ...
X