ولدي سخن وطلع له حرار في حلجه ومن يومها وهو عاف الحليب ؟من تطمني وتريحني لاني خايفه؟؟

[frame="3 80"] السلام عليكم ورحمة الله وبركاته

صباح الخير خواااتي

بادخل في الموضوع على طول لانه فعلا شاغل بالي وايد افكر في الموضوع بدرجه ماتصورونها واحاول اني اقول في داخل نفسي يمكن عادي بس ارجع اقول لا مو عادي مايصير طفل بعمر ولدي مايشرب حليب

من ثلاث اسابيع سخن ولدي وجاته حراره عاليه فديت عمره من الاحتقان الله يخليه
ومن قوه السخونه طلعت له حراره على طرف السانه بيضه وكانت تألمه (اذا الكبير يتألم اشلون الصغير )
وكل مايدخل مصاصه المرضاعه مايقدر يمصها ويطلعها عقب وتم على الحال لمده يومين
والحراره ماراحت منه تمت فيه يمكن خمس او ست ايام ولما راحت عنه الحمدلله ومن شده تعب ولدي وقوه السخونه وجسمه ما استحمل السخونه ........ طلع له حرار وايد في فمه ثنتين على طرف السانه وثنتين على شفايفه ووحده كبيره في نص السانه وحلجه من فوق ملتهب
كان وضعه يعور القلب الكل خاف عليه وهالفتره كلش ماقدر يرضع من المرضاعه
وماخليت شئ ماسويت له من مستشفيات وعيادات وصيدليات
كلللهم قالوا لي عادي سنه صغير والسخونه كانت قويه لازم تفرز حرار
وانا اللي مخوفني انه ماكان يرضع مرضاعته احاول اعصر الحليب في حلجه مايبي لانه مايقدر يشرب شئ ولا ياكل

والحمدلله عقب خمس ايام رجع ياكل شوي شوي الحين الحمدلله رب العالمين

بس

بس

بس

بس


الحليب خلاص عافه
مايبي يشرب لابالكوب ولا بالمرضاعه خلاص مايبي يشرب حليب
حاولت بكل انواع الحليب وكل الطرق مافي فايده


وهو توه عمره سنه وعشر شهور
اخاف انه مب زين عليه او شئ
اخوانه كلهم كانوا يرضعون ثلاث سنين وكنت مرتاحه لانه الحليب مفيد لهم ولنمو العظام في هالفتره

بس هو غير عنهم الحين عاف الحليب في سن مبكر

وانا خايفه عليه

صار يرقد من غير حليب
وتعااااااااااااااالوا شوفوه اذا قام من نومه احاول ارد اخليه ينام بحليب مايبي مايبي يشرب اعطيه اي شئ ثاني ممكن الا الحليب
والاشياء الثانيه تعرفون ماتشبعه كثر الحليب
وكل دقيقه يقوم
والله
والله
والله
تعبت
ريحوني بارك الله فيكم


لانومي نوم ولا قعدتي قعده
هالثلاث اسابيع تعبت فيهم حيييل
تكفون ساعدوني
او طمنوني


انا راضيه اقوم له كل دقيقه
بس على الاقل بالي مرتاح انه عادي عدم شربه للحليب وماياثر فيه مستقبلا


معليش طولت السالفه بس لاني فعلا متضايقه وخايفه

قوليلي من مرت بلي مريت فيه واشلون عالجت الموقف او ايش سوت

وهل عدم شربه للحليب ماياثر عليه يعني عادي
لانه الحليب مفيد

ارجوكم ردوا علي ضوروري على الاقل طمنوني بببببببس
طالبتكم ارجوكم
اكيد حاسين بتعب اللي انا فيه


الله يخليلكم اعيالكم يارب [/frame]