اللي ولادتها شهر يناير .. ياريت نتعرف على بعض

السلام عليكم ورحمة الله وبركاته
تقدرين اتعرفين جنس الجنين من الشهر الخامس ، بس احيانا اتكون وضعيه الجنين هي السبب في عدم معرفتهم للنوع مثل (مصكر رجله ، معطينا ظهره ) وتقريبا انا وانتي وبنبونه وهمس العشق وعهد (ام محمد) نمشي في نفس الفتره من الحمل وانشاء الله بنستفيد من بعض واللي قبلنا واللي بعدنا ..

انا انشاءالله وبإذن الله تعالى راح تكون ولادتى بآخر شهر مارس ممكن اتليقف وادخل معاكم تمر الأيام عندي انا بدى الوحام عندي وصرت ثقيلة دم عند زوجي صرت ما اشتهيه بصراحة حتى افكر اروح كم يوم بيت امى من اشوفه ودي اتقيا مسكين وبصراحة انا خايفة من الولادة انشاءالله اولد ولادة قيصرية واولد بالسلامة والجنين يارب يطلع صاحي ....انا بالزور الزور الحمدالله حملت بفضل الله سبحانه وتعالى وبصراحة كل على الفراش من العمل الى البيت على السرير اللهم يوم واحد اللي اروح فيه السينما .... اما بخصوص الشتاء اعتقد لين بولد الشتاء بيخلص وبنكون بالربيع .....

ايش رايكم.........

ياهلا ومرحبا فيك اخت nodoo..الف مبروك على الحمل .. والله ايتمم لك على خير .. ويقومك بالسلامه .. الله ايعينك على فتره الوحام لانهاابصراحه ا تلوع الجبد..بس دام ان هذا اول حمل لك ليش اتمنين انها اتكون قيصرية...

هلا والله خواتي ... أنا سمعت إن ممكن تعرفين جنس الجنين من شهر الرابع بعد ...

خواتي بغيت اسألكم متى تحس الحامل بحركة البيبي .. في أي أسبوع أو شهر ؟

ممكن الحامل اتحس بحركة البيبي من نهايه الشهر الرابع اذا كانت نحيفه ولكن الشائع من بداية الشهر الخامس .

كيف حالك انا هاي ثانى حمل لي بس بعد عناء طويل الحمدالله ربي لك الحمد والشكر الله كتب لي خبرك حتى بنتى الله يحفظها جبتها بعلاج......وانشاءالله ربي يتمم علي وعليكم ويسهلها علينا آآآآآآآآآآآآمين......

اختي nodooالحمد الله انا بخير .. اشلونك مع الوحام انشاء الله احسن الحين ؟ على فكرة زين اتسوين انك مريحة نفسك وخصوصا انك في الاشهر الاولى .

وبنكم يا حوامل نبي انعرف شمسوين في هالشهر .. وشنهي الادوية والمقويات اللي تستعملونها .

سلام خواتي

انا الحين الحمد الله افتكيت من الوحام من يوم دخلت الشهر الرابع لانه كان يخف نهايت الشهر الثالث بس والله ما انتهى الا قد تعبني وطفش زوجي مني تعرفون هذا اول حمل للي ولازم ادلع ههههههه

بس اعاني من مشكله مثل الاخت صباحي اللي هي الغازات مع اني اشرب نعناع وكل اكلي مفيد بس مدري وين السبب ..

ودي اسئل متى يبدى البطن يكبر لان بطني شوي كبر يعني شيء ما يبين كثير ....

وعليكم السلام اختي ريح النفل ....
وانا بعد مثلك من دخلت الرابع الحمد الله وايد احسن.. بس بغيت اعرف خواتي فيه حد منكم جربت تاخذ حبوب الكالسيوم ... وهل هي ضروريه للحامل مثل الفوليك اسيد ؟

السلام عليكم ممكن اشاركم انا ولادتي في 25 يناير وهذي ثاني ولاده لي في هذا الشهر وكانت لي تجريه في الصيف يعني ثالث حمل
ما تفرق الولاده في الصيف او الشتا المهم الوحده تقوم بالسلامه لانه 40 يوم الوحده ما راح تطلع من البيت الا للمستشفى للمراجعه
ما تصدقوني لو قلتلكم ان الوحم الا الحين ما خلص اول مره يسير معي كذا بس يقولون من حمل لاخر يختلف والله يعين وينتهي على خير
الادويه اللي استخدمها هي حمض الفوليك وراح ابتدي باخذ الفتامينات المفروض اني اخذتها من زمان بس انا اهملت في نفسي
وحبوب الكالسيوم دكتورتك هي اللي تقرر اذا كنت محتاجه او لا واذا كنت تاخذين فتامينات اكيد الكالسيوم من ضمنها اقراي المحتويات
وكمان اول مره في حملي يطلعلي بطن من الشهر الرابع يمكن لانه مو اول حمل
وهذي هي تجربتي الا الان في هذا الحمل والله يتمم لنا على خير ويقومنا بالسلامه
ونصيحتي لكل وحده انها تدلع نفسها كثير من لبس وراحه وكل اللي تهواه تسويه لا تخلون على نفسكم قاصر

هلا والله ...

أوشن انا من كملت الثالث وصفت لي الدكتورة الفتامينات + كالسيوم ، لأني ما أحب أشرب الحليب :cry:

ومن أسبوع وصفت لي الدكتورة حديد لأن استوالي فقر الدم ...

الحمدلله على كل حال ... وانتوا بنات شخباركم شو مسويات مع الحمل ؟ :shy:

انا من بداية الحمل كتبت لي الدكتورة حبوب الفوليل اسيد + الكالسيد فقط
وقالت لي اشرب حليب قليل الدسم + زبادي كثير

والحمدلله الوحام عندي مو هذاك المتعب بالعكس وحامي كان خفيف بس كثر الدلع خلاني احس بالتعب دائما وعلى فكرة مشكلة الغازات هاذي تعبت منها يعني بطني تطلع اصوات غازات!!!! تصدقون والله العظيم صرت ماعرف افرق بين الغازات وضربات النونو الخفيفة

عندي موعد بكرة مع الدكتورة اكيد باشرح لها المشكلة علشان تشوف لي حل.....

انا ما اخذ اي نوع من الفيتامينات او الكالسيوم

لان الدكتوره ما صرفتلي بس حبيت اسالكم عادي لو اخذتها

وبعدين اذا رحت الى الدكتوره راح اقولها وش رايكم ؟

وانا احس اني محتاجه فيتامينات........

مرحباااااااااااااااااا بنااااااااااااااااااااااااااات اشلونكم......
.بنبونه: انتي مثلي [مااحب الحليب ودايما يطلع علي ازيد من بيع السوق ، من اوصل الشهر الخامس تلقيني ما اقدر اثني رجلي من آلام الركبة وفي الشهر الثامن والتاسع تلقيني اصلي على كرسي ... بس اتعرفين ان روب وايد زين للحامل وخصوصا للي اتعاني من الالتهابات ....
صباحي : ياريت اتخبرينا شقالتلك الدكتوره بخصوص الغازات حتى يستفيدون منك باقي الحوامل ...
ريح النفل : ممكن تاخذين الفوليك اسيد فقط من الصيدليه لين اتروحين موعدك واتشوفك الدكتوره لان الفوليك اسيد +الحديد ما يصرفونه للحامل قبل الشهر الرابع ...
ارجو تواصل باقي الحوامل

تسلمين يا عسل انت

يا واشن ان شاء الله اني راح اخذه

وتصدقين انا مثلك اختي ما احب اشرب الحليب بس الله يعين

خوفتين يوم تقولين الالم في الركب والصلاه على الكرسي

السلام عليكم ورحمة الله وبركاته
شخباركم بنات وشخبار الحمل معاكم
أنا الحين بنهاية الشهر الثالث بالنسبه للوحام تعبني شوي في الشهرين الا راحوا وكل أمبي أنام وصداع فضيع ذابحني أنا بعد ماكنت أحب أشرب الحليب بس الحين غصب أشربه

بالنسبه للأدويه وصفت ليي الدكتوره فيتامينات مع مقويات الدم
وان شاء الله يسهل علينا

مرحباااااااااا فيك همس العشاق ...........
انا بعد وااااااايد تاعبني الصداع خصوصا لو طلعت مشوار ارجع ماادل الشرق من الغرب ... في حملي السابق لم اعاني منه كثر هالمره كان ممكن ايجيني مره او مرتين بس هالمره طول ..... ماادري شمسوين باقي الحوامل مع الصداع .......

هلا خواتي همس العاشق و اوشن

يمكن الصدع ارتفاع في الضغط

سوي فحص وقيسي ضغطك احسن عشان تشوفين السبب

واكيد الدكتوره بتعرف وش سبب الصداع هل من قلت الاكل او ارتفاع في الضغط

والله يعطيكم العافيه

ويتمم علينا الحمل يارب