اللي ولادتها شهر يناير .. ياريت نتعرف على بعض

شلونكم خواتي
ابشركم اني اول وحده قصت الشريط كان المفروض اولد على راس السنه 1\1 \2006 بس الله ما أراد و البيبي كان تعبان
جبت بنوته تجنن مثل القمر يوم الخميس 29\12\2005
عسى الله يهون عليكم و يخفف عليكم الطلق و لا تنسون الأدعيه بالولاده

فرحه عمري:
شلونكم خواتي
ابشركم اني اول وحده قصت الشريط كان المفروض اولد على راس السنه 1\1 \2006 بس الله ما أراد و البيبي كان تعبان
جبت بنوته تجنن مثل القمر يوم الخميس 29\12\2005
عسى الله يهون عليكم و يخفف عليكم الطلق و لا تنسون الأدعيه بالولاده

الف الف الف الف حمد الله على سلامتك ..ومبروك قدوم المولوده ..تتربى في عزكم انشاء الله ..
ماقلتيلنا ايش سميتيها وانشاء الله ما تعبتي في الولادة..

hdeel:
الله يسهل على كل وحده بالنسبة لي قبل اسبوعين زرت الطبيب وقال لي ان ماي البطن قليل لكن في الحد المعقول لو كان اكثر اكيد بيكون افضل ونصحني اكثر شرب السوائل واقلل الحركة.... وامس زرت مره ثانية وقال لي لازال ماي البطن مثل ماكان راح نستنه الأسبوع الجاي ولي بعده اذا قلت حركة البيبي راح نعمل لك ولادة مبكره:cry: وبالصراحة انا خفت انا اللحين في نهاية الأسبوع34البيبي كويس وعمل لي سونار ثلاثي الأبعاد كانت الصور ملونه وحلوه...انا موعد ولادتي المفروض يكون في 6فبراير بس الحمد لله على كل حال بما ان البيبي صحته كويسة....
ويالله عاد ماابي اسبقكم للولاده كونوا شاطرين وعجلوا....
في حفظ الله

مرررحبا اختي هديل .......
اشلونك ..الله ايهون عليك ويقومك بالسلامة ...وطمنينا عليك ولا تقاطعينا ...

الضحى1:
سلام حبيباتي انا مثلكم قربت ودخلت شهري ودي اولد اليوم واخلص ادعو لي رجعت غثيان واستفراغ الله يكرمكم والم بالظهر وحوسه الله لايبليكم موعدي اخر الشهر.
بالنسبه للولاده في الشتاء والله افضل بكثير جربت ولاده في الصيف وولادتين في الشتاء وخاصة نحن اهل جده الجو عندنا طيب ويساعد,,,الله يفرج على الجميع.

مرحبا بالضحى ....
غثيان واستفراغ وحوسه جنها بوااادر اللي بالي بالك ...
الله ايهون عليك ويقومك بالسلامة ...

الف مبروك اختي فرحة عمري

وعقبالنا الله يسهل

يالله نبي نسمع قصة ولدتك وكيف تعبتي والا لا وش سميتها ؟؟

نتظرك يا عسل

مبروووووووووووك أختي فرحة عمري وتتربى في عزكم إنشالله وعقبال كل اللي فالمنتدى:)

مرررررررررررحبا حوااااااااااااااااااااامل ...
فرحه عمري ...ننتظر قصة الولادة.....

هلا حبيبــــــــــــــــــــــــــــــــــاتي

كل عـــــــــــــــــــــــــــــــــــام وانتم بخير

والله يسهل على كل حامل

كيفج أوشن شكلج بتربن ابكر

أذا تحسين ان حركت الياهل خفت والبطن تصلبت قربت ولادتج

أنا أتوقع في فترة العيد يمكن 11\1

سؤااااااااااااااااال محرج

كيف تشلن الشعر لاني

تعبت من الشل بالحلاوة وبعض منه ما أطووووووووووووله شو الحل

~نبضة قلب~:
سؤااااااااااااااااال محرج

كيف تشلن الشعر لاني

تعبت من الشل بالحلاوة وبعض منه ما أطووووووووووووله شو الحل

هلا بنبضة قلب .......
اشلونك ...وش أخبارك ...
ههههههههه حلوه توقعاتك لموعد ولادتي ..الله ايسهل علينا ويقومنا بالسلامه ..احنا وعيالنا ..
بس ليش اخرتيلي الموعد من 5/1 الى 11/1 ؟
بالنسبة لشيل الشعر ايتروالي ماينفع في هالمرحلة غير الموس ...

السلام عليكم ورحمة الله وبركاته

مرحبا اخواتي كيفكم ؟

اذا تسمحون لي انضم لكم لاني بشهري التاسع والاخير تقريبا لي 14 يوم من دخلت التاسع واتمنى أولد قبل العيد وماودي أطول بالشهر لاني ملووووله ومااقدر اصبر

والله يسهل علي وعلى الجميع

وابي اعرف شلون اعرف اذا قربت ولادتي وانا بصراحه ماامشي كثير تقريبا باليوم ربع ساعه بس وماعندكم طريقه يابنات تخليني أولد بسرعه تراااني زززهقت

والله يقومنا بالسلامه

اختكم دمعة بحر

هلا اختي دمعة بحر واكيد يسعدنا انضمامك

بس ليه انت مستعجله خلاص هانت

كلها كم يوم والبيبي في حضنك ان شاء الله

ولا تستعجليني ابدا عيوني لان اللي كاتبه ربي بيسير

وانتبهي من اي شيء تاخذينه قبل الولاده بعدين يسير فيك شيء او الجنين لا سمح الله

خلي كل شيء في وقته افضلك

هلا حبيباتي
هلا دمعة بحر الله يسهل عليج

اخبارج يا ريح النفل كم لج الحين


اوشن 11\1 اتوقع انا اولد

مرررحبا بأنضمامك معانا دمعه بحر ......
لاحقه حبيبيتي على الولادة ...بيجيك السهر والتعب بتقولين ذيك الساع يومنه في بطني اهون ....الله ايهون عليك ويقومك بالسلامة

مرحباااااااااااابريح النفل و نبضه قلب ......
اشلونكم ........شخباركم ....

السلام عليكم ورحمة الله وبركاتة
كيفكم انشاء الله الجميع بخير
اريد اسالكم سوال ذهبت للمراجعه والدكتوره قالتلى ان الماء الموجود حول الجنين نقص
ياريت اى احد عنده خبره او معلومه يقولى عليه عشان قلبى يرتاح
وشكرا

مرحبا بالعرايس
أنا بكريه و موعد ولادتي
25/1/2006
الله يسهل علي و عليكن انشاءالله

اول شي الحمد لله على السلامة فرحة عمري ومبروك ماجاك:clap:
بالنسبة لي بعد سالفة موية البطن امس رحت للدكتورة وقالت لي احسبي في الليل خلال نص ساعة حركة الجنين إذا اقل من عشرة راح نعمل طلق اصطناعي واذا اكثر راح نستنى قالت لي احسب بالليل نص ساعة والصباح نص ساعة وقبل مااحسب اشرب شي حلو وانام على جانب الشمال
وعملت مثل ماقالت لي تحرك البيبي 8مرات بالليل و7 بالصباح وانا انتظر دوام الدكتورة حتى تخبرني عن قرارها طبعا قالت لي اكثر من السوائل بشكل كبير....:sad:
يالله عاد ابي وحده منكم تفرحني وتسبقني
الله يسهل عليكم

moonmoons5:
مرحبا بالعرايس
أنا بكريه و موعد ولادتي
25/1/2006
الله يسهل علي و عليكن انشاءالله

مرحباااااا بmoonmoons5.....
هلا بأنضمامك معانا ...والله ايهون عليك ويقومك بالسلامة ....

عروسة الحفل:
السلام عليكم ورحمة الله وبركاتة
كيفكم انشاء الله الجميع بخير
اريد اسالكم سوال ذهبت للمراجعه والدكتوره قالتلى ان الماء الموجود حول الجنين نقص
ياريت اى احد عنده خبره او معلومه يقولى عليه عشان قلبى يرتاح
وشكرا

وعليكم السلام ورحمة الله وبركاتة ..
هلا بعروسة الحفل.......
الدكتوره على اي اساس احكمت ان الماي نقص عن طريق الفحص ولا عن طريق نتيجة السونار ...