اللي ولادتها شهر يناير .. ياريت نتعرف على بعض

السلام عليكم ورحمة الله وبركاته
كيف حبايبنا الحوامل وبيبياتكم ان شاءالله الجميع بخير
الحمدلله كل شيئ على ما يرام واستنى الولاده والفرج من الله
حبيت اطمن على الجميع واقول الله يقومنا جميع بالسلامه
اختكم lady 2004

بنبونه:
السلام عليكم .... حوامل اشحالكم ان شاء الله بخير ....

وعليكم السلام ورحمه الله وبركاته ....
الحمد الله تمام ......انتي شخبارك مع الحمل ....

دفء الجليد:
شلونكم يا حوامل

الله يهون عليكم ان شاء الله وعاد هالله الله بالخبرات اول ما تولدون كل وحده تكتب تقرير كامل عن الولادة بالتفصيل الممل

ههههههههههههههه

وعندي سؤال شنهو حمض الفوليك ؟

وليش الوحده لازم تاخذه

وعلشان شنو ؟؟

وشنهي الفايده منه ؟

هلا اختي دفء الجليد .......
الحمد الله تمام انتي شخبارك....
ان اقراص حامض الفوليك لها دور في تقليل مخاطر حدوث عيوب الانبوب العصبي الجنيني ، مثل حالة الصلب المشروم ، ولهذا فان النصيحة المقدمة للنساء هي تعاطي 400مكغم يوميا من اقراص حامض الفوليك خلال مدة الحمل .
ان الاسلوب الامثل هو ان الحامل تتناول حامض الفوليك لمدة 3أشهر قبل الحبل وخلال 12أسبوعاالاولى من الحمل.

lady2004:
السلام عليكم ورحمة الله وبركاته
كيف حبايبنا الحوامل وبيبياتكم ان شاءالله الجميع بخير
الحمدلله كل شيئ على ما يرام واستنى الولاده والفرج من الله
حبيت اطمن على الجميع واقول الله يقومنا جميع بالسلامه
اختكم lady 2004

هلا ومرحبا بlady2004......
شخبااااااارك ....

شخباركم جميعا.........

عزيزتي أوشن .
لو اخذت جرعة زائدة عن طريق الخطأ من كبسولات فولكيرون هل تعد خطرة على الجنين ؟

الرجاء الرد عزيزتي ، لأني تناولت هذه الحبوب بجرعة خطأ كبسولتين مع بعض (مرتين) في اليوم (لمدة ثلاثة أيام)؟

و أنا خاااااااااااااااااايفة ان البيبي تضرر منها؟؟

المحمدية:
شخباركم جميعا.........

عزيزتي أوشن .
لو اخذت جرعة زائدة عن طريق الخطأ من كبسولات فولكيرون هل تعد خطرة على الجنين ؟

الرجاء الرد عزيزتي ، لأني تناولت هذه الحبوب بجرعة خطأ كبسولتين مع بعض (مرتين) في اليوم (لمدة ثلاثة أيام)؟

و أنا خاااااااااااااااااايفة ان البيبي تضرر منها؟؟

هلا ومرحبا باختي المحمدية .......
اشلونك .. انشاء الله بخير ...
بالنسبة لسؤالك انا اول مره اسم عن هالحبوب وما عندي فكره عن اي شيء هي تؤخذ...ولو تسألين صيدلي يتهألي بيفيدك أكثر ...

اها الفولكيرون حبوب حديد وفيتامينات ...انشاء الله ما فيه اي مضره لانها فيتامينات والجسم بياخذ احتياجه منها والباقي بيتخاص الجسم منه .....

مرحباااااااااااااا ...........
اشلونكم حوااااااااااامل ............

ووووووووووووينكم؟؟؟؟؟؟

هلا خواتي شهر يناير

هلا اختي اوشن

دخلت التاسع والموعد قدمته لي الدكتورة عطتني 18/12 وانه كل يوم امشي

سمعتو خواتي قصتي كتبتها بس ما ادري اذا شفتوها او لا

اني وقت الي في الشهر الخامس خبرتني الدكتورة اني فيني بنت بس مو اكيد
وفي الشهر السادس خبرتني دكتورة ثانية اني فيني بنت بس اكيد

وبس من كم يوم اتخبرني دكتورة ثالثة بعد اني فيني ولد واكيد

ما ادري مين الصح ومين الغلط

لاني جهزت كل وردي من ثياب وحلاوة وهداية وما في مجال للتبديل
سويت الجدول الصيني على الرغم اني ما اعتقد فيه طلع لي بنت

بس الكثير اقول لي انه البيبي في الشهور الخامس والسادس ابين اوضح من الشهر الاخير لان اكون البيبي في هذا الشهر ملموم على نفسه وبصعوبه ابين والله اعلم

على العموم ادعو لي اقوم بالسلامه والبيبي بصحه وعافيه هذا اهم شي

حوااامل اشحالكم .. ان شاء الله بخير ...

«®°·.¸.•°°·.¸¸.•°°·.¸.•°®»مساء الخير ياحلوووووووووووووين اشحاااااااااااالكم انشاءالله مرتاحين«®°·.¸.•°°·.¸¸.•°°·.¸.•°®»

مرحبااا اخت نوالي ........
الله ايهون عليك وتقومين بالسلامه ..... ولا تنسين اتبشرينا بالولادة ....ماقلتيلنا ايش جهزتي للولاده من حلويات واشياء للتقديم ......

هلا بنبونه .......
اشلونك ...شخبارك ويا الحمل ...انشاء الله مستعده للمشي ...

هلا خواتي الحوامل

هلا اوشن

جهزت الحلاوة على شكل خلية نحل كبيرة فيها علب عسل صغيره وفوقها قطعة حلاوة بس تكون بتشكيلة الجميلة مع التور الوخرز والشي الناعمه

وبعد وصيت محل ورد اجهز لي يوم الولاده اذا اتصل فيه زوجي ورد طبيعي وداخل الورده في الوسط حلاوة

وللاطفال جهرت دجاجة عندها كتكوتها طالع من البيضه وفي البيضه حلاوة

بس كل الحلاوة سويتها وردي حتى خلية النحل كنت بسويها صفرة بس قلت لا الوردي احلى لاني جهزت وردي

واذا اجه البيبي ولد شكله بعصب على الماما لان هو رجال وسط اشياء للبنات

ادعو لي اقوم بالسلامه

مسااااااااء الخير ... اشحالكم حوامل ...

الله يقومك بالسلامة يا (( نوالي )) ...

اوشن اشحالج .. لا ما مشيت بعدي بس طلعاتي اكثرت هل الايام في الاسواق ... وانا ان شاء الله ببدء الاسبوع الياي اجهز هدايا للتوزيع ... بس لين ألحين ما أعر ف شو اكتب على البطاقة ... اريد كلام حلو ... وانا بوزع دبدوب مع كاكاو طبعاً مغلف بالتور و الشرايط ...

شورايكم كل حامل تكتب شو بتسوي للتوزيع ... كل وحدة اطلع عبارات حلوة عشان البطاقة :) ... وجي كلنا بنستفيد :)

أنا لين ألحين حصلت هل العبارات :

- بسم الله لين شلتوني وبدعوه حلوة لا تنسوني

- حبوني زيادة شويَا .......ماما وبابا تعبوا عليَا

- أدعو لي بالصلاح والهداية والفلاح
اللهم اجعله من حفظة كتابك واصلحه واهده

- ما شاء الله العين تسر من جماله تبارك الله يا زينه في دلاله

حوامل كل وحدة تحطي فكرتها :up:

هلا حوامل

بكتب لكم شنو كتبت على الكارت للحلاوة

اخذت العبارات من المنتدى بس عدلت فيها وسويت فيها كلام من عندي

بسعادة يوم ولادتي هلت البشاير
وباول صوت لي هزيت المشاعر
الله يسلم أمي بعد الولادة من المخاطر
ويجعلني لها دوم طيب وشاطر



بقدومي اشرقت شمس الشموس
ةعمت البهجة بالنفوس
والكل يبارك لأمي ويبوس
ونخلي وجه الحساد عبوس


جيتوني يا أغلى عزوتي
وأنا في المهد بلفتي
وأن شاء الله يالحبايب أجوني
بعرسي تشاركوني بزفتي


حملتني أمي تسعت شهور
وهي اليوم بأجمل شعور
فرحة تعب وحمل وولادة
صرت بالعيلة مشهور


اعلن فرحتي للبشر
وابشرهم بهذا الخبر
بشرى مولودي القمر
يحفظه ربي من كل خطر



اتمنى عجبتكم العبارات

ادعو لي اقوم بالسلامة
لاني خايفة من الولادة

مرحبا خواتي الحوامل ، شلونكم عساكم بخير
يسعدني أنظم معاكم ، وموعد ولادتي إن شاءالله 29-1-2006 ، وأتمنى قبل ، لأني مليت .. وثقلت:sad: ، الله يعينا جميعا ..

نوالي شلونك و عسى الله يهون عليك ..
شهالفناتك والعبارات الحلوه للكروت ادعيلك من كل قلبي ان الله يهون عليك و يتمم فرحتك و فرحت الجمييع ... ضحكت على سالفه السونار لأن صار موقف لوحده اعرفها و الدكتوره تبشرها بنت لما وصلت شهرها والدكتوره تعيد لها نفس الكلام و المسكينه مجهزه بناتي ولما ولدت و قالولها بالغرفة انها جابت ولد ووروها الولد قبل لا يقصون سره بعد ..قالت لهم : ما عندكم سالفة وين بنتي ؟؟؟؟ هاهاهاه...
وانا بعد هالموقف حلفت ما اسئل شنو السونار واجهز الوان عادية مثل الأبيض-البيج-الاصفر-فستقي

أوشن حبيبتي شخبارك؟؟
شلونك مع الثقل وشكثر باقيلك؟؟؟
كنت بالمستشفى الفتره اللي فاتت ....ادعولي الله يهون علي و تكون ولادتي طبيعية
دعواتي للكل