اللي ولادتها شهر يناير .. ياريت نتعرف على بعض

]يعطيك العافية اخت بنبونه على هذه المعلومات القيمة ، وانا من فتره كنت ادور كيفيةحساب مدة الحمل بالاسابيع...... .

مشكوره اختي بنبونه على المعلومات القيمه

وابشركم خواتي امس رحت الى الدكتوره وكان كلش سليم ونبض الجنين تمام الحمد الله

واعطتني فيتامينات .....

الله يسلمكم أخواتي... ويسهل علينا جميعاً أمين يارب العالمين .. أنا الصراحة من كم يوم تعبانة من ظهري وحاسة بألم بأسفل البطن :( .. ما أقدر ادخل المنتدى .. فقط من الدوام إلى البيت .. الله المستعان

ياااااااااااااهلا وياااااااااااامرحبا فيك أختي بنبونه...
سلامات يالغاليه..... و ما تشوفين شر انشاء الله.... حاولي اتريحين ظهرك وخصوصا اذا شغلك يتطلب الجلوس لمدة طويلة... وفي البيت حاولي انك تستلقين على ظهرك على قد ما تقدرين ... وانشاء الله ما اتشوفين الا العافية...

شلونكم حوااامل ..... وينكم ........ ما شفت حد منكم اليوم ؟؟؟؟

سلاااااااام

غبت شوي لاني كنت في اجازة ورجعت وكلي على بعضي الم و وجع وتعب وارهاق:sad:

على العموم وين وصلوا الحبايب؟

هل في وحدة من الأخوات بنفس مدة حملي؟؟؟؟

ياااااااااااااهلا ومرحبا فيك أختي صباحي .......

طولتي علينا الغيبة .... اشتقنالك ...
ما تشوفين شر يااااالغالية ........
وبالنسبه للي معاك في نفس الفتره ...ريح النفل.. الله ايهون عليكم ويقومكم بالسلامه ...

خواتي اوشن ورشوش مشكورين علي الرد واتمني دايما تواصلكم معاي وبالنسبه للدكتوره سكينه انا بصراحه ما تعجبني في حملي الاولي كنت بالشهر التاسع وعندي حساسيه في بطني ووصفتلي مرهم ولما قريت الورقه الي في الدوا طلع ممنوع استخدامه علي المساحات الكبيره من الجسم من يومها ما قمت اروحلها

انا الحين بثاني اسبوع من الشهر الخامس وللحين ما حسيت بحركه الجنين ولا كبرت بطني بنات طمنوني هذا شئ طبيعي ولا اروح اراجع الدكتوره بصراحه انا خايفه حيل وابي ردكم باسرع وقت

مرحبا أختي هنومه.... اشلونك ؟...أشتقنالك ؟.....
بالنسبه لكبر بطنك وحركة البيبي ...هل بطنك ما كبر ؟؟؟ ولا كبر شيء بسيط ؟؟؟ ما فهمت عليك؟؟
اما بالنسبة لحركة البيبي عادي فية حوامل ايحسون من وسط الرابع وفيه حوامل ايحسون مع نهاية الخامس .. اذا كنت قلقه وحسيتي انك على غير طبيعتك في الحمل الاول ، اعملي سونار وهم بيطمنونك علي كل شيء ..وياريت اطمنينا عليك ...

هلا وغلا اختي اوشن ومشكوره علي تواصلك معاي الاسبوع هذا بطني اطلعت شوي ويبست بس اليوم اشوف بطني ردت عاديه مثل قبل الحمل ولحد الحين ما في حركه عشان شذيه متخوفه مع العلم هذا حملي الثاني والحمل الاول حسيت بالحركه من الرابع

حبيبتي هنومه....
ماأبي أخوفك بس سوي سونار أفضل حتى تطمنين وطمنينا معاك......
وانشاء الله ما فيك الا العافية ...

هنومه لا تخافين

فيه كثير من الحوامل نفس حالتك

يمكن الجنين ضعيف

انت روحي الى الدكتوره وهي بطمنك اكثر وان شاء الله ما قدامك الا العافيه

السلام عليكم ورحمة الله وبركاته
اشلونكم حوامل...شخباركم ...
هنومه .. شالاخبار طمنينا ... وايد بالي مشغول عليك:think: ...

لا الحمد الله اختي اوشن اليوم رحت المستشفي وسويت سونار وسمعت نبض الياهل وطلع كل شئ ok الحمد الله ومشكوره علي السؤال

هلا .... هنومه..
الحمد الله طمنتيني ... زين سويتي سونار .. على الاقل ارتاح بالك واطمنتي:up:...

حوامل اشحالكم ..ان شاء الله بخير .. شو مسويين مع الحمل ... بديتوا تشترون أغراض حق البيبي أو بعدكم . أنا الصراحة يوم الاربعاء سرت مmohtercare و cerdar bird واشتريت اشياء بسيطة ... وانتوا شو سويتوا ...

بصراحه انا ما احب اجهز الا بالشهر السابع او الثامن قرييب الولاده ولا انتو اشرايكم

الحمد الله انك تطمنتي اختي هنومه على جنينك

وانا زيك افكر اني اجهز للبيبي اذا سرت في الشهر السابع


بنبونه تعرفين انا ودي من اليوم اني ابداء اشتري اغراض حبيب قلبي لكن بدري

وخاصه ان هذا اول حمل ليه بعد انتظار سنه ونصف

ريح النفل ان شاء الله الله يتملك حملك علي خير ويشرف حبيب قلبك ويملي عليك دنيتك