والله العظيم امووت كل يوم.. تعبانة ساعدوني لا تهملون موضوعي..

اسأل الله تعالى بأسمائه الحسنى وصفاته العلى ووحدانيته أن يشرح صدرك ويفرج همك ويأخذ بيدك إلى مافيه سعادتك في الدنيا والآخرة .
وفقكِ الله ورزقك وزوجك السعادة والطمأنينة

اللهم اميين اللهم امييين
ربي يفرج همج يا اختي ....

بنفسجة العين

الله يعينج حبيبتي

عليج بالدعاء لله اختي بس المعروف عن الرجل الشرقي انه غيور وصعب انه يعيش مع مره الها ماضي رغم انه الاكثر الحين مروا بتجارب ولو كانت شريفه بس مو كلهم متفاهمين..زانتي لا تكذبي عليه بس قوليله انه الماضي مات وانا اذا سويت شي ما يرضيك تراني تبت

ربي يريح قلبك

ياربي ليش الرجال يسوون كذا مع بعضهم غلط قبل مايتزوج

انتي اهم شي ياقلبي لاتقولين ولاشي ،، عشان تحافظين على بيتك وزوجك وولدكم
خلاص ماضي وانتهى ليش الواحد يفتح مواضيع مقفولة ..

حاولي ان اتكوني رايقة وانشالله موقع الفتاوي مايقصرون ماعك

يارب يارب يارب يسعدك ويهنيك في حياتك الزوجية يارب

لاتنسين تذكرين الله في كل ساعة عشان تتسهل امورك

قلبي ماعك يالغالية .

حبيبتى
انا شايفه ان الموضوع اقل من كده بكتيير
المفروض ان اللى فات مات مش من حقه يعرف ماضيكى انتوا خلاص اتجوزتوا وهو عرف انك محترمه
مالوش دعوه بقا انتى كنتى ايه استغفرى ربنا وياريت تصللى استخاره فانك تصارحيه ولا لاء
بس انا قولتلك رايى وربنا يوفقك
وياريت تطمنينا عليكى

الله يعينج يا أختي ,,, الاخوات ماقصروا معاج ................ ودنا أنعرف وين اوصلت وياج الامور

اشكركم خواتي من كل قلبي جزاكم الله خير ..

تدرون من يومين ريلي فتح معاي نفس السالفة ... واتذكرت كلامكم كلكم والله وسويت الي قلتوا لي عليه ...

كلمته بهدوء وعقل وعطيته امثله وايد .. وهو مقتنع بكلامي 100% بس شو يصير له ما اعرف .. وقلت له خل الماضي شي محظور بالنسبة لك ... واتفقنا انه الماضي ماله خص فيه وانه ما بيتكلم فيه ابد .. بس طبعاً بعد ما سألني كم سؤال وانا انكرت :( يعني قلت لا ما صار هالشي .. وانا خايفة انه هالشي اخذ اثم الكذب عليه ..

وان شالله تمضي الامور كلها بهدوء ... دعواتكم لي ..

الله يهدي أمورج وبالج يارب ... ويسخر ريلج لج

الله يستر عليج دنيا وآخرة يارب ...... بس شو اللي مخلي ريلج يشك او يصر على ان لج ماضي ؟؟؟؟؟ الله يعينج و يسر امورج و يفرجها عليج و يخليج لزوجج و ولدج انشالله .... اكثري من الاستغفار عزيزتي و اتحملي اتخبرينه عن سوالفج الاولية .... و الله يفرج عنج وعن كل مسلم ياااااااااااااارب ...

والله عورتي قلبي
لكن هذا ماضي وانتهى وعفا الله عما سلف
ومدامك تبتي خلاص حاولي تتناسين الشي هذا
وحتى وزوجك يسئلك عنه تصرفي معاه بطريقه طبيعيه
وانتبهي تنفعلين قدامه او تزعلين علشان ما يشك فيك اكثر
لاني حسيت من كلامك انك حساسه مره فلا تعطين زوجك فرصه
انه يشك خصوصا بمجتمعنا الشرقي الرجال مهما غلطو عندهم عادي
لكن مسكينه المراه محاسبه على كل صغيره وكبيره ومحد يسامحها
لو غلطت علشان كذا لا تعترفين لا تعترفين لا تعترفين اقولها لك 1000 مره
علشان ما تخربين حياتك وعلشان ولدك وعليك بالقرأن لا تتركينه
والله يكون بعونك

بصراحه الاخوان والاخوات ما قصروا

يعني ما خلوا شي ينقال الله يجزاهم خير

بس باقي شي اهو شو الي يغذي هاذا الشك في نفس ريلج

انتبهي يا اختي لتصرفاتج معاه وتصرفاتج مع الاخرين بالذات قدامه

شو هو الشي الي يخليه دايم يرد يسئلج عن ماضيج هل هو شكاك

اذا كان شذي كوني حازمه معاه وفهميه ان هاذا شرف وسمعه وانج ما بتسمحيله بعذ كي يفتح هاي السيره معاج او بيصير شي ما يحمد عقباه

ولا تكونين ضعيفه في هاي النقطه لانج بتمين داخل هاذي الدوامه طول عمرج

صار كانه يتسلى على اعصابج كل يوم والثاني فاتح لج هاذا الباب لازم تسكرينه مهما كان واياني واياج تبينينله ضعفج والمج على الي فات

لان هاذا الي بيخلي الشك يبقى في داخله

بعدين انتي لج مذكرات كاتبه شي من هالقبيل قايله لحد ولا شلون يتم يرد لنفس السالفه كل شوي

الغي الخوف من حياتج عشان الماضي لان الخوف الي انتي فيه هو الي بيدمر عليج ايامج الجايه

استري على عمرج ولا تكلمينه او اي احد عن ماضيج والله غفور رحيم

الله يعينج يا اختي

لا حول ولاقوة إلا بالله
والله يا حبيبتي كلامك يقطع القلب
بصراحة أنا من راي البنات
إنك ما تقولين له وحاولي تنسيه بأي طريقة
الله يصلح الحال ياارب

الغالية الاخوات كفوا ووفوا..وانا فعلا استغرب من زوجج هذا التصرف..لانه واسمحيلي في هالكلمة انه الريال عيب يشك في زوجته دام انها طيبة معاه ومحترمتنه في وجوده وغيابه وصارت له بكل ما تملك ...انا لو مكانج بس لو مرة لمح لي ريلي بانه يشك فيني احسسه انه مش من حقه هالشعور من ناحيتي لانه لو هو مش واثق في اختياره لي كزوجه ليش خذني من قبل محد غصبه علي!!!!
وصارت معاي وزوجي حرم من يومها لاننا بنات عرب وما نرضى على عمارنا..ولو عنده ذرة شك من قبل او الحين..هو مش مجبور يعيش معاي لحظة وحدة من اليوم...حسسيه انج ما ترضين على نفسج ومش من حقه هالتساؤلات كل يوم..لانها فعلا على مر الزمان بتاثر وايد على حياتكم..حاولي تاخذين موقف حازم معاه ولو لمرة وحدة عشان ما يرجع يفتح لج الموضوع...

ومهما كان اللي سويتيه قبل تراه ماضي والحمدلله الله ستر عليج ورزقج بالحياه الطيبة...لا تخلين افكار ما لها داعي تخرب عليج...وحاولي دايما تثبتين لزوجج بتصرفاتج قدامه انه محد في عيونج غيره هو وبس ...ومثل ما قلتلج تمسكي بثقتج في نفسج وانه الحمدلله الله يريد لج الستر..ولا تنهارين قدام ريلج مهما كان وكوني الاقوى...

والله يوفقج ان شاءالله

أم سعيد كلامج والله عين العقل يعطيج الف عافية على هالرزانة والعقل :)

الحمد لله يا حبيبتى
انكم اتكلمتوا بصراحه وبهدوء وانا شايفه انك الحاجات اللى انكرتيها دى فعلا مش لازم يعرفها

وخلاص بئه انتى صراحتك وتوبتك مع ربنا وان شاء الله هيتقبل منك

والدليل على كده اذا نادى عبدا عاصى على الله

فيقول يارب.........فتحجب الملائكه صوته
ثم يقول يارب.........فتحجب الملائكه صوته
ثم يقول يارب......... فتحجب الملائكه صوته
فالله عز وجل ينادى على الملائكه ويقول لهم(الى متى تحجبون صوت عبدى عنى)

لبيك عبدى..........لبيك عبدى............لبيك عبدى
فان شاء الله ربنا هيتقبل ويغفرلك ويعفو عنك

قولى اميييييييييييييين

اشكركم والله من قلبي خواتي العزيزات ...

انا نفسي ما اعرف ريلي شفيه يعني واثق فيني يوديني اي مكان ويخليني اسير اي مكان .. ما عنده شك اني انا ممكن اسوي شي في المستقبل او خلال حياتي معاه ... لأنه يشوف تعاملي معاه .. وانا ما امدح عمري يعني الحمدلله قايمة بواجباتي كلها ...

بس مادري ليش فيه شي يأكد له انه لي ماضي .. عالعموم هو وعدني انه ما يعيد الموضوع معاي .. لأني حاولت احط حدود بس ما اثق انه ما بيفكر ابد .. :( يمكن لأنه يشوفني من النوع الي يعرف يتصرف مع كل الناس .. جريئة شوي .. يعني ما ينخاف علي .. فتوقع اني سويت شي .. الله اعلم...

اختي ان شاء الله ماراخ تاخذين اثم انج انكرتي هالاشياء او كذبتي

لانه الرسول قال الكذب حلال في حالات

الحرب
وبين الزوجين حتى لا تنهدم حياتهما الزوجيه
وللاصلاح

هذا والله اعلم

لا حبيبتي اكبر غلطة ارتكبتيها انج قلتيله انج كنتي تكلمين واحد عزيزتي الرجل الشرقي ابد مايتحمل زلة المراة حتى لوتابت مليون مرة المراة عندهم اذا سووت شئ بسرررعة سمعتها ترووح وتخيس لكن الريايييل عيني عينك الزنا والخيانة والجذب كله فيهم لكن محد يقدر يقولهم شئ ولاحد يعاتبهم لكن الحرمة مصيرها الدمار والظلم والقتل حتى لوتااابت

اختى خلي ثقتج بربج قووية وانا بقوولج اياها اياكي ثم اياكي ثم اياكي تقولين حق ريلج عن ماضيج صدقيني بيطلقج ومابيثق فييج وبيشووفج مثل الشيطااان في البيت وبيحتقرج وبيعايرج بالوسخة القذرة ووو

الى فات مات تذكري الله اللى يغفر الذنووب ويساامح ربج غفوور رحيم البنى ادم طبيعته يغلط لكن العيب الواحد يستمر بالغلط وكل واحد غلط بهذي الدنيااا حتى زوجج يعني ماراح اصدق انه ماكانت عينه زايغة ولا يغازل ولا يرمس بناات
اساليه نفس مايسالج قوليله انتى قولي شنو ماضيك وشنو كنت تسوووي صدقيني بيتهرب ولا بيجاوبج عيل شلون يرضى لج؟؟؟؟؟
ودام الله ساترج ليش تفضحين نفسج انكري وبقوووة
وبنفس الوقت بيني توبتج لربج ليش مثلااا ماتروحون العمرررة استغفري اقراي قراان تعوذي كم ابليس ادعي ليل نهار انه الله يستر عليج دنياا واخرة ويستر على كل المسلمييين

مشكورة اختي آسرة القلوب والله ريحتيني يزاج الله خير ...

اختي ماريتا اشكرج على ردج الطيب .. كان موقفي صعب وقتها عشان جي اعترفت :(

وغير جي انا متأكده من ماضي ريلي ... واعرف انه ما سوى شي غلط بحياته وهالشي انا متأكده منه مثل ما متأكده من عمري .. لأنه اكبر واحد وشايل المسؤولية كاملة وغير جي اتزوجني وهو صغير .. واشياء وايد اتأكد لي ماضيه ... وهالي متعبني ..
انا نهيت الموضوع معاه بس لو صار وانفتح بكون صارمة وياه شوي مثل ما نصحتوني كلكم .. لأنه فعلاُ هالشي يتعب ويدمر ترا ..

والله يعينني

عزيزتي فقيرة حظ قبل كل شي غيري اسمج وتفائلي بالخير علشان يكون في دربج إن شالله..انا قريت بعض الردود موب كلها بس أشوف ان كلامهم صحيح...واللي اريد ان اضيفه هو انه يمكن ريلج سامع كلام من حد او تنغيزات ولا ما اعتقد انه بيصر انه يعرف ماضيج بالصوره هذي...بعدين بنصحج بعدة أشياء:
أولا: أوصيج بقيييييييييييام الليل والدعاء انه الله يفرج كربج.
ثانيا: بيني لريلج انج انسانه صالحة ومتدينه وخليه يحس بالايمان والدين في أقوالج وافعاليج
علشان يمحي أي فكرة سيئة عنج.
ثالثا: مثل ما قالو الاخوات لا تتكلمين عن ماضيج لانج صارحتيه بشي واذا قلت شي ثاني بعد بيتم
يشك فيج وانج مخبيه أشياء وايد عنه. وقوليله بهدوء انج تحبينه وانج كل اللي
تريدينه من الدنيا انكم تعيشون بسعادة وأمان ويا ولدكم الله يخليه لكم.

""وخبرينا شو صار معاج""