اللي ولادتها شهر يناير .. ياريت نتعرف على بعض

مرحبا حوامل اشلونكم بخير عسى دوم ان شاء الله 000

أهلين اختي هنومه حتى آنا ولادتي باذن الله في مستشفى العدان 0000 ولادتي الاولي كانت في مستشفى العدان وكانت ولادتهم جدا جدا ممتازة فوق ما تتصورين يمكن لاني بكرية وفيني ضغط ساعدوني ما أدري 0000 على العموم الولادة الثانية ان شاء الله بنفس المستشفى وعساها تكون جيدة الله يستر 0000

الظاهر آنا وياج مناطقنا قريب من بعض على العموم آنا من المنطقة العاشرة وانتي من وين ؟؟

وحبيت أسألك عن الدكتورة سكينة اشلونها واشلون السونار عندها ؟؟؟
عندها زحمة ؟؟؟ :shy:

يانسوان ==ياحريم== ياستات== وينكم؟؟

امس رحت عند الدكتورة ولاكن ماجت!! زعلت وشلت نفسي وقدمت عند دكتورة ثانية!! لان بصراحة الاولى شغلها مايعجبني تدخلني عندها ثواني تكشف وتقول لك مع السلامة!! لاتسأل كيف الصحة ولا عندك اي مشكلة (ولاشي) لازم انا الي اقول يادكتور عندي كذا وعندي كذا ....

اما الثانية هاذي د. أثمار حسين النسوان يمدحوها كثير تأخذ مع كل مريضة نص ساعة تسأل وتكشف على مهلها ....الخ بصراحة ريحتني نفسيا اطلع من عندها وانا حاسة اني رحت عند دكتورة.... اعتقد الي عملتة صح ولا شنو؟؟؟

بعدين سرتي توجعني من اليوم الصباح هل هاذا عادي؟؟

هلا وغلا اختي او رغده انا ساكنه هم بالمنطقه العاشره
الدكتوره سكينه انا رحت عندها كذا مره بس ما سويت سونار كنت رايحه عشان عندي التهابات ومره رحت كان عندي حساسيه في بطني مكان التشققات وكنت في الشهر التاسع ووعطتني كريم ادهنه علي كل بطني ولما قريت الورقه الي داخل الكريم مكتوب ممنوع استعماله علي مناطق كبيره من الجسم بصراحه خفت وما قمت اروحلها مره ثانيه وبالنسبه للمراجعين عندها مراجعين وايد بس اتدشين بموعدك وبسرعه يوصلك الدور هذا الحلو فيها عكس ناهده اخذي مخدتي وفراشك ونامي 1 او ساعتين انت وحظك
وانا عالعموم اراجع عند الدكتوره ناهده العلي وايد وايد زينه وحبوبه وارتحتلها حيل بس مشكلتها ان دوامها العصر ما تداوم الصبح عشان شذيه مرات اضطر اروح عند سكينه لما يكون عندي مشكله

زين سويتي صباحي المفروض الدكتور يتابع حالت المريض عدل ويساله عن كل شئ عن التغذيه اذا كانت تشتكي من شئ مو يسوي سونار ومش

مساء الخير حوامل اشحالكم .. ان شاء الله أموركم كلها بخير ..

اوشن اشحالج .. والله اشتقت للمنتدى ولسوالفكم .. بس لأني إي من الدوام متأخرة وأكون وايد تعبانة من ظهري .. والاسبوع الماضي كنت اتشري حق العيد لأن ما أحب اسير الأسواق في رمضان .. انتي اوشن وهنومة شو تطورات معاكم ..

اهليييييييين وسهلين بنبونه الحمد الله الاسبوع هذا بدت تزيد حركه البيبي شعور وايد حلو وودي من الحين اروح اتشري للبيبي بس الركاده زينه بنطر السابع او الثامن وانا نفسك هم بروح اشتري ملابس العيد حقي وحق بنتي قبل رمضان والدوامات بس ناطره الحجي يتعطف علي ويوديني السوق كل يوم طالعلي بسالفه يلا قدري

[frame="9 80"]مساء الخير على الحلوين
اشلونكم
شخباركم [/frame]

اختي ام رغده انتي ولادتك بشهر يناير ولا قبل

اشلونكم حوامل انشاء الله اموركم تمام .... بغيت اسالكم عن حبوب الكالسيوم كم مره تاخذونها في اليوم مره ولا مرتين لان الموعد اللي من شهر وصفتها لي الكتوره مره في اليوم وهالمره وصفوها لي مرتين هل جرعاتها اتزيد مع تقدم الحمل ؟؟ -

kocheko6116:
هلا إختي أوشن أشكرك على هالموضوع بس دخلت متأخره لأني توني داشه على المنتدى من زمان مادخلت اـني كنت مريضه بالمستشفى.

على العموم حبيت أقول إن موعد ولادتي بكون في 9 يناير يعني تقريبآ أيام عيد الأضحى وأتمنى قيل عشان ماأخرب على الأهل فرحة العيد.

وبالنسبه لحركة البيبى والله تمام ماشاء الله عليه حركي وايد.

وسلامتكم

هلا وغلا اوشن انا الدكتوره معطتني علبه دوا وحده فيها مجمةعه فيتامينات مع حمض الفوليك والكالسيوم وآخذ حبه في اليوم

هنومه:
هلا وغلا اوشن انا الدكتوره معطتني علبه دوا وحده فيها مجمةعه فيتامينات مع حمض الفوليك والكالسيوم وآخذ حبه في اليوم

«®°·.¸.•°°·.¸¸.•°°·.¸.•°®»السلام عليكم ورحمة الله وبركاته «®°·.¸.•°°·.¸¸.•°°·.¸.•°®»
هلا ااااااااااااااااااااااااااااااا حوامل

وانا مثل هنومه عطتني الدكتورة علبة وحدة فيها كلللللللللللللل الفيتامينات والحديد والكالسيوم الي يحتاجه البيبي

واسمه maternaبصرااااااااااااااااااااااااحه واااااااايد نفعني ونافع الله

زاد وزني وأحس بصحه أكثر لان وزني ضعيييييييييييييييييييييييييييف ( وزن الريشة(r))

وي انا مو صوب الدوا كلش كله ناسيته الله يستر

هلا بنات شخباركم , أما بالنسبه لحبوب الكالسيوم أنا الدكتورة وصفة لي حبه واحده في اليوم وبعدين مع تقدم الحمل ماأدري بتزيد الجرعه ولا لا . وطبعآ مع حبه واحده من حمض الفوليك وحبه من الحديد وحبه من الفيتامين يعني ماشاء الله آخد 4 حبات في اليوم. والله إعينه

مساء الخير اخواتي العزيزات 00 اشلونكم 00 وشخباركم 00 ان شاء الله بخير 00

اختي الغالية هنومة على حسب السونار ولادتي باذن الله أول شهر يناير في 7/1/2006 والله كريم الله يسهلها يارب 000
وأبي أطلب منك رقم الدكتورة سكينه ممكن 00

وأخواتي آنا اللحين آخذ حبوب فيتامينات ( ميتيرنا ) حبه باليوم وجدا جدا ممتازة وصفتهم لي الدكتورة آخذهم لي الشهر الثامن باذن الله 000 وأيضا آخذ حبوب كالسيوم مره باليوم لي الشهر الثامن باذن الله 000 وبس 00

والحمد الله على كل حال 00

:shy: :shy:

على فكره بنات آنا شوي هاليومين تعبانه ( منشوله وراسي يعورني ويا كثر ما أعطس وخايفة أعادي بنتي رغوده الله يستر عليها )
أدعولي بالشفا الله يخليكم 000

وآسفه اني طولت عليكم 000

أم رغده:
مساء الخير اخواتي العزيزات 00 اشلونكم 00 وشخباركم 00 ان شاء الله بخير 00

اختي الغالية هنومة على حسب السونار ولادتي باذن الله أول شهر يناير في 7/1/2006 والله كريم الله يسهلها يارب 000
وأبي أطلب منك رقم الدكتورة سكينه ممكن 00

وأخواتي آنا اللحين آخذ حبوب فيتامينات ( ميتيرنا ) حبه باليوم وجدا جدا ممتازة وصفتهم لي الدكتورة آخذهم لي الشهر الثامن باذن الله 000 وأيضا آخذ حبوب كالسيوم مره باليوم لي الشهر الثامن باذن الله 000 وبس 00

والحمد الله على كل حال 00

:shy: :shy:

على فكره بنات آنا شوي هاليومين تعبانه ( منشوله وراسي يعورني ويا كثر ما أعطس وخايفة أعادي بنتي رغوده الله يستر عليها )
أدعولي بالشفا الله يخليكم 000

وآسفه اني طولت عليكم 000

اشلونكم حوامل ......
اختي أم رغده سلامات ماتشوفين شر ..

اشلونكم خواتي الحواامل...:flower:
شخباركم مع الحمل والدوام .. انا توني مداومه الاسبوع اللي فات .. ولحد الحين الحمد الله تمام .. لان لين الحين مابدينا في الجد ... بس احس اني اتعب من صعود الدرج ومن القعده على الكرسي ..:sad:
الله ايعيناويسهلها علينا وعليكم :up:...

هلا وغلا حوامل شلونكم
اختي ام رغده ان شاء تولدين بالسلامه وبالنسبه لرقم سكينه ادورلك اياه لان كرتي ضاع وتري تلقيتن اسمها بجريده الوطن بصفحه الدكاتره

مساء الخير حوامل اشحالكم .. شو مسوين وشو الحمل معاكم ... الله يسهل علينا جميعاً ... بنات خلصتو تجهيزاتكم للعيد أو بعدكم ... حوامل شو مخططين حق شهر رمضان ان شاء الله كيف جدولكم بيكون ؟

اوشن الله يعينج على الدوام بس تحملي على عمرج .. أنا نفسج اتعب من القعدة على الكرسي :cry: ,,,